ഈ 3 ചേരുവകൾ കൈയ്യിലുണ്ടെങ്കിൽ വീട്ടിൽ തയ്യാറാക്കാം പഞ്ഞിപോലുള്ള ബൺ പൊറോട്ട

ബൺ പൊറോട്ട ഇഷ്ടമില്ലാത്ത മലയാളികൾ ഉണ്ടാകില്ല! സാധാരണ പൊറോട്ടയെക്കാൾ നൂൽ പോലെ മൃദുവായ അകവും, കട്ടിയുള്ള പുറംഭാഗവുമുള്ള ഈ വിഭവം ഇന്ന് തട്ടുകടകളിലെയും റെസ്റ്റോറന്റുകളിലെയും താരമാണ്. എന്നാൽ ഈയൊരു പലഹാരം വീട്ടിൽ ഉണ്ടാക്കുക എന്നത് പലർക്കും ഒരു ദുർഘടമായ ദൗത്യമായാണ് തോന്നാറുള്ളത്. ഒരുപാട് കുഴയ്‌ക്കേണ്ടിവരും, കട്ടിംഗ് ടേബിളിൽ അടിച്ചെടുക്കണം, കൂടാതെ ശരിയായ രൂപം കിട്ടാനും പ്രയാസമാണ് എന്നൊക്കെയാണ് പലരുടെയും ധാരണ.

Also Read: ഗോതമ്പ് പൊടി കുഴയ്ക്കുമ്പോൾ ഇത് രണ്ട് സ്പൂൺ ചേർക്കൂ, ചപ്പാത്തി സോഫ്റ്റായി പൊങ്ങി വരും

എന്നാൽ വളരെ ലളിതവും രസകരവുമായ രീതിയിൽ വീട്ടിൽ തന്നെ ബൺ പൊറോട്ട തയ്യാറാക്കാം. ഹോം കുക്കിങ് ഷോ എന്ന യൂട്യൂബ് ചാനലാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: ബാക്കി വന്ന ചോറ് കളയരുതേ... ഇനി ചൂടൻ സോഫ്റ്റ് അപ്പം തയ്യാറാക്കാൻ അതുമതി

ചേരുവകൾ

• മൈദ - 1/2 കിലോ
• പഞ്ചസാര - 1 ടീസ്പൂൺ
• ഉപ്പ്
• പാൽ - 2 ടേബിൾസ്പൂൺ
• മുട്ട - 1
• എണ്ണ - 2 ടേബിൾസ്പൂൺ

Also Read: കുറച്ച് എണ്ണയിൽ കൂടുതൽ രുചിയിൽ ക്രിസ്പിയായി വട തയ്യാറാക്കാം, പരിപ്പിനു പകരം ഇതുപയോഗിക്കൂ

തയ്യാറാക്കുന്ന വിധം

• അര കിലോ മൈദപ്പൊടി ഒരു ബൗളിലെടുക്കാം. അതിലേയ്ക്ക് ഒരു ടീസ്പൂൺ പഞ്ചസാര, ഉപ്പ്, പാൽ എന്നിവ ചേർത്ത് നന്നായി ഇളക്കി യോജിപ്പിക്കാം.
• ശേഷം ഒരു മുട്ട് ഇതിലേയ്ക്ക് പൊട്ടിച്ചൊഴിക്കാം. രണ്ട് ടേബിൾസ്പൂൺ എണ്ണ ചേർത്ത് മാവ് കുഴച്ചെടുക്കാം.
• കുഴയ്ക്കുന്നതിനിടയിൽ ചെറുചൂടുള്ള വെള്ളം ഒഴിക്കുന്നത് മാവ് സോഫ്റ്റാകാൻ സഹായിക്കും.
• 10 മുതൽ 15 മിനിറ്റ് വരെ ഇത് കുഴയ്ക്കണം. കുഴച്ചെടുത്ത മാവ് അൽപ സമയം അടച്ചു മാറ്റി വയ്ക്കാം.
• മാവ് ചെറിയ ഉരുളകളാക്കിയെടുത്ത് മുകളിൽ എണ്ണ പുരട്ടി അടച്ചു വയ്ക്കാം.
• ഒരു മണിക്കൂറിനു ശേഷം ഉരുളകൾ പരത്തി മടക്കിയെടുക്കാം. ഇത് ഉരുട്ടി കൈ ഉപയോഗിച്ച് ഒരു തവണ മൃദുവായി അമർത്താം. അമിതമായി മർദ്ദം നൽകി പരത്തേണ്ടതില്ല.
• ദോശ പാൻ അടുപ്പിൽ വച്ചു ചൂടാക്കാം. അതിൽ എണ്ണ പുരട്ടി പരത്തിയെടുത്ത മാവ് വച്ച് ഇരുവശവും വേവിച്ചെടുക്കാം. ഇനി ചൂടൻ ബീഫ് കറിക്കൊപ്പം ഇത് കഴിച്ചു നോക്കൂ. 

 Read More: മാവ് പുളിപ്പിച്ചെടുക്കേണ്ട, 5 മിനിറ്റിൽ ദോശ ചുട്ടെടുക്കാൻ ഇതാ ഒരു നുറുങ്ങുവിദ്യ