ബീൻസിലേയ്ക്ക് ഒരുപിടി നിലക്കടല കൂടി ചേർത്ത് ഇങ്ങനെ വേവിക്കൂ, കിടിലൻ രുചിയാണ്

പയർ മെഴുക്കു പുരട്ടിയോട് താൽപ്പര്യമില്ലാത്തവരാണോ? എങ്കിൽ ഇനി ഒരു സ്പെഷ്യൽ റെസിപ്പിയിൽ അത് തയ്യാറാക്കി നോക്കൂ. നിലക്കടലയും, പരിപ്പും ഉപയോഗിച്ചുള്ള മസാലക്കൂട്ടകൾ ചേർത്ത് ഹെൽത്തിയായി മെഴുക്കുപുരട്ടി റെഡിയാക്കാം. എണ്ണ അധികം ഉപയോഗിക്കേണ്ടി വരില്ല എന്നതും ഇതിൻ്റെ ഗുണമാണ്. എല്ലാ ദിവസവും ഒരേ രീതിയിൽ തന്നെ തയ്യാറാക്കുന്നതിനാലാണ് പയർ മെഴുക്കുപുരട്ടിയോടുള്ള ഇഷ്ടം കുറയുന്നത്. ശ്രീപ്രിയ തൻ്റെ ഇൻസ്റ്റഗ്രാം പേജിലൂടെയാണ് രുചികരമായ ആ റെസിപ്പി പങ്കുവെയ്ക്കുന്നത്.

Also Read: ചൂട് കട്ടൻചായക്കൊപ്പം ഈ വിത്ത് വിളയിച്ച് കഴിച്ചു നോക്കൂ, ശരീരഭാരം കുറയ്ക്കാം പ്രതിരോധ ശേഷി വർധിപ്പിക്കാം

ചേരുവകൾ

• മല്ലി
• കടല പരിപ്പ്
• ഉഴുന്നു പരിപ്പ്
• ഉലുവ
• നിലക്കടല
• ജീരകം
• എള്ള്
• വറ്റൽമുളക്
• എണ്ണ
• ചുവന്നുള്ളി
• കറിവേപ്പില
• പയർ
• ഉപ്പ്

Also Read: ഒരു മുറി സവാളയിൽ ഉച്ചയൂണിന് കറി റെഡി

View this post on Instagram

A post shared by Sri priya (@spicysamayals)

Also Read: തേങ്ങ ചിരകിയെടുക്കേണ്ട, കടലക്കറി രുചികരമാക്കാൻ ഈ മസാലക്കൂട്ട് മാത്രം മതി

തയ്യാറാക്കുന്ന വിധം

• അടി കട്ടിയുള്ള ഒരു പാത്രം അടുപ്പിൽ വെച്ച് ഒരു ഒരു ടീസ്പൂൺ മല്ലി, അൽപ്പം കടല പരിപ്പ്, ഉഴുന്നു പരിപ്പ്, കാൽ ടീസ്പൂൺ ഉലുവ, ജീരകം, കുറച്ച് എള്ള്, രണ്ട് വറ്റൽമുളക് എന്നിവ ചേർത്തു വറുത്തെടുക്കാം.
• വറുത്തെടുത്ത വിത്തുകൾ തണുത്തിനു ശേഷം നന്നായി പൊടിച്ചെടുക്കാം.
• പാനിലേയ്ക്ക് അൽപ്പം എണ്ണയൊഴിച്ചൂ ചൂടാക്കി ചുവന്നുള്ളി ചെറുതായി അരിഞ്ഞതും അൽപ്പം കറിവേപ്പിലയും ചേർത്തു വഴറ്റാം.
• അരിഞ്ഞു വെച്ചിരിക്കുന്ന പയർ ഇതിലേയ്ക്കു ചേർത്ത് വേവിക്കാം.
• ഇടയ്ക്ക് അൽപ്പം മഞ്ഞൾപ്പൊടിയും ചേർക്കാം.
• കുറച്ച് വെള്ളം ഒഴിച്ചിളക്കി അടച്ചു വെച്ച് വേവിക്കാം.
• വെന്തു വരുമ്പോൾ തയ്യാറാക്കിയ മസാലയും ആവശ്യത്തിന് ഉപ്പും ചേർത്തിളക്കി അൽപ്പ സമയം അടുപ്പിൽ വെയ്ക്കാം. 

Read More: ഒരു മുറി തക്കാളി മതി, ഇനി ദോശയ്ക്കും ചോറിനും കറി റെഡി