പഞ്ഞിപോലുള്ള പുട്ടിന് ഇങ്ങനൊരു കൂട്ട് നിങ്ങൾ പരീക്ഷിച്ചിട്ടുണ്ടോ?

മലയാളികളുടെ പ്രഭാതഭക്ഷണ ശീലത്തിൽ പലപ്പോഴായി കടന്നു വരാറുള്ള ഒന്നാണ് പുട്ട്. ആവിയിൽ വേവിച്ചെടുത്ത അരിപ്പുട്ട് ഏവർക്കും പ്രിയങ്കരവുമാണ്, ഇത് ആരോഗ്യപ്രദവുമാണ്. അരിപ്പൊടി മാത്രമല്ല ഗോതമ്പ്, റാഗി എന്നിവ ഉപയോഗിച്ചും ഇത് തയ്യാറാക്കാം. പുട്ടിൽ തന്നെ കുറെയധികം വൈവിധ്യം കഴിഞ്ഞ കാലയളവിൽ ഉണ്ടായിട്ടുണ്ട്.

Also Read: ഒരു കപ്പ് അരിയുണ്ടെങ്കിൽ ഒരുമിനിറ്റിൽ തയ്യാറാക്കാം ഈ നാടൻ പലഹാരം

ചക്കപ്പുട്ട്, മാമ്പഴപുട്ട് എന്നിങ്ങനെ വെജിറ്റേറിയൻ പുട്ടും, ചിക്കൻ, ബീഫ് തുടങ്ങിയവ ചേർത്ത് അടിപൊളി നോൺ വെജ് പുട്ടും അതിൽ ഉൾപ്പെടും. ഇവ ദിവസവും വീട്ടിൽ തയ്യാറാക്കുക എന്നത് ശ്രമകരമായ കാര്യമാണ്. എന്നാൽ അധികം സമയം കളയാതെ വളരെ എളുപ്പം തയ്യാറാക്കാൻ സാധിക്കുന്ന മുട്ട കൊണ്ടുള്ള പുട്ട് ഒന്ന് ട്രൈ ചെയ്യുന്നത് നല്ലതാണ്.

Also Read:ചോറ് ബാക്കി വന്നോ? ഇനി പഞ്ഞിപോലെ സോഫ്റ്റ് ഇടിയപ്പം സിംപിളായി തയ്യാറാക്കാം

രാവിലത്തെ തിരക്കിനിടയിൽ കുട്ടികൾക്ക് കഴിക്കാൻ​ ഹെൽത്തി ഫുഡാണ് വേണ്ടതെങ്കിൽ ഇത് മികച്ച തിരഞ്ഞെടുപ്പ് തന്നെ. ഇതിന് പ്രത്യേകം കറിയുടെ ആവശ്യവുമില്ല. പുട്ട് ബാക്കി വന്നാലും ഈ റെസിപ്പി പരീക്ഷിക്കാവുന്നതേയുള്ളൂ. യാസീ തൻ്റെ ഇൻസ്റ്റഗ്രാം പേജിലൂടെ മുട്ടയും പുട്ടും ചേർത്തുള്ള റെസിപ്പി പരിചയപ്പെടുത്തി തരുന്നു.

ചേരുവകൾ

• എണ്ണ
• കടുക്
• സവാള
• പച്ചമുളക്
• ഉപ്പ്
• തക്കാളി
• മഞ്ഞൾപ്പൊടി
• കുരുമുളകുപൊടി
• കറിവേപ്പില

View this post on Instagram

A post shared by Yazee koduma (@chef_yazee)

Also Read: പഞ്ഞിപോലെ സോഫ്റ്റ് പുട്ട് ഇനി ആർക്കും തയ്യാറാക്കാം, ഇതാ ഒരു പൊടിക്കൈ

തയ്യാറാക്കുന്ന വിധം

• അടികട്ടിയുള്ള ഒരു പാത്രം അടുപ്പിൽ വെച്ച് അൽപ്പം എണ്ണയൊഴിച്ച് കടുക് പൊട്ടിക്കാം.
• ഇതിലേയ്ക്ക് സവാള ചെറുതായി അരിഞ്ഞത്, പച്ചമുളക് അരിഞ്ഞത്, ആവശ്യത്തിന് ഉപ്പ്, അൽപം മഞ്ഞൾപ്പൊടി, തക്കാളി ചെറുതായി അരിഞ്ഞത് എന്നിവ ചേർത്ത് വേവിക്കാം.
• അൽപം കുരുമുളകുപൊടിയും, കറിവേപ്പിലയും ചേർത്ത് രണ്ട് മുട്ട കൂടി പൊട്ടിച്ചൊഴിച്ചിളക്കാം.
• ആവിയിൽ വേവിച്ച അരിപ്പുട്ട് ഇതിലേയ്ക്ക് ചേർത്ത് ഉടച്ച് ഇളക്കുക. ആവശ്യാനുസരണം കഴിക്കാം.

Read More: പഴങ്ങളൊന്നും വേണ്ട, ഈ 5 ഡ്രൈ ഫ്രൂട്സ് ഉണ്ടെങ്കിൽ ഇനി ഒരു ഷെയ്ക്ക് തയ്യാറാക്കാം