'ഒരു മര്യാദ വേണ്ടേ കാണിക്കുന്നതിന്,' ഷറഫുദീനോട് തട്ടിക്കയറി വിനായകൻ; വീഡിയോ

ഷറഫുദീൻ നായകനായി അടുത്തിടെ തിയേറ്ററുകളിലെത്തിയ ചിത്രമായ 'പെറ്റ് ഡിറ്റക്ടീവ്' മികച്ച പ്രതികരണത്തോടെ പ്രദർശനം തുടരുകയാണ്. അനുപമ പരമേശ്വരൻ നായികയായ ചിത്രത്തിൽ വിനായകനും പ്രധാന വേഷത്തിൽ എത്തിയിരുന്നു. ഇപ്പോഴിതാ, ഷറഫുദീൻ പങ്കുവച്ച സിനിമയുടെ ഷൂട്ടിങ് സെറ്റിൽ നിന്നുള്ള ഒരു വീഡിയോയാണ് സോഷ്യൽ മീഡിയയിൽ വൈറലാകുന്നത്.

ഷറഫുദീനോട് ദേഷ്യപ്പെട്ട് സംസാരിക്കുന്ന വിനായകനെ കാണിച്ചുകൊണ്ടാണ് വീഡിയോ തുടങ്ങുന്നത്. നിങ്ങൾ എത്ര ദിവസമാണ് തന്നെ പറ്റിക്കുന്നതെന്നും കാണിക്കുന്നതിന് ഒരു മര്യദ വേണ്ടേ എന്നുമെല്ലാം വിനായകൻ ഷറഫുദീനോട് ആക്രോശിക്കുന്നതും വീഡിയോയിൽ കാണാം. 

Also Read: കണ്ണെഴുതി പർദ്ദയിട്ട് 'മൊഞ്ചത്തിയായി' ഷറഫുദ്ദീൻ; അണിയിച്ചൊരുക്കി അനുപമ, വീഡിയോ

View this post on Instagram

A post shared by sharafu (@sharaf_u_dheen)

'ഒരു പ്രൊഡ്യൂസർ എത്ര കാലം ഇതു സഹിക്കണം' എന്ന ക്യാപ്ഷനോടെയാണ് ഷറഫുദീൻ വീഡിയോ ഇൻസ്റ്റഗ്രാമിൽ പങ്കുവച്ചിരിക്കുന്നത്. എന്നാൽ വീഡിയോയുടെ തൊട്ടടുത്ത ഭാഗങ്ങളിൽ, ഇരുവരും തമ്മിലുള്ള തമാശകളും അമ്യൂസ്മെന്റ് പാർക്കിലെ റൈഡുകളിൽ കയറുന്നമെല്ലാമാണ് ഉൾപ്പെടുത്തിയിരിക്കുന്നത്. വീഡിയോ യാഥാർത്ഥ സംഭവമല്ലെന്നും സിനിമയുടെ ആവശ്യത്തിനായി ഷൂട്ടു ചെയ്തതാണെന്നുമുള്ള ഡിസ്ക്ലൈമറും പോസ്റ്റിൽ നൽകിയിട്ടുണ്ട്.

Also Read: കടുവക്കൂട്ടിലാ കളി, കേരളത്തിലെ വല്ല്യ നടനാണെന്ന് രാഘവന് അറീല്ല, സൂക്ഷിച്ചോ; ഷറഫുദ്ദീനോട് ആരാധകർ

അതേസമയം, ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീനും, ഗോകുലം മൂവീസിന്റെ ബാനറിൽ ഗോകുലം ഗോപാലനും ചേർന്നാണ് പെറ്റ് ഡിറ്റക്ടീവ് നിർമിച്ചിരിക്കുന്നത്. പ്രനീഷ് വിജയനാണ് ചിത്രത്തിന്റെ സംവിധാനം. പ്രൈവറ്റ് ഡിറ്റക്ടീവ് ടോണി ജോസ് അലുല എന്ന കഥാപാത്രമായാണ് ഷറഫുദീൻ ചിത്രത്തിൽ എത്തുന്നത്. സംവിധായകൻ പ്രനീഷ് വിജയനും ജയ് വിഷ്ണുവും ചേർന്നാണ് ചിത്രം രചിച്ചിരിക്കുന്നത്. 

Read More: 'രാജകുമാരൻ ബാക്ക് ടു ഹോം'; റാസല്‍ഖൈമയിലെ ആ വലിയ വീട്ടിലേക്ക് ഷറഫുദീന്‍; പോസ്റ്റ് വൈറൽ