ചിക്കൻ ഫ്രൈ ക്രിസ്പിയാക്കാം, ഈ മസാലകൾ ചേർക്കൂ

കറുമുറു കഴിക്കാൻ ചൂടൻ ചിക്കൻ ഫ്രൈ കൊതിക്കാത്തവരായി ആരുണ്ട്. അതും തട്ടുകട സ്റ്റൈലിൽ ആണെങ്കിൽ രുചി വ്യത്യസ്തമായിരിക്കും. ചോറിനും ചപ്പാത്തിക്കും, പൊറോട്ടയ്ക്കുമൊപ്പം ചിക്കൻ ഫ്രൈ കഴിക്കാൻ ഇനി കൊതിക്കാതെ തയ്യാറാക്കി നോക്കൂ. കടയിൽ കിട്ടുന്ന അതേ രുചിയിൽ ചിക്കൻ ഫ്രൈ വേണമെങ്കിൽ സ്ഥിരം ഉപയോഗിക്കുന്ന റെസിപ്പിയിൽ ചെറിയ മാറ്റങ്ങൾ വരുത്താം. അതിനായി മുംതാസിൻ്റെ ഈ പൊടിക്കൈകൾ ട്രൈ ചെയ്തു നോക്കൂ. 

Also Read: തേങ്ങ ചേർക്കാതെ ചെറുപയർ ഒരു തവണ ഇങ്ങനെ വേവിച്ചെടുക്കൂ, ചോറിനും പുട്ടിനും ചപ്പാത്തിക്കും ഇതുമതി

ചേരുവകൾ

• ചിക്കൻ
• ഇഞ്ചി
• മഞ്ഞൾപ്പൊടി
• കാശ്മീരിമുളകുപൊടി
• ചിക്കൻമസാല
• പെരുംജീരകം
• വറ്റൽമുളക് ചതച്ചത്
• നാരങ്ങ
• ഉപ്പ്
• അരിപ്പൊടി
• വെള്ളം
• വെളിച്ചെണ്ണ
• തേങ്ങ
• കറിവേപ്പില

Also Read: സവാള വഴറ്റിയതിലേയ്ക്ക് ഇതു കൂടി ചേർക്കൂ, ഇനി മുട്ടക്കറി കൂടുതൽ രുചികരമാകും

Also Read: ഒരു മുറി സവാളയിൽ ഉച്ചയൂണിന് കറി റെഡി

തയ്യാറാക്കുന്ന വിധം

• ഒരു പാത്രത്തിലേയ്ക്ക് വെളുത്തുള്ളിയും ഇഞ്ചിയും അരച്ചത് ഒരു ടേബിൾസ്പൂൺ എടുക്കാം.
• ഇതിലേയ്ക്ക് അര ടീസ്പൂൺ മഞ്ഞൾപ്പൊടി, മൂന്നു ടേബിൾസ്പൂൺ കാശ്മീരിമുളകുപൊടി, ഒരു ടീസ്പൂൺ ചിക്കൻ മസാല, ഒരു ടീസ്പൂൺ പെരുംജീരകം, ഒരു ടീസ്പൂൺ വറ്റൽമുളക് ചതച്ചത്, ആവശ്യത്തിന് ഉപ്പ്, നാരങ്ങയുടെ നീര് രണ്ട് ടേബിൾസ്പൂൺ, മൂന്ന് ടേബിൾസ്പൂൺ അരിപ്പൊടി ആവശ്യത്തിന് വെള്ളം എന്നിവ ചേർത്ത് ഇളക്കി മസാല തയ്യാറാക്കാം.
• ഇതിൽ നിന്നും അൽപ്പം അരപ്പ് മാറ്റിവെച്ചതിനു ശേഷം കഷ്ണങ്ങളാക്കി വെച്ചിരുന്ന ചിക്കൻ കഷ്ണങ്ങൾ ഇതിലേയ്ക്ക് ചേർത്തിളക്കി മാറ്റി വെയ്ക്കാം.
• അടികട്ടിയുള്ള ഒരു പാത്രം അടുപ്പിൽ വെച്ച് ആവശ്യത്തിന് വെളിച്ചെണ്ണയൊഴിച്ച് ചൂടാക്കി ചിക്കൻ കഷ്ണങ്ങൾ വറുത്തെടുക്കാം.
• മാറ്റി വെച്ചിരുന്ന അരപ്പിലേയ്ക്ക് അൽപ്പം തേങ്ങ ചിരകിയത് ചേർത്തിളക്കി ഇതേ എണ്ണയിൽ വറുത്തെടുക്കാം, കുറച്ച് കറിവേപ്പില കൂടി ഒപ്പം ചേർക്കാം.

Read More: ഉണക്കമീൻ കറിയല്ല, ഈ ചമ്മന്തിയാണ് ഇനി ഉച്ചയൂണിന് താരം