മുറുക്ക് ഇനി കൂടുതൽ ക്രിസ്പിയാകും, ഇങ്ങനെ വറുത്തെടുക്കൂ

ദീപാവലി ആഘോഷ വേളയിൽ വീട്ടിൽ പലവിധ പലഹാരങ്ങൾ ഉണ്ടാക്കാറുണ്ട്. അതിഥികളും കൂട്ടുകാരും ഒത്തു ചേരുമ്പോൾ കഴിക്കാൻ ക്രിസ്പിയായ മുറുക്ക് തയ്യാറാക്കാം.  കടലമാവ്, അരിപ്പൊടി തുടങ്ങിയ ചേരുവകൾ ഉപയോഗിച്ച് ബുദ്ധിമുട്ടില്ലാതെ വളരെ കുറഞ്ഞ സമയത്തിനുള്ളിൽ ഉണ്ടാക്കാൻ കഴിയുന്ന ഒരു രുചികരമായ മുറുക്കാണ്- ബട്ടർ മുറുക്ക്. അരിപ്പൊടിയിലേയ്ക്ക് വെണ്ണ ചേർക്കുന്നതിലൂടെ, ഇത് മൃദുവും കൂടുതൽ ക്രിസ്പിയുമാകും. സൈറ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: ഇനി അരിപ്പൊടി വേണ്ട, ഒരു പിടി അവലുണ്ടെങ്കിൽ രുചികരമായ ഈ നാലുമണിപലഹാരം തയ്യാറാക്കാം

ചേരുവകൾ

• അരിപ്പൊടി- 1 കപ്പ്
• പൊട്ട് കടലപ്പൊടി- 1.5 ടേബിൾസ്പൂൺ
• കടലമാവ്- 1 ടേബിൾസ്പൂൺ
• വെണ്ണ- 1 ടേബിൾസ്പൂൺ
• ജീരകം അല്ലെങ്കിൽ എള്ള്- 1/2 ടീസ്പൂൺ
• കായപ്പൊടി- ആവശ്യത്തിന്
• ഉപ്പ്- ആവശ്യത്തിന്
• വെള്ളം- ആവശ്യത്തിന്
• എണ്ണ- ആവശ്യത്തിന്

Also Read: രാവിലെ ദോശയാണോ? എങ്കിൽ ഇങ്ങനെ തയ്യാറാക്കി നോക്കൂ

View this post on Instagram

A post shared by Saira Ashiq🦋 (@sairashiq_asktamil)

Also Read: പ്രതിരോധശേഷി മാത്രമല്ല ദഹനാരോഗ്യവും മെച്ചപ്പെടുത്താം, ഇത് ദിവസവും കഴിക്കൂ

തയ്യാറാക്കുന്ന വിധം

• ഒരു പാത്രത്തിൽ അരിപ്പൊടി, കടല മാവ് (പൊട്ട്കടല പൊടിച്ച് അരിച്ചെടുക്കുക), കടല മാവ്, ഉപ്പ്, ജീരകപ്പൊടി, ജീരകം/എള്ള് എന്നിവ ചേർക്കാം. 
• ഇതിലേക്ക് വെണ്ണ ചേർത്ത് നന്നായി ഇളക്കി യോജിപ്പിക്കാം. പിന്നീട്  ആവശ്യത്തിന് വെള്ളം ചേർത്ത് മാവ് മൃദുവാകുന്നതുവരെയും ഒട്ടിപ്പിടിക്കാതിരിക്കുന്നതുവരെ കുഴയ്ക്കാം.
• തയ്യാറാക്കിയ മാവിൽ നിന്നും ആവശ്യത്തിനെടുക്കാം. സേവനാഴിയിൽ മുറുക്കിനുള്ള അച്ച് വയ്ക്കാം. ശേഷം അതിലേയ്ക്ക് മാവ് നിറയ്ക്കാം.
• അടി കട്ടിയുള്ള ഒരു ഇരുമ്പ് ചീനച്ചട്ടി അടുപ്പിൽ വച്ചു ചൂടാക്കാം. അതിലേയ്ക്ക് വെളിച്ചെണ്ണ ഒഴിക്കാം. വെളിച്ചെണ്ണ ചൂടായതിനു ശേഷം തീ കുറയ്ക്കാം. ഇതിലേയ്ക്ക് സേവനാഴി അമർത്തി വട്ടത്തിൽ മാവ് ചേർത്തു വറുക്കാം. 
• ഇത് വെന്തതിനു ശേഷം ടിഷ്യൂ പേപ്പർ വച്ച് ഒരുപാത്രത്തിലേയ്ക്കു മാറ്റാം. ഇനി വായുസഞ്ചാരവും നനവും ഇല്ലാത്ത ഭരണിയിലാക്കി സൂക്ഷിക്കാം. 

Read More: അരിപ്പൊടിവേണ്ട, ബ്രേക്ക്ഫാസ്റ്റിന് പാലപ്പം 5 മിനിറ്റിൽ ചുട്ടെടുക്കാൻ ഇതാ ഒരു പൊടിക്കൈ