5മിനിറ്റ് മതി, തയ്യാറാക്കാം കിടിലൻ ചെറുപയർ ഫ്രൈ

അവധിക്കാലമായാൽ അടുക്കളയിലെ പണികളും കൂടി. അതു കൊണ്ട് സമയം മുഴുവൻ​ അവിടെ ചിലവഴിക്കേണ്ട് കാര്യമില്ല. രുചികരവും എന്നാൽ എളുപ്പത്തിലും തയ്യാറാക്കാൻ സാധിക്കുന്ന വിഭവങ്ങൾ ട്രൈ ചെയ്യൂ. ചെറുപയർ ഉണ്ടോ? എങ്കിൽ അൽപം ചുവന്നുള്ളിയും, വറ്റൽമുളകും, വെളുത്തുള്ളിയും ചതച്ച് ഫ്രൈ ചെയ്തെടുത്തോളൂ. ഇൻസ്റ്റൻ്റ് റെസിപ്പിയാണിത്. ഷിജോ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: ബീൻസിലേയ്ക്ക് ഒരുപിടി നിലക്കടല കൂടി ചേർത്ത് ഇങ്ങനെ വേവിക്കൂ, കിടിലൻ രുചിയാണ്

ചേരുവകൾ

• ചുവന്നുള്ളി- 6-7 എണ്ണം
• കുരുമുളക്- 1/4 ടീസ്പൂൺ
• വെളുത്തുള്ളി- 4-5 അല്ലി
• വറ്റൽമുളക്- 3 എണ്ണം
• വെളിച്ചെണ്ണ- ആവശ്യത്തിന്
• കറിവേപ്പില- 1 തണ്ട്
• ഉപ്പ്- ആവശ്യത്തിന്
• ചെറുപയർ- 11/2 കപ്പ്

Also Read: രുചിയോടെ ഊണ് കഴിക്കാം ഒപ്പം ഊർജ്ജവും ഉന്മേഷവും തേടാം, ഈ തോരൻ കഴിക്കുന്നത് ശീലമാക്കൂ

View this post on Instagram

A post shared by Shijo John (@shijo_jhon)

Also Read: ശരീരത്തിൻ്റെയും ചർമ്മത്തിൻ്റെയും ആരോഗ്യം മെച്ചപ്പെടുത്താം, ഈ ഇല ഒരുപിടി ചേർത്ത് കറി തയ്യാറാക്കി കഴിക്കൂ

തയ്യാറാക്കുന്ന വിധം

• അഞ്ചോ ആറോ ചുവന്നുള്ളിയും, കാൽ ടീസ്പൂൺ കുരുമുളകും, നാലോ അഞ്ചോ വെളുത്തുള്ളി അല്ലിയും ചതച്ചെടുക്കാം.
• ഇതിലേയ്ക്ക് മൂന്ന് വറ്റൽമുളക് ചേർത്ത് ചതയ്ക്കാം.
• ഒരു പാൻ അടുപ്പിൽ വെച്ച് അൽപ്പം വെളിച്ചെണ്ണയൊഴിച്ചു ചൂടാക്കി ചതച്ചെടുത്തവ ചേർത്തിളക്കാം.
• അതിലേയ്ക്ക് ഒരു തണ്ട് കറിവേപ്പില കൂടി ചേർത്ത് ഇളക്കാം.
• ആവശ്യത്തിന് ഉപ്പ് ചേർത്തിളക്കാം.
• ഇതിലേയ്ക്ക് വേവിച്ച വെച്ചിരിക്കുന്ന ചെറുപയർ ചേർത്ത് കുറഞ്ഞ തീയിൽ വഴറ്റിയെടുക്കാം. 

Read More: ഉണക്കമീൻ കറിയല്ല, ഈ ചമ്മന്തിയാണ് ഇനി ഉച്ചയൂണിന് താരം