ക്രിസ്പിയും രുചികരവുമായ ദോശ കിട്ടാൻ ഇനി അരിയും ഉഴുന്നും വേണ്ട, മാവ് ഇങ്ങനെ തയ്യാറാക്കൂ

അരിയും ഉഴുന്നും അരച്ചെടുക്കാൻ​ മറന്നാലും തയ്യാറാക്കിയ മാവ് തീർന്നലും ഇനി വിഷമിക്കേണ്ട. തക്കാളിയും റവയും ഉണ്ടെങ്കിൽ രുചികരമായ ദോശ പെട്ടെന്ന് തയ്യാറാക്കാം. തലേ ദിവസംതന്നെ മാവ് തയ്യാറാക്കി സൂക്ഷിക്കേണ്ട കാര്യവുമില്ല. രുചികരവും ആരോഗ്യപ്രദവുമായ ഈ തക്കാളി ദോശ പരിചയപ്പെടുത്തി തരുന്നത് ആർഎസ്എഎ ഡ്രീംസ് ഡ്രീംസ് എന്ന ഇൻസ്റ്റഗ്രാം പേജാണ്.

Also Read: ബ്രേക്ക്ഫാസ്റ്റിന് ദോശ ഇതുപോലെ ചുട്ടെടുക്കൂ, കഴിക്കാൻ ആരും മടിക്കില്ല
 
ചേരുവകൾ

• തക്കാളി 
• സവാള 
• വെളുത്തുള്ളി 
• വറ്റൽമുളക് 
• ജീരകം
• റവ 
• തൈര് 
• ഉപ്പ്
• കറിവേപ്പില
• മല്ലിയില  

Also Read: ഇടിയപ്പം ഇതിലും സോഫ്റ്റായി കിട്ടില്ല, ബാക്കി വന്ന ചോറ് ഉപയോഗിച്ച് തയ്യാറാക്കി നോക്കൂ

View this post on Instagram

A post shared by RSAADreamsDreams (@rsaadreamsdreams)

Also Read: കൈ ഉപയോഗിച്ച് ഒരുപാട് നനയ്‌‌‌‌‌‌‌‌‌‌‌‌‌ക്കേണ്ട, പുട്ട് സോഫ്റ്റാകാൻ ഇതാ ചില നുറുങ്ങു വിദ്യകൾ

തയ്യാറാക്കുന്ന വിധം

• രണ്ട് തക്കാളി ആവിയിൽ വേവിച്ചെടുക്കാം. ശേഷം അത് തണുത്ത് കഴിഞ്ഞ് തൊലി കളഞ്ഞ് ചെറിയ കഷ്ണങ്ങളാക്കാം. അതിലേയ്ക്ക് അഞ്ച് അല്ലി വെളുത്തുള്ളിയും, മൂന്ന് വറ്റൽമുളകും, ഒരു നുള്ള് ഉപ്പും ചേർത്ത് അരച്ചെടുക്കാം. 
• ഒരു ബൗളിലേയ്ക്ക് റവയും കാൽ കപ്പ് തൈരും ചേർക്കാം. ഇതിലേയ്ക്ക് തക്കാളി അരച്ചതും ജീരകവും ലഭ്യമെങ്കിൽ കുറച്ച് പച്ചക്കറികൾ അരിഞ്ഞതും ചേർത്ത് ഒരിക്കൽ കൂടി അരയ്ക്കാം. 
• ഇതിലേയ്ക്ക് ആവശ്യത്തിന് ഉപ്പ് ചേർത്തിളക്കി യോജിപ്പിക്കാം. ഒപ്പം മല്ലിയില, കറിവേപ്പില എന്നിവ ചെറിയ കഷ്ണങ്ങളാക്കി മാവിലേയ്ക്കു ചേർത്തിളക്കാം.
• ഒരു പാൻ അടുപ്പിൽ വച്ചു ചൂടാക്കാം. അൽപം എണ്ണ അതിലേയ്ക്ക് പുരട്ടാം. ചൂടായ പാനിലേയ്ക്ക് അരച്ചെടുത്ത മാവ് ഒരു തവി ഒഴിച്ച് ഇരുവശങ്ങളും ചുട്ടെടുക്കാം. 

 Read More: ഗോതമ്പ് പൊടിയിലേയ്ക്ക് ഇത് ചേർക്കൂ, പഞ്ഞിപോലുള്ള ചപ്പാത്തി ചുട്ടെടുക്കാം