Onam 2025 Payasam Recipe: ഉടഞ്ഞു പോകില്ല കട്ടിയാകില്ല, പായസത്തിനുള്ള അട ഇങ്ങനെ തയ്യാറാക്കി നോക്കൂ

Kerala Payasam Recipes for Onam 2025: കേരളീയ സദ്യയ്ക്ക് അല്ലെങ്കിൽ വിശേഷ ദിവസങ്ങളിൽ ഒഴിച്ചു കൂടാനാകാത്തതാണ് പ്രഥമൻ. വാഴയിലയിൽ അരിപ്പൊടി മാവ് വിതറി ആവിയിൽ വേവിച്ചെടുക്കുന്ന അടയാണ് പ്രഥമനിൽ ചേർക്കേണ്ടത്. ചെറിയ കഷ്ണങ്ങളാക്കി പായസത്തിൽ ചേർക്കുന്ന ഈ അട തന്നെയാണ് പ്രഥമൻ്റെ ഏറ്റവും വലിയ പ്രത്യേകത. 

Also Read: ബോളി ഇതുപോലെ സോഫ്റ്റും രുചികരവുമായി തയ്യാറാക്കിയാൽ വീണ്ടും കഴിക്കാൻ കൊതിക്കും

കടയിൽ നിന്നും വാങ്ങുന്ന അട അൽപം കട്ടിയായി തോന്നിയേക്കാം. അതിനാൽ അവ വീട്ടിൽ തന്നെ തയ്യാറാക്കുന്നതാണ് നല്ലത്. ഒരുപിടി ഉണക്കലരി ഉണ്ടെങ്കിൽ അഞ്ച് മിനിറ്റിൽ അത് വീട്ടിൽ തയ്യാറാക്കാം.

Also Read: ഒരു കപ്പ് ഉണക്കലരി ഉണ്ടോ? എങ്കിൽ പിങ്ക് നിറത്തിൽ നാവിൽ കൊതിയൂറുന്ന പായസം മിനിറ്റുകൾക്കുള്ളിൽ തയ്യാറാക്കാം

ചേരുവകൾ

• ഉണക്കലരി
• നെയ്യ്- 1 സ്പൂൺ
• വെള്ളം- ആവശ്യത്തിന്
• വാഴയില- ആവശ്യത്തിന്

Also Read: രുചിയൂറും ഇളനീർ പായസം, വയറും മനസ്സും നിറയ്ക്കാൻ ഇനി മറ്റൊന്നും വേണ്ട

തയ്യാറാക്കുന്ന വിധം

• ഉണക്കലരി കഴുകിയെടുക്കാം. അത് ഒരു മണിക്കൂർ വെള്ളത്തിൽ കുതിർത്തുവയ്ക്കാം.
• ശേഷം വെള്ളം കളഞ്ഞെടുക്കാം. വെള്ളം നന്നായി വലിഞ്ഞതിനു ശേഷം മിക്സിയിലിട്ട് പൊടിച്ചെടുക്കാം.
• തരിയായി കട്ടകളില്ലാതെ വേണം അരി പൊടിച്ചെടുക്കാൻ.
• ഈ പൊടി വെള്ളത്തിൽ ഒഴിച്ച് കലക്കാം. അതിലേയ്ക്ക് ഒരു സ്പൂൺ നെയ്യ്  ചേർത്തിളക്കി യോജിപ്പിക്കാം.
• വാഴയില നന്നായി തുടച്ചെടുക്കാം. ഇത് അടുപ്പിൽ വാട്ടിയെടുക്കാം. ഒരോ വാഴയില കഷ്ണങ്ങങ്ങളിലും അരിമാവ് ഒഴിക്കാം.
• ഘനം കുറയ്ക്കണമെങ്കിൽ വിരലുകൾ ഉപയോഗിച്ച് നേർപ്പിക്കാം. ശേഷം ഇലകൾ ചുരുട്ടിയെടുക്കാം.
• ഇത് തിളക്കുന്ന വെള്ളത്തിൽ ചേർത്തു വേവിച്ചെടുക്കാം. ബുദ്ധിമുട്ടുള്ളതായി തോന്നിയാൽ ഇഡ്ഡലി തട്ടിൽ വച്ചു വേവിച്ചെടുക്കാം.
• ശേഷം തുറന്നെടുത്ത് തണുക്കാൻ മാറ്റി വയ്ക്കാം.
• തണുത്ത ഇലച്ചുരുളുകൾ നിവർത്തി അടകൾ വേർപെടുത്തിയെടുക്കാം.
• അട തയ്യാറായി. ഇത് തിളച്ചു വരുന്ന പാലിലേയ്ക്കു ചേർത്തു വേവിച്ച് പായസം തയ്യാറാക്കാം. 

Read More: ഇത്തവണ ഓണത്തിന് എത്ര കുടിച്ചാലും മതിവരാത്ത ഈ മത്തങ്ങ പ്രഥമൻ ട്രൈ ചെയ്യാം, സിംപിളാണ് റെസിപ്പി