ബിരിയാണിയും ഫ്രൈഡ് റൈസും മാറി നിൽക്കും, ചോറ് വേവിച്ചതിലേയ്ക്ക് ഇത് കൂടി ചേർക്കൂ

അടുക്കളയിൽ മിക്കപ്പോഴും ബാക്കി വരുന്ന ആഹാരമാണ് ചോറ്. സ്കൂൾ തുറന്നതോടെ കുട്ടികൾക്കു ദിവസവും ചോറ് കഴിക്കുന്നതിനോട് താൽപ്പര്യം കുറഞ്ഞതായി തോന്നുന്നുണ്ടോ?. എന്നാൽ ഇനി ഈ രണ്ട് പ്രശ്നങ്ങൾക്കും പരിഹാരമായ ഒരടിപൊളി റെസിപ്പിയുണ്ട്. സ്ഥിരം തയ്യാറാക്കുന്ന ചോറ്  ഒന്ന് മാറ്റി പിടിക്കാം. നാടൻ ഉള്ളിച്ചോറിനോട് സാദൃശ്യം പുലർത്തുമെങ്കിലും  മഹാരാഷ്ട്രൻ വിഭവമായ തേച്ച റൈസ് അൽപ്പം വ്യത്യസ്തമാണ് . മഞ്ചൂസ് ഫുഡ് എന്ന ഇൻസ്റ്റഗ്രാം പേജാണ് ഈ വിഭവം തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: രുചിയോടെ ഊണ് കഴിക്കാം ഒപ്പം ഊർജ്ജവും ഉന്മേഷവും തേടാം, ഈ തോരൻ കഴിക്കുന്നത് ശീലമാക്കൂ

ചേരുവകൾ

• പച്ചമുളക്
• നിലക്കടല
• വെളുത്തുള്ളി
• മല്ലി
• ജീരകം
• ഉപ്പ്
• എണ്ണ
• കറിവേപ്പില
• ചോറ്
• നാരങ്ങ
• മല്ലിയില

Also Read: ചോറ് കഴിക്കാൻ ഇനി മടികാണിക്കില്ല, ഈ പൊടിക്കൈ പരീക്ഷിച്ചു നോക്കൂ

View this post on Instagram

A post shared by Mauje's Food (@maujes.food)

Also Read: 5മിനിറ്റ് മതി, തയ്യാറാക്കാം കിടിലൻ ചെറുപയർ ഫ്രൈ

തയ്യാറാക്കുന്ന വിധം

• ഏഴോ എട്ടോ വെളുത്തുള്ളി, എരിവിനനുസരിച്ച് പച്ചമുളക്, അൽപ്പം മല്ലിയില, കുറച്ച് ജീരകം, ആവശ്യത്തിന് ഉപ്പ്, വറുത്ത നിലക്കടല എന്നിവ  അരച്ചെടുക്കാം.
• അടികട്ടിയുള്ള ഒരു പാത്രം അടുപ്പിൽ വെച്ച് അൽപ്പം എണ്ണയൊഴിച്ച് ചൂടാക്കി കുറച്ച് ജീരകം, കറിവേപ്പില, തയ്യാറാക്കിയ അരപ്പ് എന്നിവ വഴറ്റാം.
• ഇതിലേയ്ക്ക് ബാക്കി വന്ന ചോറ് കൂടി ചേർത്തിളക്കാം.  അൽപ്പം നാരങ്ങാ നീരു കൂടി ചേർത്തിളക്കി ചൂടോടെ കഴിക്കാം.

Read More: ദോശ കഴിക്കാൻ മടി തോന്നാറുണ്ടോ? എങ്കിലിനി മസാല ചേർത്തൊരു പരീക്ഷണം നടത്തി നോക്കാം