പഞ്ചസാരയോ ക്രീമോ വേണ്ട, ഹെൽത്തിയായി തയ്യാറാക്കാം ഈ ലാറ്റെ

കാണാൻ ചേലൊക്കെ ഉണ്ടെങ്കിലും പലർക്കും താൽപര്യം ഇല്ലാത്ത ഒരു പച്ചക്കറിയാണ് ബീറ്റ്റൂട്ട്. ധാരാളം പോഷക ഗുണങ്ങൾ അതിനുണ്ട്. കലോറി കുറഞ്ഞ ബീറ്റ്റൂട്ടിൽ പൊട്ടാസ്യം, വിറ്റാമിൻ എ, ഇരുമ്പ്, ആൻ്റി ഓക്സിഡൻ്റുകൾ എന്നിവ അടങ്ങിയിട്ടുണ്ട്. ഇത് ശരീരത്തിനു മാത്രമല്ല നിങ്ങളുടെ ചർമ്മത്തിനും ഏറെ ഗുണകരമാണ്. അതിനാൽ ഭക്ഷണക്രമത്തിൽ നിന്നും ബീറ്റ്റൂട്ട് ഒഴിവാക്കരുത്. ഇഷ്ടത്തോടെ അത് കഴിക്കാൻ ചില സ്പെഷ്യൽ റെസിപ്പികൾ പരീക്ഷിക്കാം. അതിലൊന്നാണ് ബീറ്റ്റൂട്ട് ലാറ്റെ. പഞ്ചസാരയോ, കാപ്പിപ്പൊടിയോ ഇല്ലാതെ തയ്യാറാക്കാവുന്ന തികച്ചും ഹെൽത്തിയായ റെസിപ്പിയാണിത്. 

Also Read: ഒരു തരി പഞ്ചസാരയും വേണ്ട പഴങ്ങൾ അരച്ചെടുക്കേണ്ട, ഊർജ്ജവും ഉന്മേഷവും വീണ്ടെടുക്കാൻ ഇങ്ങനെയും ജ്യൂസ് തയ്യാറാക്കാം

ചേരുവകൾ

• ബീറ്റ്റൂട്ട്- 1
• ഈന്തപ്പഴം- 3
• വാനില എസെൻസ്- 1ടീസ്പൂൺ
• പാൽ- 2 കപ്പ്
• കറുവാപ്പട്ട- 1

Also Read: ഉയർന്ന പോഷകഗുണങ്ങളുള്ള ഈ പാനീയങ്ങൾ നിങ്ങളുടെ പ്രതിരോധ ശേഷി വർധിപ്പിക്കും

View this post on Instagram

A post shared by Fathima Fahmi (@thechefengineer94)

Also Read: അരിയും ഉഴുന്നും വേണ്ട, ക്രിസ്പിയും രുചികരവുമായ ദോശ കിട്ടാൻ ഇനി മാവ് ഇങ്ങനെ തയ്യാറാക്കൂ

തയ്യാറാക്കുന്ന വിധം

• ഒരു ഇടത്തരം വലിപ്പമുള്ള ബീറ്റ്റൂട്ട് തൊലി കളഞ്ഞ് ചെറിയ കഷ്ണങ്ങളാക്കി വേവിച്ചെടുക്കാം.
• അതിലേയ്ക്ക് കുരുകളഞ്ഞ 3 ഈന്തപ്പഴവും, ഒരു ടീസ്പൂൺ വാനില എസെൻസും, രണ്ട് കപ്പ് പാലും ചേർത്ത് അരച്ചെടുക്കാം.
• ഒരു പാനിലേയ്ക്ക് ഇത് മാറ്റി അടുപ്പിൽ വയ്ക്കാം.
• ഒരു കറുവാപ്പട്ട ചേർത്ത് മൂന്ന് മിനിറ്റ് തിളപ്പിക്കാം.
• ശേഷം ഗ്ലാസിലേയ്ക്കു പകർന്ന് കുടിച്ചോളൂ.

Read More: മധുരമൂറുന്ന ഐസ്ക്രീം ഇനി വീട്ടിൽ തയ്യാറാക്കാം ഞൊടിയിടയിൽ