ശിവകാർത്തികേയനും ബിജു മേനോനും നേർക്കുനേർ; എ.ആർ മുരുഗദോസിന്റെ 'മദ്രാസി' ടീസർ പുറത്ത്

ശിവകാർത്തികേയനെ നായകനാക്കി എ.ആർ മുരുഗദോസ് സംവിധാനം ചെയ്യുന്ന ഏറ്റവും പുതിയ ചിത്രത്തിന്റെ പേര് പുറത്തുവിട്ടു.  'മദ്രാസി' എന്നാണ് ചിത്രത്തിന് പേരു നൽകിയിരിക്കുന്നത്. ശിവകാർത്തികേയന്റെ 40-ാം ജന്മദിനത്തിലാണ് ആരാധകർ കാത്തിരുന്ന അപ്ഡേറ്റ് എത്തിയത്.

മദ്രാസിയുടെ 44 സെക്കൻഡ് ദൈർഘ്യമുള്ള ടീസറും പുറത്തിറക്കിയിട്ടുണ്ട്. ആക്ഷന്‍ രംഗങ്ങളാല്‍ സമ്പന്നമായ ചിത്രത്തിന്റെ ടൈറ്റില്‍ ഗ്ലിംസ് ശ്രദ്ധനേടുകയാണ്. ശിവകാർത്തികേയന്റെ ഇരുപത്തി മൂന്നാമത് ചിത്രമാണ് മദ്രാസി.

മലയാളി താരം ബിജു മേനോനും ചിത്രത്തിൽ പ്രധാന വേഷത്തിലെത്തുന്നുണ്ട്. ബിജു മേനോന്റെ കരിയറിലെ ഒൻപതാമത്തെ തമിഴ് ചിത്രമാണിത്‌. ശ്രീലക്ഷ്മി മൂവീസ് നിര്‍മിക്കുന്ന ചിത്രത്തില്‍ വിധ്യുത് ജമാൽ, സഞ്ജയ് ദത്ത്,വിക്രാന്ത്, രുക്മിണി വസന്ത് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.

എ. ആർ മുരുഗദോസും ശിവകാർത്തികേയനും ആദ്യമായി ഒന്നിക്കുന്ന മദ്രാസി ബിഗ്ബജറ്റ് ചിത്രമായിരിക്കും എന്നാണ് വിവരം. അനിരുദ്ധ് രവിചന്ദറാണ് ചിത്രത്തിനായി സംഗീതം നിർവഹിക്കുന്നത്. ഛായാഗ്രഹണം സുധീപ് ഇളമൺ, എഡിറ്റിങ് ശ്രീകർ പ്രസാദ് എന്നിവർ നിർവഹിക്കുന്നു.

Read More

• പുഷ്പ താരം ദാലി ധനഞ്ജയ വിവാഹിതനായി
• നടൻ ജയൻ ചേർത്തലക്കെതിരെ മാനനഷ്ടക്കേസ് നൽകാൻ നിർമാതാക്കളുടെ സംഘടന
• ഡോക്ടറായി ഉണ്ണി മുകുന്ദൻ; കുടുംബ പ്രേക്ഷകരെ കൈയ്യിലെടുക്കാൻ 'ഗെറ്റ് സെറ്റ് ബേബി,' ട്രെയിലർ എത്തി
• സുപ്പർ ഹീറോയായി നിവിൻ പോളി; 'മൾട്ടിവേഴ്‌സ് മന്മഥൻ' ഫസ്റ്റ് ലുക്ക് പോസ്റ്റർ പുറത്ത്
• സൗബിന്റെ പുതിയ ചിത്രം; മച്ചാന്റെ മാലാഖ ട്രെയിലർ പുറത്ത്
• എന്താണ് ഈ കളങ്കാവൽ?