ഒരു തരി പഞ്ചസാരയും വേണ്ട പഴങ്ങൾ അരച്ചെടുക്കേണ്ട, ഊർജ്ജവും ഉന്മേഷവും വീണ്ടെടുക്കാൻ ഇങ്ങനെയും ജ്യൂസ് തയ്യാറാക്കാം

ചെറിയ കുട്ടികൾക്ക് ആദ്യഭക്ഷണമായി കൊടുത്തു തുടങ്ങുന്നത് റാഗിയാണ്. കാൽസ്യത്തിൻ്റെയും പൊട്ടാസ്യത്തിൻ്റെയും കലവറയാണ് ഈ ധാന്യം. അതിനാൽ മുതിർന്നവർക്കും ഇത് ഭക്ഷണത്തിൽ ഉൾപ്പെടുത്താം. പ്രമേഹം, കൊളസ്ട്രോൾ എന്നിവ കുറയ്ക്കുന്ന റാഗി ദഹന സഹായിയാണ്.   മലബന്ധം തുടങ്ങി ദഹന സംബന്ധമായ പ്രശ്നങ്ങൾ തടയാൻ ഇത് സഹായിക്കുന്നു. വിശപ്പ് ശമിപ്പിച്ച് ഭക്ഷണം അമിതായി കഴിക്കുന്നത് ഒഴിവാക്കുന്നതിലൂടെ ശരീരഭാര നിയന്ത്രണത്തിനും റാഗി ഗുണം ചെയ്യും. എങ്കിലിനി റാഗി ഉപയോഗിച്ച് ഒരു ജ്യൂസ് തയ്യാറാക്കിയാലോ?. 

Also Read: ഊർജ്ജവും ഉന്മേഷവും നേടാം, ബ്രേക്ക്ഫാസ്റ്റിൽ ഇതും ഉൾപ്പെടുത്തൂ

ചേരുവകൾ

• റാഗി
• തേങ്ങ 
• ശർക്കര
• ഏലയ്ക്ക
• വെള്ളം 
• കശുവണ്ടി 
• ബദാം 

Also Read: 50കളിലും ശരീരസൗന്ദര്യം നിലനിർത്താൻ ശിൽപ ഷെട്ടിയുടെ സീക്രട്ട് ഡ്രിങ്ക്

Also Read: ഊർജ്ജവും ഉന്മേഷവും വീണ്ടെടുക്കാൻ രാവിലെ ഇത് കുടിച്ചു ദിവസം തുടങ്ങൂ

തയ്യാറാക്കുന്നവിധം

• ഒരു ചീനച്ചട്ടിയിലേയ്ക്ക് ഒരു കപ്പ് റാഗി എടുക്കാം.
• തുടർന്ന് റാഗി കുറഞ്ഞ ഫ്ലെയ്മിൽ നാല് മുതൽ അഞ്ചു മിനിറ്റു വരെ അടുപ്പിൽ വെച്ച് വറുത്തെടുക്കാം.
• വറുത്തെടുത്ത റാഗി ആവശ്യത്തിന് വെള്ളത്തിൽ കഴുകിയെടുത്ത് മിക്സി ജാറിലേയ്ക്കു മാറ്റാം.
• അതിലേയ്ക്ക് ഒരു പിടി തേങ്ങ ചിരകിയത്, മധുരത്തിനാവശ്യമായ ശർക്കര, നാല് ഏലയ്ക്ക മുക്കാൽ കപ്പ് വെള്ളം എന്നിവ കൂടി ചേർത്ത് നന്നായി അരച്ചെടുക്കാം.
• അരച്ചെടുത്ത റാഗി മറ്റൊരു പാത്രത്തിലേയ്ക്ക് കുറച്ചു വെള്ളംകൂടി ചേർത്ത് മൂന്നു തവണയായി അരിച്ചെടുത്തുവെയ്ക്കാം
• വെള്ളത്തിൽ കുതിർത്തു വെച്ചിരുന്ന പത്തു കശുവണ്ടി, ബദാം എന്നിവ മിക്സിയിൽ ബ്ലെൻ്റ് ചെയ്ത് മാറ്റി വെച്ച ജ്യൂസിലേയ്ക്കു ചേർക്കാം.
• തണുപ്പിച്ചോ അല്ലാതെയോ സേർവ് ചെയ്യാം ഹെൽത്തി റാഗി ജ്യൂസ്. 

Read More: അമിത വണ്ണം കുറയ്ക്കാം ഉന്മേഷം നേടാം, ദിവസവും രാവിലെ ഇത് കുടിക്കൂ