Onam 2025: Sadya Payasam Recipe: ഇത്തവണ ഓണത്തിന് എത്ര കുടിച്ചാലും മതിവരാത്ത ഈ മത്തങ്ങ പ്രഥമൻ ട്രൈ ചെയ്യാം, സിംപിളാണ് റെസിപ്പി

വിശേഷ സദ്യകളിൽ ഏറ്റവും പ്രധാനമാണ് പ്രഥമൻ. അരിപ്പൊടി കൊണ്ടുള്ള അട വേിച്ചെടുത്താണ് പ്രഥമൻ പാകം ചെയ്യാറുള്ളത്. ഇതിലേയ്ക്ക് തേങ്ങാപ്പാൽ പിഴിഞ്ഞു ചേർത്ത് കുറുക്കിയെടുക്കുന്ന മണം വന്നാൽ തന്നെ നാവിൽ കൊതിയൂറും. 

Also Read:ഓണസദ്യയിലെ പ്രധാന വിഭവങ്ങൾ ഇവയാണ്

പായസം ഇല്ലാതെ എന്ത് ഓണം?. എത്ര സദ്യ കഴിച്ചാലും പായസം കുടിക്കാതെ അത് പൂർത്തിയാവില്ല. പാലടയും, പരിപ്പും, സേമിയയും, അങ്ങനെ പായസ രുചികൾക്ക് കുറവില്ല. ഇനി അതിനൊപ്പം മത്തങ്ങ പ്രഥമൻ കൂടി ചേർത്തോളൂ. ജെയിനി തൻ്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• മത്തങ്ങ- 400 ഗ്രാം
• ശർക്കര- 2 കപ്പ്
• വെള്ളം- 1 1/2 ഗ്ലാസ്
• തേങ്ങാപ്പാൽ- 3 കപ്പ് ( ഒന്നാം പാൽ)
• തേങ്ങാപ്പാൽ- 3/4 കപ്പ് (ഒന്നാം പാൽ)
• നെയ്യ്- 2 ടേബിൾസ്പൂൺ
• ഉപ്പ്- ഒരു നുള്ള്
• അരിപ്പൊടി- 2 ടേബിൾസ്പൂൺ
• ചുക്കുപൊടി- 1/2 ടീസ്പൂൺ
• ഏലയ്ക്കപ്പൊടി- 1 ടീസ്പൂൺ
• കശുവണ്ടി
• കിസ്മിസ്

Also Read:ബോളി ഇതുപോലെ സോഫ്റ്റും രുചികരവുമായി തയ്യാറാക്കിയാൽ വീണ്ടും കഴിക്കാൻ കൊതിക്കും

Also Read: സദ്യയ്ക്കു വിളമ്പാൻ നല്ലൊരു പുളിശ്ശേരി വേണോ? ഇങ്ങനെ ഉണ്ടാക്കി നോക്കൂ

തയ്യാറാക്കുന്ന വിധം

• 400 ഗ്രാം മത്തങ്ങ തൊലി കളഞ്ഞ് ചെറിയ കഷ്ണങ്ങളാക്കി വേവിച്ച് ഉടച്ചെടുക്കാം.
• രണ്ട് കപ്പ് ശർക്കരയിലേയ്ക്ക് ഒന്നര ഗ്ലാസ് വെള്ളം ഒഴിച്ച് അലിയിച്ചെടുക്കാം.
• ഒരു പാൻ അടുപ്പിൽ വെച്ച് ഉടച്ചെടുത്ത മത്തങ്ങ ചേർത്ത് വെള്ളം വറ്റിച്ചെടുക്കാം.
• അതിലേയ്ക്ക് ഒരു ടേബിൾസ്പൂൺ നെയ്യ് ചേർത്തിളക്കാം.
• വെള്ളം നന്നായി വറ്റി കട്ടിയായി വരുമ്പോൾ തയ്യാറാക്കിയ ശർക്കര പാനി ചേർക്കാം.
  മധുരത്തിനനുസരിച്ച് വേണം ശർക്കര പാനി ചേർക്കാം.
• കുറുകി വരുമ്പോൾ തേങ്ങയുടെ മൂന്നാം പാൽ മൂന്ന് കപ്പ് ചേർത്തിളക്കാം.
• രണ്ട് ടേബിൾസ്പൂൺ​ അരിപ്പൊടിയിലേയ്ക്ക് അൽപ്പം വെള്ളം ചേർത്ത് കലക്കി പായസത്തിലേയ്ക്കു ചേർക്കുക.
• ഒപ്പം ഒരു നുള്ള് ഉപ്പ് കൂടി ചേർക്കാം.
• തിളച്ചു വരുമ്പോൾ തേങ്ങയുടെ ഒന്നാം പാൽ ചേർത്തിളക്കാം.
• നന്നായി കുറുകി വരുമ്പോൾ അര ടീസ്പൂൺ ചുക്കുപൊടിയും, ഒരു ടീസ്പൂൺ ഏലയ്ക്കപ്പൊടിയും ചേർത്തിളക്കി, അടുപ്പണയ്ക്കാം.
• ഒരു പാൻ അടുപ്പിൽ വെച്ച് അൽപ്പം നെയ്യ് ഒഴിച്ച് കശുവണ്ടി, കിസ്മിസ് എന്നിവ വറുത്തെടുക്കുക. അത് പായസത്തിലേയ്ക്കു ചേർക്കാം. 

Read More: ഒട്ടും കയ്പില്ലാതെ അസാധ്യ രുചിയിൽ തയ്യാറാക്കാം വടുകപുളി അച്ചാർ, ഇവ ചേർത്തു നോക്കൂ