അക്ഷയ് കുമാറിൻ്റെ അയൽവാസിയാകും; ഹൃത്വിക് റോഷൻ്റെ അപ്പാർട്ട്മെൻ്റ് വാടകയ്‌ക്കെടുക്കാൻ ശ്രദ്ധ കപൂർ

സ്ട്രീ 2 വൻവിജയമായി മാറിയതിനു പിന്നാലെ മുംബൈയിൽ പുതിയ അപ്പാർട്ട്മെന്റിലേക്ക് താമസം മാറുകയാണ് ശ്രദ്ധ കപൂർ. മുംബൈയിൽ അക്ഷയ് കുമാറിൻ്റെ അയൽവാസിയാകാൻ ഒരുങ്ങുകയാണ് ശ്രദ്ധ. റിപ്പോർട്ടുകൾ പ്രകാരം, ഹൃത്വിക് റോഷൻ്റെ ജുഹുവിലെ കടലിനഭിമുഖമായ അപ്പാർട്ട്മെൻ്റാണ് ശ്രദ്ധ വാടകയ്ക്ക് എടുക്കുന്നത്. അതേ കെട്ടിടത്തിലെ ആഡംബര ഡ്യൂപ്ലക്‌സ് അപ്പാർട്ട്‌മെൻ്റിലാണ് അക്ഷയ് കുമാർ താമസിക്കുന്നത്. 

ശ്രദ്ധ കപൂറും അക്ഷയ് കുമാറും അഭിനയിച്ച ഹൊറർ-കോമഡി ചിത്രം സ്ട്രീ 2 ബോക്സ് ഓഫീസിൽ ശ്രദ്ധ നേടിയിരുന്നു. രാജ്കുമാർ റാവു, അഭിഷേക് ബാനർജി, അപർശക്തി ഖുറാന, പങ്കജ് ത്രിപാഠി എന്നിവരും ചിത്രത്തിലുണ്ട്. 

നിലവിൽ ശ്രദ്ധ കപൂർ കുടുംബത്തോടൊപ്പംജുഹുവിലാണ് താമസിക്കുന്നത്. ഫിനാൻഷ്യൽ എക്സ്പ്രസ് റിപ്പോർട്ട് അനുസരിച്ച്, ശ്രദ്ധയുടെ പിതാവും മുതിർന്ന നടനുമായ ശക്തി കപൂർ 1987ൽ ഈ കെട്ടിടത്തിൽ 7 ലക്ഷം രൂപയ്ക്ക് സ്വന്തമാക്കിയ 3 ബെഡ്റൂം അപ്പാർട്ട്മെൻ്റാണത്. പിന്നീട് മുഴുവൻ നിലയും സ്വന്തമാക്കുകയായിരുന്നു. ഇന്ന് 60 കോടി രൂപയോളം മതിപ്പു വിലയുണ്ട് ഈ കെട്ടിടത്തിന്. 

Read More

• മുകേഷും ബി.ഉണ്ണികൃഷ്ണനും നയരൂപീകരണ കമ്മിറ്റിയിൽനിന്ന് പുറത്തേക്ക്?
• സംഘടനയിൽ കുറ്റാരോപിതരുണ്ടെങ്കിൽ വലിപ്പച്ചെറുപ്പമില്ലാതെ നടപടി; പ്രതികരിച്ച് ഫെഫ്ക
• സൂപ്പർസ്റ്റാർ പീഡകരെക്കുറിച്ച് ആരാണ് സംസാരിക്കുക? ചിന്മയി ചോദിക്കുന്നു
• 'അമ്മ'യിൽ ഭിന്നത; രാജിവച്ചില്ലെന്ന് സരയു, വ്യക്തിപരമായി എതിർപ്പുണ്ടെന്ന് അനന്യ