Vidaamuyarchi OTT: അജിത്തിന്റെ വിടാമുയർച്ചി ഒടിടിയിലേക്ക്; സ്ട്രീമിങ് തീയതി പുറത്ത്

Vidaamuyarchi OTT Release Date & Platform: തമിഴ് സൂപ്പർ താരം അജിത് കുമാറിനെ നായകനാക്കി മഗിഴ് തിരുമേനി സംവിധാനം ചെയ്ത ഏറ്റവും പുതിയ ആക്ഷൻ ത്രില്ലർ ചിത്രമാണ് 'വിടാമുയർച്ചി.' ഈ വർഷം ഫെബ്രുവരി 6-ന് തിയേറ്ററുകളിലെത്തിയ ചിത്രം സമ്മിശ്ര പ്രതികരണമാണ് നേടിയത്. 120 കോടിയിലധികം രൂപയാണ് ചിത്രത്തിന്റെ ബോക്സ് ഓഫീസ് കളക്ഷൻ. ഇപ്പോഴിതാ ഒടിടിയിലൂടെ കൂടുതൽ പ്രേക്ഷകരിലേക്ക് എത്തുകയാണ് ചിത്രം. വിടാമുയർച്ചിയുടെ ഒടിടി റിലീസ് തീയതി പുറത്തുവിട്ടു.

മഗിഴ് തിരുമേനി തിരക്കഥയെഴുതി സംവിധാനം ചെയ്ത ചിത്രത്തിൽ അജിത്തിനൊപ്പം തൃഷ കൃഷ്ണൻ, അർജുൻ സർജ, ആരവ്, റെജീന കസാന്ദ്ര, രമ്യാ സുബ്രഹ്മണ്യൻ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. അനിരുദ്ധ് രവിചന്ദർ ചിത്രത്തിൻ്റെ സംഗീതം നിർവ്വഹിച്ചിരിക്കുന്നു, ഓം പ്രകാശ് ഛായാഗ്രഹണം നിർവ്വഹിക്കുന്നു, എൻ ബി ശ്രീകാന്ത് എഡിറ്റിംഗ് മേൽനോട്ടം വഹിക്കുന്നു. 

ബ്ലോക്ക്ബസ്റ്റർ ചിത്രം 'മങ്കാത്ത'യ്ക്ക് ശേഷം, അജിത്- അർജുൻ- തൃഷ കൂട്ടുകെട്ട് വീണ്ടും വെള്ളിത്തിരയിൽ ഒന്നിച്ച ചിത്രമാണ് വിടാമുയർച്ചി. ലൈക പ്രൊഡക്ഷൻസിന് കീഴിൽ സുബാസ്കരൻ അല്ലിരാജയാണ് ചിത്രം നിർമ്മിച്ചത്. ശ്രീ ഗോകുലം മൂവീസാണ് ചിത്രം കേരളത്തിൽ വിതരണം ചെയ്യുന്നത്. ആക്ഷൻ, ത്രിൽ, സസ്പെൻസ് എന്നിവക്ക് പ്രാധാന്യം നൽകിയാണ് ചിത്രം ഒരുക്കിയിരിക്കുന്നത്.

വിടാമുയർച്ചി ഒടിടി: Vidaamuyarchi Ott

Muyarchi thiruvinai aakum. Vidaamuyarchi ulagai vellum 💪🔥
Watch Vidaamuyarchi on Netflix, out 3 March in Tamil, Hindi, Telugu, Kannada & malayalam!#VidaamuyarchiOnNetflixpic.twitter.com/21OiHpF8AB

— Netflix india South (@Netflix_INSouth) February 24, 2025

നെറ്റ്ഫ്ലിക്സ് ആണ് വിടാമുയർച്ചിയുടെ ഒടിടി അവകാശം സ്വന്തമാക്കിയിരിക്കുന്നത്. മാർച്ച് 3 മുതൽ ചിത്രം നെറ്റഫ്ളിക്സിൽ സ്ട്രീമിങ് ആരംഭിക്കും. 

Read More

• അജിത്തിന്റെ കാർ വീണ്ടും അപകടത്തിൽപെട്ടു; റേസിങ്ങിനിടെ തലകീഴായി മറിഞ്ഞു
• അമ്മയെ ഓർത്തുകൊണ്ടേയിരിക്കുന്നു: കെപിഎസി ലളിതയുടെ ഓർമദിനത്തിൽ സിദ്ധാർത്ഥ്
• ഞാൻ വേറാരെയും കെട്ടാൻ പോയിട്ടില്ല, സുധിച്ചേട്ടന്റെ ഓർമയിൽ ജീവിക്കുകയാണ്: സൈബർ ആക്രമണത്തോട് പ്രതികരിച്ച് രേണു
• Drishyam 3: ജോർജുകുട്ടി ഇത്തവണ കുടുങ്ങുമോ?; ദൃശ്യം 3 പ്രഖ്യാപിച്ച് മോഹൻലാൽ