താരമാണ്, ഡോക്ടറും; അനിയത്തിയെ എടുത്ത് നിൽക്കുന്ന മിടുക്കിയെ മനസ്സിലായോ?

ചുരുങ്ങിയ കാലം കൊണ്ട് തെന്നിന്ത്യൻ സിനിമയിൽ വ്യക്തിമുദ്ര പതിപ്പിച്ച നടി, മലയാളത്തിൽ തുടങ്ങി ഇപ്പോൾ ബോളിവുഡിൽ വരെ എത്തി നിൽക്കുന്ന ശാലീന സുന്ദരി. സിനിമയിൽ എത്തുന്നതിനു മുൻപ് മെഡിസിൻ പഠിച്ച്  എം ബി ബി എസ് ബിരുദം നേടിയ കുട്ടി.  ഇപ്പോൾ ആളെ ഏകദേശം പിടികിട്ടികാണുമല്ലോ അല്ലേ? ഇല്ലെങ്കിൽ ഒന്ന് രണ്ടു ക്ലൂ കൂടെ തരാം - മുഖക്കുരു, പ്രേമം.  ഇപ്പോൾ ഉറപ്പായും മനസ്സിലായി കാണും എന്ന് കരുതുന്നു.  അതേ സായ് പല്ലവിയാണ് ഈ ചിത്രത്തിൽ ഉള്ളത്. ഒപ്പം സഹോദരി പൂജയും.  

തമിഴ്‌നാട്ടിലെ നീലഗിരി ജില്ലയിലെ മലയോരപ്രദേശമായ കോട്ടഗിരിയിൽ ജനിച്ചു സായ് പല്ലവി എന്ന പല്ലവിയുടെ കുട്ടിക്കാലം കോയമ്പത്തൂരിൽ ആയിരുന്നു. സെന്താമരൈ കണ്ണന്റെയും രാധയുടെയും മകളായി 1992 മേയ് 9 നാണ് സായ് പല്ലവി ജനിച്ചത്.

അഭിനയത്തിലും നൃത്തത്തിലും ഒരുപോലെ തിളങ്ങുന്ന അപൂർവ്വ താരങ്ങളിൽ ഒരാൾ കൂടിയാണ് സായി പല്ലവി. 'പ്രേമം' എന്ന മലയാളം ചിത്രത്തിലൂടെയായിരുന്നു സിനിമാ അരങ്ങേറ്റം. പിന്നീട് തമിഴിലും തെലുങ്കിലുമെല്ലാം ഏറെ ശ്രദ്ധിക്കപ്പെടുന്ന നായികയായി മാറി. ധനുഷിനൊപ്പം അഭിനയിച്ച 'മാരി2' എന്ന ചിത്രത്തിലെ 'റൗഡി ബേബി' എന്ന ഗാനത്തിലെ ഇവരുടെ നൃത്തവും ഏറെ പ്രേക്ഷകശ്രദ്ധ നേടിയിരുന്നു. യൂട്യൂബിലും റെക്കോർഡ് വ്യൂസ് ആണ് ഗാനം സ്വന്തമാക്കിയത്.

നിലപാടുകളിലും തിളങ്ങുന്ന താരമാണ് സായ് പല്ലവി. അടുത്തിടെ കോടികൾ ഓഫർ ചെയ്തിട്ടും ഒരു ഫെയർനെസ്സ് കമ്പനിയുടെ പരസ്യത്തിൽ അഭിനയിക്കാൻ തയ്യാറാവാത്ത സായ് പല്ലവിയുടെ നിലപാടും ശ്രദ്ധ നേടിയിരുന്നു. പ്രശസ്ത ഫെയർനെസ്സ് ക്രീം ബ്രാൻഡിന്റെ പരസ്യത്തിലേക്കുള്ള ഓഫറാണ് സായ് പല്ലവി നിഷേധിച്ചത്. രണ്ടു കോടിയോളം രൂപ കമ്പനി ഓഫർ ചെയ്തെങ്കിലും സായ് പല്ലവി ഓഫർ സ്വീകരിച്ചില്ലെന്നാണ് റിപ്പോർട്ട്. തന്റെ സിനിമകളിൽ പോലും അപൂർവ്വമായി മാത്രം മേക്കപ്പ് ഉപയോഗിക്കുന്ന, മുഖത്തെ മുഖക്കുരുവിന്റെ പാടുകൾ മായ്ക്കാൻ പോലും ചികിത്സ തേടാൻ ഇഷ്ടപ്പെടാത്ത താരം, തന്റെ പോളിസിൾക്കും നിലപാടുകൾക്കും വിരുദ്ധമായ പ്രൊഡക്റ്റിനെ പിന്തുണയ്ക്കില്ലെന്ന നിലപാടിന്റെ പുറത്താണ് പരസ്യം വേണ്ടെന്നു വെച്ചത്. താരത്തിന്റെ നിലപാടിനെ കയ്യടികളോടെയാണ് ആരാധകർ വരവേറ്റത്.

In Other News

• രണ്ടര മാസം ആശുപത്രിയിൽ എനിക്കൊപ്പം നിന്ന് എന്നെ പൊന്നു പോലെ നോക്കി; ഐശ്വര്യ തനിക്ക് അമ്മയെപ്പോലെ എന്ന് രജനി
• 'അന്വേഷിപ്പിൻ കണ്ടെത്തും' റിവ്യൂ: Anweshippin Kandethum Movie Review
• 'പ്രേമലു' റിവ്യൂ: Premalu Movie Review
• പ്രേമലു, അന്വേഷിപ്പിൻ കണ്ടെത്തും, ലാൽ സലാം റിലീസ്; തിയേറ്റർ റിപ്പോർട്ട്, പ്രേക്ഷക പ്രതികരണങ്ങൾ: Premalu Anweshippin Kandethum Lal Salaam Release Review Live Updates
• റോട്ടർഡാം ഫെസ്റ്റിവലിൽ കയ്യടി നേടി നിവിൻ പോളി ചിത്രം
• വിവാഹത്തിന് ശേഷം ഷോർട്ട്സിട്ട് നടക്കാൻ കഴിയില്ലായിരുന്നു: ഇഷ ഡിയോൾ