ഒറ്റക്കാഴ്ചയിൽ ഇലയട എന്നു തോന്നിയേക്കാം, മധുരമൂറുന്ന ഈ ശ്രീലങ്കൻ വിഭവം ട്രൈ ചെയ്യൂ

അരിപ്പൊടി കുഴച്ച് ഉള്ളിൽ ശർക്കരയും തേങ്ങയും വച്ച് ആവിയിൽ വേവിക്കുന്ന മലയാളിയുടെ സ്വന്തം ഇലയടയ്ക്ക് ഒരു മോക്കോവർ നൽകാൻ പറ്റുമോ? കൂടുതൽ അലോചിക്കേണ്ട, അതിന് പറ്റിയ ഒരു വിഭവം ശ്രീലങ്കയിലുണ്ട്. ഇനി അത് കഴിക്കാൻ കടൽ കടന്ന് പോകേണ്ട കാര്യമില്ല. ഒറ്റക്കാഴ്ചയിൽ ഇടിയപ്പം എന്ന് തോന്നിപ്പിക്കുന്ന മധുരപലഹാരമാണത്. വാഴയിലയ്ക്കു പകരം മഞ്ഞളിൻ്റെ ഇലയാണ് അവർ ഇതിനായി ഉപയോഗിക്കുന്നത്. രുചികരമായ ലാവാരിയ തയ്യാറാക്കുന്നത് എങ്ങനെയെന്ന് സജി തൻ്റെ ഇൻസ്റ്റഗ്രാം പേജിലൂടെ പരിചയപ്പെടുത്തി തരുന്നു. 

Also Read: ഈ 3 ചേരുവകൾ മതി, 2 മിനിറ്റിൽ ബ്രേക്ക്ഫാസ്റ്റ് റെഡി

ചേരുവകൾ

• അരിപ്പൊടി- 1 കപ്പ്
• ഉപ്പ്- ആവശ്യത്തിന്
• എണ്ണ- ആവശ്യത്തിന്
• ശർക്കര- ആവശ്യത്തിന്
• ഏലയ്ക്ക- 1 ടീസ്പൂൺ
• മഞ്ഞളിൻ്റെ ഇല- ആവശ്യത്തിനി ( വാഴയിലയും ഉപയോഗിക്കാം)
• വെള്ളം- 1 ഗ്ലാസ്
• ചെറുപയർ പരിപ്പ്- 1/2 ഗ്ലാസ്

Also Read: മൈദയോ കടലമാവോ വേണ്ട, ക്രിസ്പിയും രുചികരവുമായ വട തയ്യാറാക്കാൻ രണ്ട് നേന്ത്രപ്പഴം മതി

View this post on Instagram

A post shared by Saji's Samayal (@sajis_samayal)

Also Read: മുട്ട തീർന്നു പോയോ? എങ്കിൽ ഒരു തവണ​ ബ്രെഡ് ടോസ്റ്റ് ഇങ്ങനെ തയ്യാറാക്കി നോക്കൂ

തയ്യാറാക്കുന്ന വിധം

• അടി കട്ടിയുള്ള ഒരു പാത്രത്തിൽ വെള്ളമെടുത്ത് ശർക്കര ചേർത്ത് അലിയിക്കാം.
• ശർക്കര നന്നായി അലിഞ്ഞതിനു ശേഷം അടുപ്പണയ്ക്കാം.
• തണുത്ത് കഴിഞ്ഞ് ശർക്കര ലായനി അരിച്ച് മാറ്റി വയ്ക്കാം.
• ഇതിലേയ്ക്ക് തേങ്ങ ചിരകിയതും, ഏലയ്ക്ക പൊടിച്ചതും ചേർത്തിളക്കി യോജിപ്പിക്കാം.
• ചെറുപയർ പരിപ്പ് വേവിച്ചെടുത്തും അതിലേയ്ക്കു ചേർക്കാം.
• ചേരുവകളെല്ലാം നന്നായി ഇളക്കി യോജിപ്പിക്കാം.
• അരിപ്പൊടിയിൽ ഉപ്പും, എണ്ണയും ചേർത്ത്  ചെറുചൂടുള്ള വെള്ളമൊഴിച്ച് മാവ് തയ്യാറാക്കാം.
• ഇത് ഇടിയപ്പത്തിൻ്റെ അച്ചിൽ നിറയ്ക്കാം.
• മഞ്ഞളിൻ്റെ ഇല കഴുകി തുടച്ചെടുത്ത് അതിൽ എണ്ണ പുരട്ടാം.
• ഇതിലേയ്ക്ക് ഇടിയപ്പം പിഴിഞ്ഞെടുക്കാം.
• അതിനുള്ളിൽ തയ്യാറാക്കിയ മധുരം വച്ച് ഇല മടക്കാം.
• ഇത് ഇഡ്ഡലി പാത്രത്തിൽ വച്ച് ആവിയിൽ വേവിക്കാം.
• നന്നായി വെന്ത ഇലയട ചൂടോടെ കഴിച്ചു നോക്കൂ. 

Read More: അരിയും ഉഴുന്നും വേണ്ട, ഇനി ഇഡ്ഡലി 5 മിനിറ്റിൽ തയ്യാറാക്കാം മാവ് അരച്ചെടുക്കാതെ