റവയിലേയ്ക്ക് ഇതൊരു സ്പൂൺ ചേർക്കൂ, ഉപ്പുമാവ് രുചികരവും ഹെൽത്തിയുമാക്കാം

വിശപ്പ് ശമിപ്പിക്കുന്ന ഹെൽത്തിയായിട്ടുള്ള ബ്രേക്ക്ഫാസ്റ്റാണോ അന്വേഷിക്കുന്നത്? എങ്കിൽ വെജിറ്റബിൾ ഉപ്പുമാവ് നല്ല ഓപ്ഷനാണ്. നാരുകൾ, വിറ്റാമിനുകൾ, പ്രോട്ടീൻ എന്നിവയാൽ സമ്പന്നമായ രുചിക്കൂട്ടാണത്. സൗത്തിന്ത്യൻ സ്റ്റൈലിലാണെങ്കിൽ ഉപ്പുമാവ് എത്ര കഴിച്ചാലും മടുപ്പ് വരില്ല. എങ്കിലിനി ഉപ്പുമാവ് വളരെ സിംപിളായിട്ട് തയ്യാറാക്കുന്നതിന് പകരം പോഷകസമ്പുഷ്ടമായി പാകം ചെയ്യാം. ആർകെ റെസിപ്പീസ് ബൗൾ എന്ന് ഇൻസ്റ്റഗ്രാം പേജാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: 5 മിനിറ്റിൽ മാവും ദോശയും റെഡി, ഇനി ബ്രേക്ക്ഫാസ്റ്റ് സിംപിളും രുചികരവുമാക്കാം

ചേരുവകൾ

• തൈര്
• ഇഞ്ചി
• കറിവേപ്പില
• മല്ലി
• എണ്ണ
• കടുക്
• നിലക്കടല
• കശുവണ്ടി
• പച്ചമുളക്
• ഉള്ളി
• മഞ്ഞൾപ്പൊടി
• ഉപ്പ്

Also Read: ഇനി റവ വറുത്തെടുക്കേണ്ട, 5 മിനിറ്റിൽ ഉപ്പുമാവ് റെഡി

View this post on Instagram

A post shared by RK Recipes Bowl (@rk_recipes_bowl)

Also Read: പഞ്ഞിപോലുള്ള പുട്ടിന് ഇങ്ങനൊരു കൂട്ട് നിങ്ങൾ പരീക്ഷിച്ചിട്ടുണ്ടോ?

തയ്യാറാക്കുന്ന വിധം

• അര കപ്പ് തൈരിലേയ്ക്ക്  ചെറുതായി അരിഞ്ഞ ഇഞ്ചി, കറിവേപ്പില, മല്ലയില എന്നിവ ചേർക്കാം. ശേഷം വെള്ളം ഒഴിച്ച് കലക്കിയെടുക്കാം.
• ഒരു പാൻ അടുപ്പിൽ വച്ചു ചൂടാക്കാം. ഇതിലേയ്ക്ക് വെളിച്ചെണ്ണ ഒഴിക്കാം.
• എണ്ണ ചൂടായതിലേയ്ക്ക് കടുകും പരിപ്പും ചേർത്തുവറുക്കാം.
• ചെറുതായി അരിഞ്ഞ ഇഞ്ചി വെളുത്തുള്ളി, പച്ചമുളക് എന്നിവ ചേർത്തു വഴറ്റാം.
• ഇതിലേയ്ക്ക് നെയ്യിൽ  വറുത്തെടുത്ത കശുവണ്ടിയും നിലക്കടലയും ചേർക്കാം.
• രണ്ട് കപ്പ് വറുത്ത റവ ചേർത്തിളക്കി യോജിപ്പിക്കാം.
• ഇതിലേയ്ക്ക് മാറ്റി വച്ചിരിക്കുന്ന തൈര് ഒഴിച്ചിളക്കി അടച്ചു വച്ചു വേവിക്കാം. വെള്ളം വറ്റി റവ വെന്തു കഴിയുമ്പോൾ ചൂടോടെ വിളമ്പി കഴിച്ചു നോക്കൂ. 

Read More: യീസ്റ്റും ബേക്കിങ് സോഡയും ചേർക്കേണ്ട, അപ്പത്തിനുള്ള മാവ് ഇങ്ങനെയും തയ്യാറാക്കാം