ഞങ്ങള് മാച്ചിംഗാ, കണ്ടില്ലേ?; പെരുമ്പാമ്പിനൊപ്പം പോസ് ചെയ്ത് ടൊവിനോ തോമസ്

കുടുംബത്തിനൊപ്പം ശ്രീലങ്കയിൽ അവധിക്കാലം ആഘോഷിക്കുകയാണ് ടൊവിനോ തോമസ്. വെക്കേഷൻ മോഡിലുള്ള ചിത്രം കഴിഞ്ഞ ദിവസം ടൊവിനോ പങ്കുവച്ചിരുന്നു. 

ഇപ്പോഴിതാ, ഒരു പെരുമ്പാമ്പിനൊപ്പം പോസ് ചെയ്യുന്ന വീഡിയോ ആണ് 
ടൊവിനോ ഷെയർ ചെയ്തിരിക്കുന്നത്. പെരുമ്പാമ്പിനും എനിക്കും മാച്ചിംഗ് ഔട്ട്ഫിറ്റ് എന്നാണ് ടൊവിനോ കുറിക്കുന്നത്.

വീഡിയോയ്ക്ക് താഴെ രസകരമായ കമന്റുകളാണ് ആരാധകർ നൽകുന്നത്. "ലെ പാമ്പ്: പുല്ല് വിലയല്ലോടാ ടോവി നീ എനിക്ക് തരുന്നത്", "ലെ പാമ്പ്: ഡേ ഇവന് എന്നെ പേടിയൊന്നുമില്ലേ...", ഒരു അമ്മ പെറ്റ അളിയന്മാരാന്നേ പറയൂ എന്നിങ്ങനെ പോവുന്നു കമന്റുകൾ.

View this post on Instagram

A post shared by Tovino⚡️Thomas (@tovinothomas)

ലാൽ ജൂനിയർ സംവിധാനം ചെയ്യുന്ന 'നടികർ' എന്ന ചിത്രമാണ് ടൊവിനോയുടെ റിലീസിനൊരുങ്ങുന്ന ചിത്രം. ചിത്രത്തിന്റെ ടീസറും അടുത്തിടെ റിലീസ് ചെയ്തിരുന്നു. സിനിമയ്ക്കുള്ളിലെ കഥയാണ് ചിത്രം പറയുന്നതെന്നാണ് ടീസർ നൽകുന്ന സൂചന. 

ടൊവിനോ തോമസിനൊപ്പം ഭാവന, സൗബിൻ, ധ്യാൻ ശ്രീനിവാസൻ, അനൂപ് മേനോൻ, ഷൈൻ ടോം ചാക്കോ, ലാൽ, ബാലു വർഗീസ്, സുരേഷ് കൃഷ്ണ, സംവിധായകൻ രഞ്ജിത്ത്, ഇന്ദ്രൻസ്, മധുപാൽ, ഗണപതി, വിജയ് ബാബു, അൽത്താഫ് സലിം, മണിക്കുട്ടൻ, മേജർ രവി, മൂർ, സുമിത്, നിഷാന്ത് സാഗർ, അഭിറാം പൊതുവാൾ, ചന്ദു സലിംകുമാർ, ശ്രീകാന്ത് മുരളി, അർജുൻ നന്ദകുമാർ, ദിവ്യ പിള്ള, ജോർഡി പൂഞ്ഞാർ, ദിനേശ് പ്രഭാകർ, അബു സലിം, ബൈജുക്കുട്ടൻ, ഷോൺ സേവ്യർ, തുഷാര പിള്ള, ദേവി അജിത്, സ്മിനു സിജോ, കൃഷ്ണ സംഗീത്, ലെച്ചു (ബിഗ് ബോസ് ഫെയിം ) രജിത്ത് (ബിഗ് ബോസ് ഫെയിം) തിരക്കഥാകൃത്ത് ബിപിൻ ചന്ദ്രൻ,ചെമ്പിൽ അശോകൻ, മാലാ പാർവതി, ദേവികാ ഗോപാൽ നായർ, ബേബി ആരാധ്യ, ജയരാജ് കോഴിക്കോട്, അഖിൽ കണ്ണപ്പൻ, ഖയസ് മുഹമ്മദ്, ബേബി വിയ എന്നിങ്ങനെ നിരവധി താരങ്ങൾ ചിത്രത്തിലുണ്ട്.

അലൻ ആന്റണി, അനൂപ് വേണുഗോപാൽ എന്നിവരുടെ നേതൃത്വത്തിലുള്ള ഗോഡ്സ്പീഡാണ് ചിത്രം നിർമിക്കുന്നത്. പുഷ്പ - ദ റൈസ് പാർട്ട് 1 ഉൾപ്പെടെ ഒട്ടേറെ ജനപ്രിയ ചിത്രങ്ങൾ നിർമിച്ച മൈത്രി മൂവി മെക്കേഴ്സിന്റെ നവീൻ യർനേനിയും വൈ. രവി ശങ്കറും ചിത്രത്തിന്റെ ഭാഗമാകുന്നുണ്ട് . ചിത്രത്തിന്റെ തിരക്കഥ ഒരുക്കുന്നത് സുവിൻ എസ് സോമശേഖരനാണ്. ആൽബിയാണ് ഛായാഗ്രാഹകൻ. യക്‌സൻ ഗാരി പെരേര, നേഹ എസ് നായർ എന്നിവർ സംഗീതം നിർവ്വഹിക്കുന്നു. എഡിറ്റർ രതീഷ് രാജ്.  മെയ് മൂന്നിന് ചിത്രം തിയേറ്ററുകളിലെത്തും. 

Read More Entertainment Stories Here

• ഇതാണ് ആ രണ്ടുവരി പാട്ട്; അമ്മയ്ക്കൊപ്പം ഗംഭീര പ്രകടനവുമായി ഇന്ദ്രജിത്ത്
• പ്രചോദനമായത് ക്രിസ്റ്റ്യൻ ബെയിൽ; ഞെട്ടിക്കുന്ന ട്രാൻസ്ഫർമേഷൻ ചിത്രങ്ങൾ പങ്കുവച്ച് ഗോകുൽ
• ഞങ്ങൾ പ്രണയത്തിലാകാൻ കാരണം ആ തമിഴ് നടൻ; വെളിപ്പെടുത്തി നയൻതാരയും വിഘ്നേഷും
• വാടക കൊടുക്കാൻ ആളില്ല; കുടുംബത്തിൻ്റെ ഏക ആശ്രയം ഞാനാണ്: നോറ ഫത്തേഹി