ചപ്പാത്തി സോഫ്റ്റും രുചികരവും മാത്രമല്ല ഹെൽത്തിയുമാക്കാം, ഇതാ ഒരു സ്പെഷ്യൽ റെസിപ്പി

ആരോഗ്യകാര്യത്തിൽ കുട്ടികൾ മുതിർന്നവർ എന്നൊന്നുമില്ല. കഴിക്കുന്ന ഭക്ഷണത്തിലൂടെയാണ് ശരീരത്തിന് ആവശ്യമായ പേഷകങ്ങൾ ലഭ്യമാകുന്നത്. അതിന് എന്തെല്ലാം ഭക്ഷണങ്ങൾ തിരഞ്ഞെടുക്കുന്നു എന്നത് പ്രധാനമാണ്. ഏറ്റവും കരുതലോടെ തിരഞ്ഞെടുക്കേണ്ടത് ബ്രേക്ക്ഫാസ്റ്റാണ്.

Also Read: ഒരു സ്പൂൺ പഞ്ചസാര പോലും വേണ്ട, കോൾഡ് കോഫി ഒരുതവണ ഇങ്ങനെ തയ്യാറാക്കി നോക്കൂ

ഒരു ദിവസത്തേയ്ക്കു വേണ്ടുന്ന ഊർജ്ജവും ഉന്മേഷവും പ്രദാനം ചെയ്യാൻ സഹായിക്കുന്നവയാകണം രാവിലത്തെ ഭക്ഷണം. പക്ഷേ തിരക്കുള്ള ദിവസങ്ങളിൽ ഭക്ഷണം സിംപിളാക്കാനാണ് അധികം ആളുകളും ശ്രദ്ധിക്കുന്നത്. സിംപിളും രുചികരവും ഹെൽത്തിയുമായുള്ള ഒരു റെസിപ്പിയാണെങ്കിലോ? രേഖ ഇൻസ്റ്റഗ്രാം പേജിലൂടെ പരിചയപ്പെടുത്തുന്ന ഈ ബ്രേക്ക്ഫാസ്റ്റ് റെസിപ്പി ട്രൈ ചെയ്യൂ.

ചേരുവകൾ

• പാലക് ചീര
• പച്ചമുളക്
• ഇഞ്ചി
• വെളുത്തുള്ളി
• ഉപ്പ്
• ഗോതമ്പ് പൊടി
• നെയ്യ്
• കസൂരിമേത്തി
• മുളകുപൊടി
• മല്ലിപ്പൊടി
• ഗരംമാസാല
• പനീർ

Also Read: പഴുപ്പ് കൂടിയ ഒരു നേന്ത്രപ്പഴം കൊണ്ട് പഞ്ഞിപോലുള്ള ഇടിയപ്പം തയ്യാറാക്കാം

View this post on Instagram

A post shared by Rekha S (@rekhascucina)

Also Read: പഞ്ഞി പോലൊരു കുഞ്ഞൻ അപ്പം, ഒരു മുറി കാരറ്റ് കൊണ്ട് ഇതിലും രുചികരമായി പലഹാരം തയ്യാറാക്കാൻ പറ്റുമോ?

തയ്യാറാക്കുന്ന വിധം

• ചെറുചൂടുള്ള വെള്ളത്തിൽ ചീര കുതിർത്തു വയ്ക്കാം ശേഷം അത് നന്നായി കഴുകി അടർത്തയെടുക്കാം.
• ഇതിലേയ്ക്ക് പച്ചമുളക്, ഇഞ്ചി, വെളുത്തുള്ളി, ഉപ്പ് എന്നിവ ചേർത്ത് നന്നായി അരച്ചെടുക്കാം. ഇത് അരച്ചു മാറ്റി വയ്ക്കാം.
• ഗോതമ്പ് പൊടി ഒരു ബൗളിലെടുത്ത് അതിലേയ്ക്ക് അരച്ചെടുത്ത മിശ്രിതം ചേർത്ത് കുഴച്ച് 30 മിനിറ്റ് മാറ്റി വയ്ക്കാം. മറ്റൊരു ബൗളിൽ പനീർ ഉടച്ചെടുക്കാം.
• അതിലേയ്ക്ക് ആവശ്യത്തിന ഉപ്പ്, കുരുമുളകുപൊടി, മല്ലിപ്പൊടി, കസൂരിമേത്തി എന്നിവ ചേർത്തിളക്കി യോജിപ്പിക്കാം. കുഴച്ചു വച്ച് മാവ് ചെറിയ ഉരുളകളാക്കാം.
• അതിനുള്ളിലേയ്ക്ക് മസാലകൾ ചേർത്ത പനീർ വയ്ക്കാം. ശേഷം ചപ്പാത്തി പരത്തിയെടുക്കാം.
• ഒരു പാൻ അടുപ്പിൽ വച്ചു ചൂടാക്കാം. അതിൽ നെയ്യ് പുരട്ടാം. ഇതിലേയ്ക്ക് ചപ്പാത്തി വച്ച് ചുട്ടെടുക്കാം. ഇനി ചൂടോടെ കഴിച്ചു നോക്കൂ.

ഗുണങ്ങൾ

ഇരുമ്പ്, വിറ്റാമിനുകൾ, പ്രോട്ടീൻ എന്നിവയുടെ സമ്പന്നമായ ഉറവിടമാണ് പനീറും, പാലകും. ഇവ ശരീരത്തിന് ഊർജ്ജം നൽകും. പാലകിൽ അടങ്ങിയിരിക്കുന്ന നാരുകൾ ദഹനാരോഗ്യത്തിന് ഗുണകരമാണ്.  വളരെ എളുപ്പത്തിൽ തയ്യാറാക്കുന്ന വിഭവമായതിനാൽ ബ്രേക്ക്ഫാസ്റ്റായും, രാത്രി ഭക്ഷണമായും ഇത് ഉപയോഗിക്കാം. 

Read More: ഉഴുന്ന് ചേർക്കേണ്ട, പൂപോലുള്ള ദോശ ഇങ്ങനെ ചുട്ടെടുക്കൂ