അച്ചാർ ഏറെനാൾ കേടുകൂടാതെ സൂക്ഷിക്കാം, ഇങ്ങനെ ചെയ്താൽ മതി

അച്ചാർ തയ്യാറാക്കാൻ ഉപയോഗിക്കുന്ന വസ്തുക്കളെല്ലാം കഴുകി വൃത്തിയാക്കിയതും ഈർപ്പ രഹിതവുമാകാൻ ശ്രദ്ധിക്കാം.

പ്ലാസ്റ്റിക് ഭരണിയേക്കാളും എല്ലായിപ്പോഴും മൺഭരണികളോ ഗ്ലാസ് ഭരണികളോ ആണ് അച്ചാറിടാൻ ഉത്തമം. അതും കഴുകി തുടച്ച് ഈർപ്പമില്ലാതെ എടുക്കണം.

നല്ലെണ്ണയാണ് അച്ചാർ തയ്യാറാക്കാൻ ഉപയോഗിക്കേണ്ടത്. ഇത് അച്ചാറിൻ്റെ ഗുണവും രുചിയും വർധിപ്പിക്കും.

അച്ചാറിൽ ചേർക്കുന്ന ചേരുവകൾ നല്ലെണ്ണയിൽ തന്നെ വറുത്തെടുക്കാം. | ചിത്രങ്ങൾ: പെക്സൽസ്

ഇടയ്ക്കിടെ തുറക്കാതെ ആവശ്യമുള്ളത്ര അച്ചാർ ചെറിയ പാത്രത്തിലേയ്ക്കു മാറ്റി സൂക്ഷിക്കാം. അച്ചാർ ഫ്രിഡ്ജിൽ സൂക്ഷിച്ചാൽ പൂപ്പൽ ഉണ്ടാകുന്നത് ഒഴിവാക്കാം.

അച്ചാറിൽ വിനാഗിരി ചേർക്കുന്നത് അത് പെട്ടെന്ന് കേടാകാതിരിക്കാൻ സഹായിക്കും. മിതമായ അളവിൽ ചേർക്കാം. വിനാഗിരിയുടെ അളവ് കൂടിപ്പോയാൽ അരുചി ഉണ്ടായേക്കും.