ഒരു മുട്ടയും സേമിയയും ഉണ്ടെങ്കിൽ ഉപ്പുമാവ് ഇങ്ങനെയും പാകം ചെയ്യാം

പായസം തയ്യാറാക്കാൻ മാത്രമാണോ സേമിയ ഉപയോഗിക്കാറുള്ളത്? എപ്പോഴെങ്കിലും സേമിയ ന്യൂഡിൽസ് കഴിച്ചു നോക്കിയിട്ടുണ്ടോ?. പായസം തയ്യാറാക്കി ബാക്കി വന്ന സേമിയ മാറ്റി വച്ച് കേടാക്കി കളയേണ്ട. കുട്ടികൾക്കും മുതിർന്നവർക്കും ഒരുപോലെ കഴിക്കാവുന്ന രുചികരമായ വിഭവങ്ങൾ അതുപയോഗിച്ച് പാകം ചെയ്തെടുക്കാം. അങ്ങനെയെങ്കിൽ ഇനി സേമിയ ഉണ്ടെങ്കിൽ ന്യൂഡിൽസ് സ്റ്റൈലിൽ തന്നെ ഒരു ഉപ്പുമാവ് ട്രൈ ചെയ്താലോ?. വളരെ സിംപിൾ റെസിപ്പിയാണ്. ബ്രേക്ക്ഫാസ്റ്റ് കഴിക്കാൻ മടിക്കുന്ന കുട്ടികൾക്കായി ഒരു ഹെൽത്തി സേമിയ മുട്ട ഉപ്പുമാവ്. ഷെഫ് രഞ്ജിത്ത് തൻ്റെ യൂഡ്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: 3 മുട്ട മതി, ഗോതമ്പ് പൊടിയും മൈദയും ഇല്ലാതെ ഹെൽത്തിയായി ന്യൂഡിൽസ് തയ്യാറാക്കാം

ചേരുവകൾ 

• സേമിയ
• മുട്ട
• വെള്ളം
• എണ്ണ
• കുരുമുളകുപൊടി
• വെണ്ണ
• സവാള
• കാരറ്റ്
• കാപ്സിക്കം
• കാശ്മീരിമുളകുപൊടി
• പഞ്ചസാര
• മഞ്ഞൾപ്പൊടി
• ഉപ്പ്

Also Read: 5മിനിറ്റ് മതി, തയ്യാറാക്കാം കിടിലൻ ചെറുപയർ ഫ്രൈ

View this post on Instagram

A post shared by Chef At Home (@chefathomeyt)

Also Read: ദോശ കഴിക്കാൻ മടി തോന്നാറുണ്ടോ? എങ്കിലിനി മസാല ചേർത്തൊരു പരീക്ഷണം നടത്തി നോക്കാം
തയ്യാറാക്കുന്ന വിധം

• ഒരു പാത്രം അടുപ്പിൽ വച്ച് അൽപ്പം വെള്ളം ഒഴിച്ച് തിളപ്പിക്കാം.
• വെള്ളം തിളച്ചു വരുമ്പോൾ 100 ഗ്രാം സേമിയ ഇതിലേക്ക് ചേർക്കാം.
  ആവശ്യമെങ്കിൽ അൽപ്പം എണ്ണ കൂടി ചേർക്കാവുന്നതാണ്.
• സേമിയ വെന്തതിനു ശേഷം അടുപ്പണച്ച് അരിച്ചെടുത്ത് വെയ്ക്കാം.
• ഒരു പാൻ അടുപ്പിൽ വച്ച് അൽപ്പം എണ്ണ ഒഴിച്ച് വെണ്ണ ചേർത്ത് ചൂടാക്കാം.
• അതിലേക്ക് രണ്ട് മുട്ട പൊട്ടിച്ചൊഴിച്ചിളക്കി ഉടയ്ക്കാം.
• സവാള ചെറുതായി അരിഞ്ഞതു ചേർത്ത് വഴറ്റാം.
• അൽപ്പം കാശ്മീരിമുളകുപൊടി, മഞ്ഞൾപ്പൊടി,  കാരറ്റ്, കാപ്സിക്കം എന്നിവ കൂടി ചേർത്ത് ഇളക്കി യോജിപ്പിക്കാം.
• വേവിച്ചു വച്ച സേമിയ ചേർത്തിളക്കാം.
• അൽപ്പം കുരുമുളകുപൊടി, പഞ്ചസാര, ഉപ്പ് തുടങ്ങിയവ ചേർത്തിളക്കി യോജിപ്പിക്കാം.
• അടുപ്പിൽ നിന്ന് മാറ്റി, ഇഷ്ടാനുസരണം വിളമ്പി കഴിച്ചു നോക്കൂ.

Read More: ബിരിയാണിയും ഫ്രൈഡ് റൈസും മാറി നിൽക്കും, ചോറ് വേവിച്ചതിലേയ്ക്ക് ഇത് കൂടി ചേർക്കൂ