ബ്രേക്ക്ഫാസ്റ്റിന് ദോശ ഇതുപോലെ ചുട്ടെടുക്കൂ, കഴിക്കാൻ ആരും മടിക്കില്ല

പ്രഭാതഭക്ഷണം കഴിക്കാൻ മടിക്കുന്ന കുട്ടികൾക്ക്, എല്ലാ ദിവസവും ഒരേ ഭക്ഷണങ്ങൾ തന്നെ വിരസമായി തോന്നാം. അവർക്ക് ഒരു പുതിയ രുചി നൽകാൻ, പതിവിൽ നിന്ന് വ്യത്യസ്തമായ ദോശ പോലെയുള്ളയിൽ അൽപം പുതുമ കൊണ്ടുവരാം. ഒരു തവണ കഴിച്ചാൽ അത് വീണ്ടും കഴിക്കാൻ കൊതിച്ചു പോകും.  

Also Read: പഞ്ഞിക്കെട്ട് പോലുള്ള ഇഡ്ഡലി കിട്ടാൻ മാവ് അരയ്ക്കുമ്പോൾ ഇക്കാര്യം മറക്കരുത്

ചേരുവകൾ

• ദോശ മാവ് - 2 കപ്പ്
• ഉള്ളി (നന്നായി അരിഞ്ഞത്) - 1 വലുത്
• ഉരുളക്കിഴങ്ങ് (വേവിച്ച് ഉടച്ചത്) - 2 വലുത്
• പച്ചമുളക് (അരിഞ്ഞത്) - 2 (എരിവ് അനുസരിച്ച്)
• ഇഞ്ചി വെളുത്തുള്ളി പേസ്റ്റ് - 1 ടീസ്പൂൺ
• കടുക് - 1/2 ടീസ്പൂൺ
• ജീരകം - 1/2 ടീസ്പൂൺ
• മഞ്ഞൾപ്പൊടി - 1/4 ടീസ്പൂൺ
• ഗരം മസാല - 1/2 ടീസ്പൂൺ
• മല്ലിയില (അരിഞ്ഞത്) - അല്പം
• എണ്ണ - ആവശ്യത്തിന്
• ഉപ്പ് - ആവശ്യത്തിന്

Also Read: അരിയും ഉഴുന്നും ഇല്ലാതെ തന്നെ ദോശ സോഫ്റ്റും രുചികരവുമാക്കാം, ഇത്രമാത്രം ചെയ്താൽ മതി

തയ്യാറാക്കുന്ന വിധം

• ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിക്കാം. എണ്ണ തിളച്ചു കഴിയുമ്പോൾ തീ കുറയ്ക്കാം, ശേഷം കടുക് ജീരകം എന്നിവ ചേർത്തു വഴറ്റാം. ഇതിലേയ്ക്ക് ചുവന്നുള്ളി, പച്ചമുളക്, ഇഞ്ചി വെളുത്തുള്ളി പേസ്റ്റ് എന്നിവ ചേർത്തു വേവിക്കാം. അവയുടെ നിറം മാറി വരുമ്പോൾ ഉരുളക്കിഴങ്ങും ഉപ്പും ചേർത്തു വേവിക്കാം. മസാലയുമായി ഉരുളക്കിഴങ്ങ് ഇളക്കി യോജിപ്പിക്കാം. ശേഷം അടുപ്പണച്ച് തണുക്കാൻ മാറ്റി വയ്ക്കാം. 

Also Read: പഞ്ഞി പോലൊരു വട്ടയപ്പം തയ്യാറാക്കാം, അരിപ്പൊടിയും റവയും ഇല്ലാതെ

• ദോശ പാൻ അടുപ്പിൽ വച്ചു ചൂടാക്കാം. അതിലേയ്ക്ക് മാവ് ഒഴിക്കാം. ഒരു വശം വെന്തതിനു ശേഷം തയ്യാറാക്കിയ മസാല അതിനു നടുവിൽ വച്ചു മടക്കാം. രുചികരവും പോഷക സമൃദ്ധവുമായ ദോശയാണിത്. കുട്ടികൾക്കും മുതിർന്നവർക്കും ഇത് ഒരുപോലെ ഇഷ്ടപ്പെടും. 

Read More: സാമ്പാറും തോരനും കഴിച്ചു മടുത്തോ? എങ്കിലിനി ചോറ് വേവിക്കുമ്പോൾ ഇതു കൂടി ചേർക്കൂ