ചമ്മന്തി ഇതിലും രുചികരവും പോഷകസമൃദ്ധവുമാക്കാൻ പറ്റില്ല, ട്രൈ ചെയ്യൂ

ഭക്ഷണം രുചികരം മാത്രമല്ല, ആരോഗ്യകരവുമായിരിക്കണം. ദഹനാരോഗ്യം സംരക്ഷിക്കുന്ന പോഷകസമൃദ്ധമായ ഭക്ഷണങ്ങൾ കഴിക്കാം. അത് ബ്രേക്ക്ഫാസ്റ്റിൽ നിന്നു തന്നെ തുടങ്ങും. ദോശയും ഇഡ്ഡലിയുമാണെങ്കിൽ തേങ്ങ ചമ്മന്തി നിർബന്ധമായിരിക്കുമെല്ലോ? തേങ്ങയ്ക്ക് ഇപ്പോ എന്താ വില എന്ന് ആശങ്കപ്പെട്ടിരിക്കുമ്പോൾ ഇനി ചമ്മന്തിക്കു കൂടി അത് ഉപയോഗിക്കേണ്ടതുണ്ടോ?. തേങ്ങ ചിരകിയെടുക്കാതെ തന്നെ രുചികരമായ ചമ്മന്തി തയ്യാറാക്കാം ഈ ഇല ഉണ്ടെങ്കിൽ. ഷാൻ ജിയോ തൻ്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: ദഹനത്തിനും പ്രതിരോധ ശേഷി വർധിപ്പിക്കുന്നതിനും ഏറ്റവും ഗുണകരം, ഇനി ഇതും ഭക്ഷണശീലത്തിൽ ഉൾപ്പെടുത്തൂ

ചേരുവകൾ

• വെളിച്ചെണ്ണ- 3 ടേബിൾസ്പൂൺ
• ഉഴുന്ന് പരിപ്പ്- 11/2 ടേബിൾസ്പൂൺ
• ചുവന്നുള്ളി- 10
• വെളുത്തുള്ളി- 2
• പച്ചമുളക്-3
• വാളൻപുളി- 5ഗ്രാം
• ഉപ്പ്- 1/2 ടീസ്പൂൺ
• പുതിനയില- 30ഗ്രാം
• മല്ലിയില- 10ഗ്രാം
• തേങ്ങ- 1/4 കപ്പ്
• വെള്ളം- 1/4  കപ്പ്
• കടുക്- 1/2 ടീസ്പൂൺ
• വറ്റൽമുളക്- 2
• കറിവേപ്പില- 1 തണ്ട്

Also Read: അരിപ്പൊടി ഇല്ലാതെയും ഇനി അടിപൊളി ഇടിയപ്പം തയ്യാറാക്കാം

Als Read: റവ മാത്രമല്ല, ഇവ കൂടി ചേർത്താൽ ഉപ്പുമാവ് ആരും കഴിച്ചു പോകും

തയ്യാറാക്കുന്ന വിധം

• അടി കട്ടിയുള്ള ഒരു പാനിൽ വെളിച്ചെണ്ണ ഒഴിച്ചു ചൂടാക്കാം.
• അതിലേയ്ക്ക് കടലപരിപ്പ് ചേർത്തു വറുക്കാം. അതിൻ്റെ നിറം മാറി വരുമ്പോൾ ചുവന്നുള്ളി അരിഞ്ഞതും, വെളുത്തുള്ളിയും, പച്ചമുളകും ചേർത്തു വറ്റാം.
• ശേഷം പുതിനയിലയും മല്ലിയിലയും ചേർത്തിളക്കി കൊടുക്കാം.
• ഇതിൻ്റെ ചൂടാറിയതിനു ശേഷം തേങ്ങ ചിരകിയതു ചേർത്തിളക്കാം.
• ഇത് ഒരു മിക്സിയിലേയ്ക്കു മാറ്റി നന്നായി അരച്ചെടുക്കാം.
• ഒരു പാൻ അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിക്കാം. എണ്ണ തിളച്ചു വരുമ്പോൾ കടുകും, വറ്റൽമുളകും, കറിവേപ്പിലയും ചേർത്തു താളിപ്പ് തയ്യാറാക്കാം.
• ഇത് അരച്ചെടുത്ത ചമ്മന്തിയിലേയ്ക്കു ചേർക്കാം. ഇനി ദോശയോടൊപ്പം കഴിച്ചു നോക്കൂ.

Read More: ഒരു മിനിറ്റിൽ കുക്കർ ഉപയോഗിച്ചു തയ്യാറാക്കാം സോഫ്റ്റ് പത്തിരി, ഇനി മാവ് കുഴച്ചും പരത്തിയും കഷ്ടപ്പെടേണ്ട