കൈ ഉപയോഗിച്ച് കുഴച്ചെടുക്കേണ്ട, സവാള വട ഇങ്ങനെ തയ്യാറാക്കി നോക്കൂ

പരിപ്പു വടയും ഉള്ളിവടയും മലയാളികളുടെ സ്ഥിരം പലഹാരങ്ങളിൽ ഒന്നാണ്. പുറത്ത് നല്ല മഴ പെയ്യുമ്പോൾ ചായക്കൊപ്പം ചൂടൻ പലഹാരങ്ങൾ കഴിക്കാൻ കൊതിക്കുന്നവരാണ് അധികവും. ചായക്കടകളിൽ കിട്ടുന്ന ഉള്ളിവടയുടെ രുചി അറിഞ്ഞവർ അതൊരു തവണയെങ്കിലും വീട്ടിൽ തയ്യാറാക്കാൻ ശ്രമിച്ചിട്ടുണ്ടാകുമെല്ലോ? എന്നാൽ എന്തൊക്കെ ചെയ്തിട്ടും ഉള്ളിവട ക്രിസ്പിയായി കിട്ടുന്നില്ലേ? എങ്കിൽ ഇനി അധികം സമയം കളഞ്ഞ് കഷ്ടപ്പെടാതെ ഉള്ളി വട ഒരു തവണ ഇങ്ങനെ വറുത്തു നോക്കൂ. 

Also Read: നാല് ചേരുവകൾ മതി, മലബാർ സ്പെഷ്യൽ ചിരട്ടമാല ഇനി പലഹാരങ്ങളിൽ പ്രിയപ്പെട്ടതാകും

ചേരുവകൾ

• സവാള- 3
• പച്ചമുളക്- 3
• ഇഞ്ചി
• വെളുത്തുള്ളി
• മല്ലിയില
• മഞ്ഞൾപ്പൊടി
• കാശ്മീരിമുളകുപൊടി
• മല്ലിപ്പൊടി
• ഉപ്പ്
• ജീരകം- 1 ടേബിൾസ്പൂൺ
• പെരുംജീരകം- 1 ടീസ്പൂൺ
• എള്ള്- 1/2 ടേബിൾസ്പൂൺ
• കായപ്പൊടി- ആവശ്യത്തിന്
• കടലമാവ്- 2 ടേബിൾസ്പൂൺ
• അരിപ്പൊടി- 2 ടേബിൾസ്പൂൺ
• വെള്ളം- 3 ടേബിൾസ്പൂൺ
• ബ്രെഡ്- 4 
• വെളിച്ചെണ്ണ- ആവശ്യത്തിന്

Also Read: വായിലിട്ടാൽ അലിഞ്ഞു പോകും, ഇങ്ങനൊരു പുഡ്ഡിംഗ് നിങ്ങൾ കഴിച്ചിട്ടുണ്ടോ?

View this post on Instagram

A post shared by Aishwarya sonvane (@myflavourfuljourney)

Also Read: ബാക്കി വന്ന ചോറ് മതി, ഇനി ക്രിസ്പിയായി നെയ്പത്തിരി വറുത്തെടുക്കാം

തയ്യാറാക്കുന്ന വിധം

• മൂന്ന് സവാള കട്ടി കുറച്ച് അരിഞ്ഞെടുക്കാം. അതിലേയ്ക്ക് ഒരു പച്ചമുളക്, ഇഞ്ചി, വെളുത്തുള്ളി, മല്ലിയില എന്നിവ ചെറുതായി അരിഞ്ഞതു ചേർക്കാം.
• മഞ്ഞൾപ്പൊടി, കാശ്മീരിമുളകുപൊടി, മല്ലിപ്പൊടി ആവശ്യത്തിന് ഉപ്പ് എന്നിവ ചേർത്തിളക്കി യോജിപ്പിക്കാം.
• ശേഷം ഒരു ടേബിൾസ്പൂൺ ജീരകം, ഒരു ടീസ്പൂൺ പെരുംജീരകം, രണ്ട് ടേബിൾസ്പൂൺ കടലമാവ്, രണ്ട് ടേബിൾസ്പൂൺ അരിപ്പൊടി എന്നിവ ചേർത്തിളക്കി യോജിപ്പിക്കാം.
• ആവശ്യമെങ്കിൽ കുറച്ച് വെള്ളം ഒഴിച്ചിളക്കിയെടുക്കാം.
• മൂന്ന് അല്ലെങ്കിൽ 4 ബ്രെഡെടുത്ത് കോണോടു കോൺ മുറിക്കാം. അതിനു മുകളിൽ തയ്യാറാക്കിയ മാവ് വയ്ക്കാം.
• അടി കട്ടിയുള്ള ഒരു പാത്രം അടുപ്പിൽ വച്ച് എണ്ണ ഒഴിച്ചു ചൂടാക്കാം.
• അതിലേയ്ക്ക് ബ്രെഡ് ചേർത്തു വറുക്കാം. ഇത് ചൂടോടെ സോസിനൊപ്പം കഴിച്ചു നോക്കൂ. 

Read More: ദോശമാവ് കൈയ്യിലുണ്ടോ? ബേക്കറിയിൽ കിട്ടുന്നതിലും രുചിയിൽ ജിലേബി സിംപിളായി വീട്ടിൽ തയ്യാറാക്കാം