ബിരിയാണിക്കു മാത്രമല്ല ചോറിനൊപ്പവും കഴിക്കാം ഈ ഈന്തപ്പഴം അച്ചാർ, കൊതിപ്പിക്കും രുചിയാണ്

രുചിയുടെ ലോകത്ത് അച്ചാറുകൾക്ക് ഒരു പ്രത്യേക സ്ഥാനമുണ്ട്. പുളിയും എരിവും മധുരവുമെല്ലാം ചേർന്ന അച്ചാറുകൾ ഊണിന് ഒരു പ്രത്യേക സ്വാദ് നൽകുന്നു. എന്നാൽ ഇന്ന് നമ്മൾ പരിചയപ്പെടാൻ പോകുന്നത് അല്പം വ്യത്യസ്തമായ ഒന്നാണ് – പോഷക സമ്പുഷ്ടമായ ഈന്തപ്പഴം കൊണ്ട് തയ്യാറാക്കുന്ന അച്ചാർ. ഇത് നിങ്ങളുടെ ഭക്ഷണത്തിന് ഒരു പുതിയ രുചി നൽകുമെന്നതിൽ സംശയമില്ല.

Also Read: മൈദയും ഗോതമ്പും വേണ്ടാത്ത ഈ ഉണ്ണിയപ്പം അൽപം വെറൈറ്റിയാണ് ഹെൽത്തിയും

കറികളിൽ ഈന്തപ്പഴം ചേർക്കുക എന്നത് അസ്വാഭാവികമായി തേന്നിയേക്കാം അതിനു പകരം അച്ചാർ തയ്യാറാക്കി സൂക്ഷിച്ചോളൂ. ഏറെ നാൾ ഉപയോഗിക്കാം എന്നതാണ് മെച്ചം. ഈന്തപ്പഴം അച്ചാർ വീട്ടിൽ ഉണ്ടാക്കുന്നത് പ്രയാസകരമാണ്, കയ്പ് ഉണ്ടാകാൻ  സാധ്യതയുണ്ട് എന്ന ചിന്ത ഇനി വേണ്ട. അൽപ്പം ശർക്കര കൂടി ചേർത്ത് വളരെ പെട്ടെന്ന് സിംപിളായി തയ്യാറാക്കാൻ സാധിക്കുന്ന ഈന്തപ്പഴം അച്ചാറിൻ്റെ റെസിപ്പിയാണ് ലക്ഷ്മി തൻ്റെ ഇൻസ്റ്റഗ്രാം പേജിലൂടെ പരിചയപ്പെടുത്തി തരുന്നത്.

ചേരുവകൾ

• എണ്ണ 
• കടുക് 
• ഉലുവ 
• വറ്റൽമുളക് 
• ഇഞ്ചി
• വെളുത്തുള്ളി 
• പച്ചമുളക്
• കറിവേപ്പില
• മഞ്ഞൾപ്പൊടി 
• മുളകുപൊടി 
• ഈന്തപ്പഴം  
• പുളിയും
• ശർക്കര

Also Read: ചീരയില കൊണ്ട് വീട്ടിൽ തയ്യാറാക്കാം ഹെൽത്തി സൂപ്പ്

View this post on Instagram

A post shared by Lekshmi S Nair (@amma_secret_recipes)

Also Read: സോയ ഇങ്ങനെ ഫ്രൈ ചെയ്താൽ ഇനി മറ്റൊരു കറി വേണ്ട

തയ്യാറാക്കുന്ന വിധം

• ഒരു പാൻ​ അടുപ്പിൽ വെച്ച് ഒരു ടേബിൾസ്പൂൺ എണ്ണയൊഴിച്ചു ചൂടാക്കി അര ടീസ്പൂൺ കടുക് ചേർത്ത് വറുക്കാം. 
• ഇതിലേയ്ക്ക് മൂന്ന് വറ്റൽമുളക്, ഒരു ടേബിൾസ്പൂൺ ഇഞ്ചി ചെറുതായി അരിഞ്ഞത് രണ്ടു ടേബിൾസ്പൂൺ വെളുത്തുള്ളി ചെറുതായി അരിഞ്ഞത്, രണ്ട് പച്ചമുളക്, അൽപം കറിവേപ്പില എന്നിവ ചേർത്തു വഴറ്റാം.
• കാൽ ടീസ്പൂൺ മഞ്ഞൾപ്പൊടിയും, ഒന്നര ടേബിൾസ്പൂൺ മുളകുപൊടിയും ചേർത്തിളക്കിയതിലേയ്ക്ക് കുരുകളഞ്ഞ ഈന്തപ്പഴം ചേർത്ത് നന്നായി ഇളക്കാം.
• വെന്തു വരുമ്പോൾ ആവശ്യത്തിന് ഉപ്പും വാളംപുളി കുതിർത്തു വെച്ച വെള്ളവും, രണ്ട് ടേബിൾസ്പൂൺ ശർക്കരയും ചേർത്തിളക്കി വഴറ്റാം.
• വെള്ളം വറ്റി കട്ടിയായി വരുമ്പോൾ അടുപ്പണച്ച് വൃത്തിയുള്ള ഒരു പാത്രത്തിലേയ്ക്കു മാറ്റാം.

Read More: കൊഴിഞ്ഞു വീണ റംബൂട്ടാൻ ഇനി കൊതിയൂറും അച്ചാറാക്കി മാറ്റാം