നാവിലലിഞ്ഞു പോകും കോഫി പുഡ്ഡിംഗ്, മുട്ടയും ഓവനും വേണ്ട

മധുര വിഭവങ്ങൾ ഇഷ്ടമല്ലാത്തവരുണ്ടോ? കുട്ടികളുടെ കാര്യം പ്രത്യേകം പറയേണ്ടതില്ല. സ്കൂൾ വിട്ടെത്തുന്ന കുട്ടികൾക്കു വേണ്ടി എന്തെങ്കിലും സ്പെഷ്യൽ ഉണ്ടാക്കാൻ ആഗ്രഹം ഉണ്ടോ? എങ്കിൽ ഒരു പുഡ്ഡിംഗ് തന്നെ ട്രൈ ചെയ്തോളൂ. അവർക്കേറ്റവും പ്രിയപ്പെട്ട കാരമലിൻ്റെ രുചിയിൽ അത് തയ്യാറാക്കാം. കാപ്പിപ്പൊടിയും പഞ്ചസാരയുമാണ് പ്രധാന ചേരുവകൾ. ഈ റെസിപ്പി പരീക്ഷിച്ചു നോക്കൂ.

Also Read: ആരോഗ്യവും സൗന്ദര്യവും ഒറ്റ ജ്യൂസിൽ, ദിവസവും രാവിലെ ഇത് കുടിക്കൂ

ചേരുവകൾ

• പാൽ- 2 കപ്പ്
• കോൺഫ്ലോർ- 1/4 കപ്പ്
• പഞ്ചസാര- 1/2 കപ്പ്
• കാപ്പിപ്പൊടി- 1 ടീസ്പൂൺ

Also Read: കറികളൊന്നും വേണ്ട, നാവിലിട്ടാൽ അലിയും ഈ പാൽ പുട്ട്

Also Read: കരുത്തുറ്റ ശരീരത്തിന് ഒരു ഹെൽത്തി ലഡ്ഡു, പഞ്ചസാരയോ കടലമാവോ വേണ്ട

തയ്യാറാക്കുന്ന വിധം

• അര കപ്പ് പാലിലേയ്ക്ക് കാൽ കപ്പ് കോൺഫ്ലോർ ചേർത്തിളക്കി യോജിപ്പിക്കാം.
• ഒരു പാനിൽ വെള്ളമെടുത്ത് പഞ്ചസാര കൂടി ചേർത്ത് അടുപ്പിൽ വച്ചു തിളപ്പിക്കാം.
• പഞ്ചസാര അലിഞ്ഞ് ബ്രൗൺ നിറമാകുന്നതു വരെ ഇളക്കാം.
• വെള്ളം വറ്റി പഞ്ചസാര നന്നായി അലിഞ്ഞതിനു ശേഷം കോൺഫ്ലോർ ചേർത്ത പാൽ ഒഴിച്ചിളക്കാം.
• ഒരു ടീസ്പൂൺ​ കാപ്പിപ്പൊടി ചേർത്ത് കുറുക്കിയെടുക്കാം.
• ശേഷം തണുക്കാൻ മാറ്റി വയ്ക്കാം.
• ഇത് മറ്റൊരു പാത്രത്തിലേയ്ക്കു മാറ്റി രണ്ട് മണിക്കൂർ ഫ്രീസറിൽ സൂക്ഷിക്കാം.
• കട്ടിയായി കഴിഞ്ഞാൽ ആവശ്യാനുസരണം കഴിക്കാം. 

Read More: എളുപ്പത്തിലുണ്ടാക്കാം ഈ പൊരിച്ച പത്തിര, പുട്ട് പൊടി മതി