പഞ്ഞി പോലൊരു കുഞ്ഞൻ അപ്പം, ഒരു മുറി കാരറ്റ് കൊണ്ട് ഇതിലും രുചികരമായി പലഹാരം തയ്യാറാക്കാൻ പറ്റുമോ?

കാരറ്റ് കൊണ്ട് കറി മാത്രമല്ല ഇനി പലഹാരവും തയ്യാറാക്കാം. വളരെ പെട്ടെന്ന് തയ്യാറാക്കാൻ പറ്റുന്ന സ്നാക്കാണ്  അന്വേഷിക്കുന്നതെങ്കിൽ കാരറ്റ് ബോൾ ട്രൈ ചെയ്തു നോക്കൂ. കാരറ്റും മൈദയും ഉണ്ടെങ്കിൽ രുചികരമായ പലഹാരം അഞ്ചു മിനിറ്റിൽ റെഡി. നുസീറയാണ് തൻ്റെ ഇൻസ്റ്റാഗ്രാം പേജിലൂടെ കാരറ്റ് ബോൾ റെസിപ്പി പങ്കുവെയ്ക്കുന്നത്. 

ചേരുവകൾ

• കാരറ്റ്
• മുട്ട 
• പഞ്ചസാര
• മൈദ 
• ബേക്കിങ്ങ് പൗഡർ 
• ഏലയ്ക്കാപ്പൊടി
• പാൽ 
• എണ്ണ

Also Read: ബാക്കി വന്ന ചോറ് മതി, ഇനി ക്രിസ്പിയായി നെയ്പത്തിരി വറുത്തെടുക്കാം

View this post on Instagram

A post shared by Nuseera PA (@dians_kannur_kitchen)

Also Read: ദോശമാവ് കൈയ്യിലുണ്ടോ? ബേക്കറിയിൽ കിട്ടുന്നതിലും രുചിയിൽ ജിലേബി സിംപിളായി വീട്ടിൽ തയ്യാറാക്കാം

തയ്യാറാക്കുന്ന വിധം

• മീഡിയം വലിപ്പത്തിലുള്ള ഒരു കാരറ്റ് അരിഞ്ഞതിലേയ്ക്ക് ഒരു മുട്ട പൊട്ടിച്ചൊഴിച്ചതും അര കപ്പ് പഞ്ചസാരയും ചേർത്ത് അരച്ചെടുക്കാം.
• ബൗളിലേയ്ക്ക് ഒരു കപ്പ് മൈദയെടുത്ത് അതിലേയ്ക്ക് ഒരു ടീസ്പൂൺ ബേക്കിങ്ങ് പൗഡർ, ഒരു ടീസ്പൂൺ ഏലയ്ക്കാപ്പൊടിയും ചേർത്ത് ഇളക്കാം.
• അരച്ചു വെച്ചിരിക്കുന്ന കാരറ്റ് അതിലേയ്ക്കു ചേർത്തിളക്കുക. കാൽ കപ്പ് പാൽ കൂടിചേർക്കാം.
• അടുപ്പിൽ ചീനച്ചട്ടി വെച്ച് അൽപ്പം എണ്ണയൊഴിച്ച് ചൂടാക്കി ആവശ്യാനുസരണം മാവ്  ഇട്ടു കൊടുക്കുക. വറുത്തെടുത്താൽ ചൂടോടെ കഴിക്കാം നല്ല സോഫ്റ്റ് സ്നാക്ക്.

Also Read: കൈ ഉപയോഗിച്ച് കുഴച്ചെടുക്കേണ്ട, സവാള വട ഇങ്ങനെ തയ്യാറാക്കി നോക്കൂ

ഊർജ്ജവും ഉന്മേൽവും നൽകാൻ കാരറ്റ് ജ്യൂസ്

ധാരാളം പോഷക ഗുണങ്ങള്ളുള കാരറ്റ് ഉപയോഗിച്ച് കിടിലൻ ജ്യൂസും തയ്യാറാക്കാം.

ചേരുവകൾ

• കാരറ്റ്- 1
• പഴം- 1
• ഈന്തപ്പഴം- 6
• പാൽ- 1 ഗ്ലാസ്

തയ്യാറാക്കുന്ന വിധം

• വലിയ കാരറ്റ് ഒരെണ്ണം ചെറിയ കഷ്ണങ്ങളായി അരിഞ്ഞ് വേവിക്കുക.
• അതിലേക്ക് നന്നായി പഴുത്ത ഒരു പഴം അരിഞ്ഞു ചേർക്കൂ.
• ഒരു ഗ്ലാസ് പാലും, ആറ് ഈന്തപ്പഴം കുരുകളഞ്ഞ് വെള്ളത്തിൽ കുതിർത്തു വച്ചതും അതിലേക്കു ചേർത്ത് അരച്ചെടുക്കാം.
• അത് ഒരു ഗ്ലാസിലേക്കു മാറ്റി മുകളിലായി കാരറ്റ് ഗ്രേറ്റ് ചെയ്ത് ചേർക്കാം.
• ലഭ്യമെങ്കിൽ നട്സ് പൊടിച്ചെടുത്തും ചേർക്കാവുന്നതാണ്. 

Read More: ഒരു മുറി സവാളയുണ്ടെങ്കിൽ കറുമുറു കഴിക്കാൻ സ്നാക്സ് റെഡി