കൊഴിഞ്ഞു വീണ റംബൂട്ടാൻ ഇനി കൊതിയൂറും അച്ചാറാക്കി മാറ്റാം

വിദേശിയാണെങ്കിലും കേരളത്തിലും ഇന്ന് സുലഭമായി ലഭിക്കുന്നൊരു പഴമാണ് റമ്പൂട്ടാൻ. മലേഷ്യ, ഫിലിപ്പീൻസ്, ശ്രീലങ്ക, ഇന്തോനേഷ്യ എന്നിവിടങ്ങളിൽ ധാരാളമായി കണ്ടുവരുന്ന റമ്പൂട്ടാൻ മരങ്ങൾ ഇപ്പോൾ കേരളത്തിലെ കാലാവസ്ഥയിലും നന്നായി വളരുകയും കായ്ഫലം നൽകുകയും ചെയ്യുന്നുണ്ട്. പലരും ഫലവൃക്ഷങ്ങൾക്ക് ഒപ്പം റമ്പൂട്ടാൻ മരങ്ങളും വീടുകളിൽ നട്ടുപിടിപ്പിക്കുന്നുണ്ട്.

Also Read: സോയ ഇങ്ങനെ ഫ്രൈ ചെയ്താൽ ഇനി മറ്റൊരു കറി വേണ്ട

ചുറ്റും മുള്ളുകളുണ്ടെങ്കിലും ആർക്കും ഉപദ്രവം ഇല്ലാത്ത ഇത്തിരി കുഞ്ഞൻ പഴമാണിത്. പഴമായി കഴിക്കാൻ മാത്രമല്ല, അച്ചാർ ഉണ്ടാക്കാനും കറിയുണ്ടാക്കാനുമെല്ലാം റമ്പൂട്ടാൻ പഴങ്ങൾ ഉപയോഗിക്കാം.  പുറം തോടും ഉള്ളിലെ കുരുവും കളഞ്ഞെടുത്താൽ അച്ചാറിടാനുള്ള പാകത്തിനായി.  എന്നാലിതാ റമ്പൂട്ടാൻ ഉപയോഗിച്ച് അച്ചാർ ഉണ്ടാക്കുന്നതെങ്ങനെയെന്ന് നോക്കാം. ഷമീസ് തൻ്റെ യൂട്യൂബ് ചാനലിലൂടെയാണ് ഈ അച്ചാർ തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• റംബൂട്ടാൻ
• നല്ലെണ്ണ
• കടുക്
• ഉലുവ
• വറ്റൽമുളക്
• ഇഞ്ചി
• വെളുത്തുള്ളി 
• പച്ചമുളുക്
• കറിവേപ്പില
• മുളകുപൊടി
• മഞ്ഞൾപ്പൊടി
• പഞ്ചസാര അല്ലെങ്കിൽ ശർക്കര
• വിനാഗിരി
• വെള്ളം
• കായം
• ഉപ്പ്

Also Read: അച്ചാർ ഏറെനാൾ കേടുകൂടാതെ സൂക്ഷിക്കാം, ഇങ്ങനെ ചെയ്താൽ മതി

Also Read: കാഴ്ചയിൽ മാത്രമല്ല രുചിയിലും വ്യത്യസ്തമാണ് ഈ ഇൻസ്റ്റൻ്റ് ബ്രേക്ക്ഫാസ്റ്റ് വിഭവം, ട്രൈ ചെയ്തു നോക്കൂ

തയ്യാറാക്കുന്ന വിധം

• ഒരു പാൻ അടുപ്പിൽ വെച്ച്  കാൽ കപ്പ് നല്ലെണ്ണയൊഴിച്ചു ചൂടാക്കി ഒരു ടീസ്പൂൺ കടുക് ചേർത്തു പൊട്ടിക്കാം.
• അര ടീസ്പൂൺ ഉലുവ, കറിവേപ്പില എന്നിവ ചേർത്ത് വറുക്കാം.
• ഇഞ്ചിയും വെളുത്തുള്ളിയും ചെറുതായി അരിഞ്ഞത് ഒന്നര ടേബിൾസ്പൂണും, രണ്ട് പച്ചമുളക് ചെറുതായി അരിഞ്ഞതും ചേർത്ത് വഴറ്റാം.
• ഒരു ടേബിൾസ്പൂൺ വറ്റൽമുളക് ചതച്ചതും, ഒന്നര ടേബിൾസ്പൂൺ മുളകുപൊടി, ഒരു ടീസ്പൂൺ മഞ്ഞൾപ്പൊടി, അര ടീസ്പൂൺ ഉലുവ വറുത്ത് പൊടിച്ചത് എന്നിവ ചേർത്ത് നന്നായി ഇളക്കി യോജിപ്പിക്കാം.
• കാൽ കപ്പ് വിനാഗിരിയും ആവശ്യത്തിന് ഉപ്പും ചേർത്ത് തിളപ്പിക്കാം.
• മുക്കാൽ കപ്പ് വെള്ളവും, ഒപ്പം രണ്ട് നുള്ള് കായപ്പൊടിയും, ആവശ്യമെങ്കിൽ അര ടീസ്പൂൺ​ പഞ്ചസാരയോ ശർക്കരയോ ചേർത്ത് തിളപ്പിക്കാം.
• തിളച്ചു വരുമ്പോൾ മുപ്പത് റംബൂട്ടാൻ അതിലേയ്ക്കു ചേർക്കുക. നന്നായി തിളപ്പിച്ച് അടുപ്പണച്ച് തണുക്കാൻ മാറ്റി വെയ്ക്കാം.
• ചൂടാറിയതിനു ശേഷം വൃത്തുള്ള പാത്രത്തിലെടുത്ത് അടച്ചു സൂക്ഷിക്കാം. 

Read More: മാസങ്ങളോളം കേടുകൂടാതെ സൂക്ഷിക്കാം, തക്കാളി അച്ചാർ ഇങ്ങനെ തയ്യാറാക്കൂ