ബാക്കി വന്ന ചോറ് കളയരുതേ... ഇനി ചൂടൻ സോഫ്റ്റ് അപ്പം തയ്യാറാക്കാൻ അതുമതി

പാലപ്പവും സ്റ്റൂവും ഇഷ്ടമല്ലാത്ത മലയാളികൾ ഉണ്ടാകില്ല. എന്നാൽ അപ്പം ഉണ്ടാക്കാൻ അരി അരച്ചെടുക്കുന്നതും മാവ് പുളിക്കാനായി കാത്തിരിക്കുന്നതും കുറച്ച് ബുദ്ധിമുട്ടുള്ള കാര്യമാണ്, അല്ലേ? ഇതിനൊരു എളുപ്പവഴിയുണ്ട്! രാത്രിത്തെ ബാക്കിവന്ന ചോറ് ഉപയോഗിച്ച് നല്ല മൃദുലമായ, അരികുകൾ മൊരിഞ്ഞ പാലപ്പം എങ്ങനെ ഉണ്ടാക്കാമെന്ന് നോക്കിയാലോ?

Also Read: ഇഡ്ഡലി സോഫ്റ്റാകും ഒപ്പം രുചികരവും, ഇനി മാവ് അരയ്ക്കുമ്പോൾ പച്ചരിക്കു പകരം ഇത് ചേർക്കൂ

പാഴാക്കിക്കളയുന്ന ചോറ് ഇനി മുതൽ വെറുതെ പോകില്ല. പാചകത്തിൽ ഈ  പരീക്ഷണം നിങ്ങളുടെ സമയവും ലാഭിക്കും, ഒപ്പം സ്വാദിന്റെ കാര്യത്തിൽ ഒട്ടും പിന്നിലായിരിക്കില്ല താനും. പരമ്പരാഗത രീതിയിൽ ഉണ്ടാക്കുന്ന അപ്പത്തിന്റെ അതേ രുചിയിലും മണത്തിലും, വളരെ വേഗത്തിൽ ഈ വിഭവം തയ്യാറാക്കാം. കുറഞ്ഞ ചേരുവകൾ മാത്രം മതി, അടുക്കളയിലെ നിങ്ങളുടെ ജോലി ഇത് എളുപ്പമാക്കും.

Also Read: തട്ടുകട സ്റ്റൈലിൽ സോഫ്റ്റ് ദോശ വേണോ? ഇത്രമാത്രം ചെയ്താൽ മതി

ചേരുവകൾ

• പച്ചരി
• ചോറ്
• വെള്ളം
• ഉപ്പ്

Also Read: ഒരു കപ്പ് ചോറ് മതി, ചൂട് ചായക്കൊപ്പം കഴിക്കാൻ​ കണ്ണൂരപ്പം റെഡി

തയ്യാറാക്കുന്ന വിധം

• ഒരു പാത്രത്തിൽ രണ്ട് കപ്പ് പച്ചരി കുതിർക്കാൻ വയ്ക്കാം. നാല് മുതൽ അഞ്ച് മണിക്കൂർ വരെ ഇത് മാറ്റി വയ്ക്കാം. ശേഷം മിക്സിയിൽ നന്നായി അരച്ചെടുക്കാം. 
• ഇതിലേയ്ക്ക് വേവിച്ച ചോറ് കുറച്ച് ചേർത്ത് ആവശ്യത്തിന് വെള്ളവും ഒഴിച്ച് നന്നായി അരച്ചെടുക്കാം. 
• അരച്ചെടുത്ത മാവിലേയ്ക്ക് ഒരു നുള്ള് ഉപ്പും അൽപം പഞ്ചസാരയും ചേർത്തിളക്കി മാറ്റി വയ്ക്കാം. 
• മാവ് പുളിക്കുന്നതിനായി 8 മണിക്കൂറെങ്കിലും അടച്ചു മാറ്റി വയ്ക്കണം. 
• മാവ് പുളിച്ചതിനു ശേഷം ആവശ്യമുള്ളത് മറ്റൊരു ബൗളിലേയ്ക്കു മാറ്റാം. 
• പാലപ്പ ചട്ടി അടുപ്പിൽ വച്ചു ചൂടാക്കാം. അതിലേയ്ക്ക് മാവ് ഒഴിച്ച് അടച്ചു വയ്ക്കാം. ഇരുവശവും വെന്തതിനു ശേഷം ചൂടോടെ  തന്നെ കഴിച്ചു നോക്കൂ. 

Read More: ഗോതമ്പ് പൊടി കുഴയ്ക്കുമ്പോൾ ഇത് രണ്ട് സ്പൂൺ ചേർക്കൂ, ചപ്പാത്തി സോഫ്റ്റായി പൊങ്ങി വരും