അരച്ചെടുക്കേണ്ട, മാവ് ഇങ്ങനെ കലക്കിയെടുത്താൽ 5 മിനിറ്റിൽ ദോശ റെഡി

അരിയും ഉഴുന്നും അരച്ചുള്ള ദോശയും,ഗോതമ്പ് കൊണ്ടുള്ള ദോശയും കഴിച്ചിട്ടുണ്ടാകും. എന്നാൽ അരിപ്പൊടി മാത്രം ഉപയോഗിച്ചുള്ള നീർദോശ കഴിച്ചിട്ടുണ്ടോ?. പേരു പോലെ തന്നെ അരിപ്പൊടിയിൽ വെള്ളം ചേർത്തുണ്ടാക്കുന്ന ഒരു സിമ്പിൾ ദോശയാണിത്. റിയ യൂസഫ് തൻ്റെ ഇൻസ്റ്റഗ്രാംപേജിലൂടെയാണ് നീർദോശയുടെ റെസിപ്പി പങ്കുവെയ്ക്കുന്നത്.

Also Read: അരിപ്പൊടിയോ ഗോതമ്പോ വേണ്ട, ഒരു മുട്ടയും അൽപം റവയും ഉണ്ടെങ്കിൽ 5 മിനിറ്റിൽ ബ്രേക്ക്ഫാസ്റ്റ് റെഡി

ചേരുവകൾ

• അരിപ്പൊടി
• വെള്ളം
•  ഉപ്പ്

View this post on Instagram

A post shared by Riya Yousuf (@letuseatwithriya)

Also Read: പഞ്ഞിപോലെ സോഫ്റ്റ് പുട്ട് ഇനി ആർക്കും തയ്യാറാക്കാം, ഇതാ ഒരു പൊടിക്കൈ

തയ്യാറാക്കുന്ന വിധം

• ഒരു കപ്പ് വറുത്ത അരിപ്പൊടിയിലേയ്ക്കു മൂന്ന് ഗ്ലാസ് വെള്ളവും ആവശ്യത്തിന് ഉപ്പും ചേർത്തിളക്കാം.
• പാൻ അടുപ്പിൽ വെച്ചു ചൂടാക്കി ആവശ്യത്തിനു മാവ് ഒഴിച്ച് കട്ടി കുറച്ച് ദോശ ചുടാം.
• ദോശ മറിച്ചിടേണ്ട ആവശ്യമില്ല.
• മുകൾ വശം വെന്തു വരുമ്പോൾ അൽപ്പം വെളിച്ചണ്ണ പുരട്ടി കൊടുക്കുക.  
• തേങ്ങാപ്പാൽ ചേർത്തു കഴിക്കാൻ പറ്റിയ അടിപൊളി വിഭവമാണിത്.

Also Read: ദോശ ക്രിസ്പിയും രുചികരവും മാത്രവുമല്ല ഹെൽത്തിയായും ചുട്ടെടുക്കാം, അരിപ്പൊടിയും ഉഴുന്നും ചേർക്കേണ്ട

ഉഴുന്നിനു പകരം പച്ചരിയിലേയ്ക്ക് ഇത് ചേർത്ത്  ദോശ മാവ് തയ്യാറാക്കി നോക്കൂ

ദോശ കുറച്ചു കൂടി രുചികരവും ഹെൽത്തിയുമാക്കാൻ ദോശ മാവ് അരച്ചെടുക്കുമ്പോൾ ഉഴുന്നു ചേർക്കുന്നതിനു പകരം ഉരുളക്കിഴങ്ങ് ഉപയോഗിക്കാം. ഈ റെസിപ്പി ട്രൈ ചെയ്യൂ.

ചേരുവകൾ

• പച്ചരി- 1 കപ്പ്
• ഉരുളക്കിഴങ്ങ്- 2 എണ്ണം
• തൈര്- കാൽ കപ്പ്
• ബേക്കിംഗ് സോഡ- 1/4 ടീസ്പൂൺ

തയ്യാറാക്കുന്ന വിധം

• ഒരു കപ്പ് പച്ചരി അൽപ്പം വെള്ളത്തിൽ കുതിർത്തു വയ്ക്കാം.
• രണ്ട് ഉരുളക്കിഴങ്ങ് പുഴുങ്ങി തൊലി കളഞ്ഞ് ഉടച്ചെടുക്കാം.
• കുതിർത്തെടുത്ത പച്ചരിയിലേയ്ക്ക് ഉരുളക്കിഴങ്ങ് ഉടച്ചതും, കാൽ കപ്പ് തൈരും ചേർക്കാം.
• ഒരു കപ്പ് പച്ചരിക്ക് ഒന്നേ കാൽ കപ്പ് വെള്ളം എന്ന കണക്കിൽ ഒഴിച്ച് അരി അരച്ചെടുക്കാം.
• അത് മറ്റൊരു ബൗളിലേക്ക് മാറ്റാം.
• ഇതിലേക്ക് ആവശ്യത്തിന് ഉപ്പ്, കാൽ ടീസ്പൂൺ ബേക്കിംഗ് സോഡ എന്നിവ ചേർത്ത് നന്നായി ഇളക്കി യോജിപ്പിക്കാം.
• ഒരു പാൻ അടുപ്പിൽ വച്ച് ചൂടാക്കാം.
• അതിലേക്ക് ആവശ്യത്തിന് മാവ് ഒഴിച്ച് ഇരുവശങ്ങളും ചുട്ടെടുക്കാം.
• മുകളിലായി മുളകുപൊടിയും നെയ്യും കലക്കിയെടുത്തത് പുരട്ടാം. ചൂടോടെ കഴിച്ചു നോക്കൂ. 

Read More: ഇനി ഇഡ്ഡലിയും കിടിലനാക്കാം, അരിയും ഉഴുന്നും ഇല്ലാതെ ഇങ്ങനെ ചെയ്തു നോക്കൂ