ഡയറ്റിലാണോ? എങ്കിൽ ഇനി ബ്രേക്ക്ഫാസ്റ്റിൽ ഇത് ഉൾപ്പെടുത്തൂ

ശരീരഭാര നിയന്ത്രണത്തിനും ആരോഗ്യത്തിനും മികച്ചതാണ് റാഗി. പോഷകങ്ങളാൽ സമ്പന്നമായ റാഗി ഉപയോഗിച്ച് ബ്രേക്ക്ഫാസ്റ്റ് ഹെൽത്തിയായി തയ്യാറാക്കാം. അമിതമായി വിശപ്പ് നിയന്ത്രിക്കുന്നതിനു പുറമെ ദഹനാരോഗ്യം മെച്ചപ്പെടുത്താനുംസഹായിക്കുന്ന നാരുകൾ റാഗിയിൽ അടങ്ങിയിട്ടുണ്ട്. കാൽസ്യത്തിൻ്റെ സമ്പന്നമായ ഉറവിടമായ റാഗി എല്ലുകങ്ങക്ക് കരുത്ത് പകരുന്നു. ഇരുമ്പ്, നാരുകൾ, പ്രോട്ടീൻ, അവശ്യ അമിനോ ആസിഡുകൾ എന്നിവയാൽ സമ്പന്നമായ റാഗി ഇനി ബ്രേക്ക്ഫാസ്റ്റിൽ ഉൾപ്പെടുത്താം. അതിനായി ഈ റെസിപ്പി ട്രൈ ചെയ്യൂ. 

Also Read: തേങ്ങ ചിരകി സമയം കളയേണ്ട, ഇത് ഒരു തവണ പൊടിച്ചു വച്ചാൽ ദോശയും ഇഡ്ഡലിയും കഴിക്കാൻ കൊതിക്കും

ചേരുവകൾ

• റാഗി- 200 ഗ്രാം
• കുരുമുളക്- 1 ടീസ്പൂൺ
• ജീരകം- 1 ടീസ്പൂൺ
• ഇഞ്ചി- ആവശ്യത്തിന്
• പച്ചമുളക് - 4
• വറ്റൽമുളക്- 4
• അരിപ്പൊടി- 50 ഗ്രാം
• തേങ്ങ ചിരകിയത്- 1/2 കപ്പ്
• ഉള്ളി- 1
• മല്ലിയില- ആവശ്യത്തിന്
• കറിവേപ്പില- ആവശ്യത്തിന്
• എണ്ണ- 1 ടേബിൾസ്പൂൺ

Also Read: ഉച്ചയൂണ് പ്രോട്ടീൻ സമ്പന്നമാക്കാം, കറി ഇതുമതി

Also Read: വിശപ്പ് കുറവാണോ? ഭക്ഷണത്തിനു മുമ്പ് ഇത് കുടിക്കൂ

തയ്യാറാക്കുന്ന വിധം

• കുരുമുളക്, ജീരകം, ഇഞ്ചി, പച്ചമുളക്, വറ്റൽമുളക് എന്നിവ മിക്സിയിൽ അരച്ചെടുക്കാം. ഒരു ബൗളിൽ റാഗിപ്പൊടിയെടുക്കാം. അതിലേയ്ക്ക് അൽപം അരിപ്പൊടി ചേർക്കാം.
• ഇതിലേയ്ക്ക് അര കപ്പ് തേങ്ങ ചിരകിയതും ചേർക്കാം. ഒപ്പം അരച്ചെടുത്ത അരപ്പും ചെറുതായി അരിഞ്ഞ ഉള്ളിയും ചേർത്തിളക്കി യോജിപ്പിക്കാം.
• ഇതിലേയ്ക്ക് മല്ലിയില, കറിവേപ്പില, ആവശ്യത്തിന് ഉപ്പ് എന്നിവ ചേർത്ത് യോജിപ്പിക്കാം.
• ഈ മാവ് കുഴച്ചു തുടങ്ങുമ്പോൾ അൽപം എണ്ണ ചേർക്കുന്നത് മാവ് ഒട്ടിപിടിക്കാതിരിക്കാൻ സഹായിക്കും.
• കുഴച്ചെടുത്ത മാവ് അൽപ സമയം അടച്ചു മാറ്റി വയ്ക്കാം. ശേഷം ഇത് ചെറിയ ഉരുളകളാക്കാം. തുടർന്ന് പരത്തിയെടുക്കാം.
• ഒരു പാൻ അടുപ്പിൽ വച്ചു ചൂടാക്കാം. പാൻ ചൂടായി വരുമ്പോൾ എണ്ണ പുരട്ടാം. പരത്തിയെടുത്ത മാവ് അതിലേയ്ക്കു വച്ച് ഇരുവശവും ചുട്ടെടുക്കാം. ഇത് ചൂടോടെ കഴിച്ചു നോക്കൂ.

Read More: പഞ്ഞി പോലെ സോഫ്റ്റ് ചപ്പാത്തി വേണോ? ഗോതമ്പ് പൊടി ഇങ്ങനെ കുഴയ്ക്കൂ