3 മുട്ട മതി, ഗോതമ്പ് പൊടിയും മൈദയും ഇല്ലാതെ ഹെൽത്തിയായി ന്യൂഡിൽസ് തയ്യാറാക്കാം

കുട്ടികളുടെ മാത്രമല്ല ഇപ്പോൾ പ്രായഭേദമന്യേ ഏവർക്കും ഇഷ്ട്ടപ്പെട്ട ഒന്നാണ് ന്യൂഡിൽസ്. വിവിധ ബ്രാൻഡുകളുടെ വ്യത്യസ്ത രുചികളിലുള്ള ഇൻസ്റ്റൻ്റ് ന്യൂഡിൽസുകൾ വിപണിയിൽ ലഭ്യമാണ്. എന്നാൽ ഇവ എത്രത്തോളം ആരോഗ്യപ്രദമാണ് എന്നത് സംശയകരമാണ്. എങ്കിൽ ന്യൂഡിൽസ് തന്നെ അൽപം ഹെൽത്തിയും രുചികരവുമായി വീട്ടിൽ തയ്യാറാക്കി നോക്കൂ. മുട്ട മാത്രം മതി, ഇത്  ഇൻസ്റ്റൻ്റായി റെഡിയാക്കിയെടുക്കാം.  തക്കാളിയും, സവാളയും, കുറച്ചു മസാലകളും ചേർത്താൽ കടയിൽ കിട്ടുന്ന ന്യൂഡിൽസ് മാറി നിൽക്കും ഇതിൻ്റെ രുചിയുടെ മുമ്പിൽ. ആതിര തൻ്റെ ഇൻസ്റ്റഗ്രാം പേജിലൂടെയാണ് ഈ വെറൈറ്റി ന്യൂഡിൽസ് റെസിപ്പി പരിചയപ്പെടുത്തി തരുന്നത്.

Also Read: അരിപ്പൊടി വേണ്ട, ഈ രണ്ട് ചേരുവകൾ ഉണ്ടെങ്കിൽ പഞ്ഞിപോലുള്ള അപ്പം ചുട്ടെടുക്കാം

ചേരുവകൾ

• മുട്ട 
• മുളകുപൊടി
• മഞ്ഞൾപ്പൊടി
• കുരുമുളകുപൊടി 
• എണ്ണ
• സവാള
• വെളുത്തുള്ളി 
• തക്കാളി 
• പച്ചമുളക് 
• സോയസോസ് 
• തക്കാളി
• കോൺഫ്ലോർ
• ഉപ്പ്
• മല്ലിയില

Also Read: ഊർജ്ജവും ഉന്മേഷവും വീണ്ടെടുക്കാൻ ഈ ഹൽവ ശീലമാക്കൂ

View this post on Instagram

A post shared by Athira Akhil (@athys_cookbook)

Also Read:സവാള വഴറ്റിയതിലേയ്ക്ക് ഇതു കൂടി ചേർക്കൂ, ഇനി മുട്ടക്കറി കൂടുതൽ രുചികരമാകും
തയ്യാറാക്കുന്ന വിധം

• ബൗളിലേയ്ക്ക് മൂന്ന് മുട്ട പൊട്ടിച്ചൊഴിച്ച് അര ടേബിൾ സ്പൂൺ കാശ്മീരിമുളകുപൊടി, കാൽ ടീസ്പൂൺ മഞ്ഞൾപ്പൊടി, അര ടീസ്പൂൺ കുരുമുളകുപൊടി, അൽപ്പം ഉപ്പ് എന്നിവ ചേർത്തിളക്കാം.
• ഒരു പാൻ അടുപ്പിൽ വെച്ച് എണ്ണ പുരട്ടി മുട്ട കുറച്ചു വീതം ഒഴിച്ച് രണ്ട് തവണയായി വേവിച്ചെടുക്കാം.
• തയ്യാറാക്കിയ മുട്ട വീതി കുറച്ച് നീളത്തിൽ അരിഞ്ഞെടുക്കാം.
• അടുപ്പിൽ പാൻ വെച്ച് ആവശ്യത്തിന് എണ്ണയൊഴിച്ചു ചൂടാക്കി ഒരു സവാള ചെറുതായി അരിഞ്ഞത്, വെളുത്തുള്ളി ചെറുതായി അരിഞ്ഞത് ഒരു ടേബിൾസ്പൂൺ, ഒന്നോ രണ്ടോ പച്ചമുളക് അരിഞ്ഞത്, എന്നിവ ചേർത്തു വഴറ്റാം.
• ഒരു ചെറിയ തക്കാളി കഷ്ണങ്ങളാക്കിയതു കൂടി ചേർത്തിളക്കാം.
• അര ടേബിൾസ്പൂൺ സോയസോസ്, ഒരു ടേബിൾസ്പൂൺ തക്കാളി സോസ് എന്നിവ ചേർത്തിളക്കാം.
• അരിഞ്ഞു വെച്ചിരിക്കുന്ന മുട്ട ചേർത്തിളക്കി വേവിച്ച് അൽപം മല്ലിയിലയും ആവശ്യത്തിന് ഉപ്പും ചേർത്ത് അടുപ്പിൽ നിന്നും മാറ്റാം. 

Read More: ചിക്കൻ ഫ്രൈ ക്രിസ്പിയാക്കാം, ഈ മസാലകൾ ചേർക്കൂ