എരിവും പുളിയും മാത്രമല്ല പോഷകങ്ങളുടെ കലവറയുമാണ് ഈ അച്ചാർ, ട്രൈ ചെയ്തു നോക്കൂ

മണത്തിലും ഗുണത്തിലും ഏറെ മുമ്പിലാണ് കറിവേപ്പില. കറികളുടെ സ്വാദും മണവും മെച്ചപ്പെടുത്താനാണ് സാധാരണ ഇത് ഉപയോഗിക്കാറുള്ളത്. എന്നാൽ ഇത് ഉപയോഗിച്ച് അച്ചാറും തയ്യാറാക്കാം. സ്വാഭാവികമായ കറിവേപ്പിൻ്റെ ഇലകൾക്ക് ഒരു അരുചി ഉണ്ട്. എന്നാൽ അച്ചാർ തയ്യാറാക്കുമ്പോൾ ഇതൊന്നും പ്രശ്നമാകില്ല. പുളിയും എരിവും കലർന്ന സ്വാദിഷ്ടമായ കറിവേപ്പില അച്ചാറിൻ്റെ റെസിപ്പി ഷമീസ് തൻ്റെ യൂട്യൂബ് ചാനലിലൂടെയാണ് പരിചയപ്പെടുത്തി തരുന്നത്. 

Also Read: ഒട്ടും കയ്പില്ലാതെ അസാധ്യ രുചിയിൽ തയ്യാറാക്കാം വടുകപുളി അച്ചാർ, ഇവ ചേർത്തു നോക്കൂ

ചേരുവകൾ

• കറിവേപ്പില-50 ഗ്രാം
• വാളൻ പുളി -30 ഗ്രാം
• എള്ളെണ്ണ -3 ടേബിൾ സ്പൂൺ
• ഉലുവ- 1 ടേബിൾ സ്പൂൺ
• ചെറിയ ജീരകം-1/2 ടീസ്പൂൺ ,
• കടലപരിപ്പ് -2 ടേബിൾ സ്പൂൺ  
• വെളുത്തുള്ളി-15 എണ്ണം
• മുളകുപൊടി-4 ടേബിൾ സ്പൂൺ
• മഞ്ഞൾപ്പൊടി- 1 ടീസ്പൂൺ
• എള്ളെണ്ണ -1/4 കപ്പ്
• കടുക്-1 ടേബിൾ സ്പൂൺ
• ഇഞ്ചി-2 ടേബിൾ സ്പൂൺ
• വെളുത്തുള്ളി-25 ഗ്രാം
• കാന്താരി മുളക്- 15 ഗ്രാം
• കറിവേപ്പില- ആവശ്യത്തിന്
• കായപ്പൊടി -1/2 ടീസ്പൂൺ
• ഉപ്പ്- ആവശ്യത്തിന്
• ശർക്കര പൊടിച്ചത്- 2 ടേബിൾ സ്പൂൺ
• വിനാഗിരി-3 ടേബിൾ സ്പൂൺ

Also Read: റവയിലേയ്ക്ക് ഇതു കൂടി അരച്ചു ചേർക്കാം, ഇനി ബ്രേക്ക്ഫാസ്റ്റിന് ഇഡ്ഡലി 5 മിനിറ്റിൽ റെഡിയാക്കാം

Also Read: അരിയും ഉഴുന്നും ചേർക്കാതെ പഞ്ഞിപോലുള്ള ദോശ 5 മിനിറ്റിൽ ചുട്ടെടുക്കാം, ഇതാ ഒരു പൊടിക്കൈ

തയ്യാറാക്കുന്ന വിധം

• കറിവേപ്പില നന്നായി കഴുകി ഉണക്കി ഇലകൾ വേർപെടുത്തിയെടുക്കാം. 
• 30 ഗ്രാം വാളൻ പുളി കുരുകളഞ്ഞത് ഒരു കപ്പ് ചൂടുവെള്ളത്തിൽ കുതിർത്തു വയ്ക്കാം.
• അടികട്ടിയുള്ള ഒരു പാത്രം അടുപ്പിൽ വച്ച് എള്ളെണ്ണ ചേർത്തു ചൂടാക്കാം. ഇതിലേയ്ക്ക് ഉലുവയും, ജീരകവും, കടലപരിപ്പും ചേർത്തു വറുക്കാം.
• ഇതിലേയ്ക്ക് വെളുത്തുള്ളി തൊലി കളഞ്ഞതു ചേർക്കാം. 
• വെളുത്തുള്ളിയുടെ നിറം മാറു തുടങ്ങുമ്പോൾ കറിവേപ്പില ചേർത്തു വറുക്കാം. 
• ഇതിലേയ്ക്ക് മുളകുപൊടി, മഞ്ഞൾപ്പൊടി, എന്നിവ ചേർത്തിളക്കി അടുപ്പണയ്ക്കാം. ഈ മിശ്രിതം തണുത്തതിനു ശേഷം വെള്ളത്തിൽ കുതിർത്ത പുളി കൂടി ചേർത്ത് അരച്ചെടുക്കാം. 
• ഒരു പാൻ അടുപ്പിൽ വച്ച് നല്ലെണ്ണ ഒഴിച്ചു ചൂടാക്കാം. ഇതിലേയ്ക്ക് കടുക് ചേർത്തു പൊട്ടിക്കാം.
• ചെറുതായി അരിഞ്ഞ ഇഞ്ചി, വെളുത്തുള്ളി, കാന്താരി മുളക്, ഒരു പിടി കറിവേപ്പില, കായപ്പൊടി തുടങ്ങിയവ ചേർത്തു വേവിക്കാം.
• ശേഷം അരച്ചെടുത്ത മിശ്രിതം ചേർത്ത് യോജിപ്പിക്കാം.
• ഇനി ആവശ്യത്തിന് ഉപ്പ് ചേർത്ത് അടുപ്പണയ്ക്കാം.
• അൽപം വിനാഗിരി ഒഴിച്ച് വൃത്തിയാക്കിയ ഭരണിയിലേയ്ക്കു മാറ്റി സൂക്ഷിക്കാം. ഇത് ആവശ്യാനുസരണം ഉപയോഗിക്കാം. 

Read More: ഒരു സ്പൂൺ തേങ്ങ പോലും വേണ്ട, ഈ സിംപിൾ ഹെൽത്തി ചട്നി ഒരു തവണ ട്രൈ ചെയ്തു നോക്കൂ