'ധൂം- 4,' ഷാരൂഖ് ഖാന് ഒപ്പം രാം ചരൺ; പുറത്തു വരുന്ന വിവരങ്ങൾ ഇങ്ങനെ

യാഷ് രാജ് ഫിലിംസ് നിർമ്മിച്ച് അബിഷേക് ബച്ചൻ, ജോൺ എബ്രഹാം എന്നിവർ കേന്ദ്ര കഥാപാത്രങ്ങളായെത്തിയ സൂപ്പർ ഹിറ്റ് ചിത്രമായിരുന്നു 'ധൂം.' ചിത്രത്തിന്റെ വിജയത്തെ തുടർന്ന് പുറത്തിറങ്ങിയ ധൂം- 2, 3 ഭാഗങ്ങളും ബോക്സ് ഓഫീസിൽ സൂപ്പർ ഹിറ്റ് വിജയമാണ് നേടിയത്. ഇതോടെ ചിത്രത്തിന്റെ നാലാം ഭാഗത്തിനായുള്ള കാത്തിരുപ്പിലാണ് ആരാധകർ. കൂടാതെ ധൂം 4- ലെ നായകനായി ബോളിവുഡിലെ പല സൂപ്പർ സ്റ്റാറുകളുടെ പേരുകളും ഉയർന്ന് വന്നിരുന്നു. അതിൽ എറ്റവും ചർച്ച ചെയ്യപ്പെട്ട താരമാണ് ഷാരൂഖ്​ ഖാൻ. 

എന്നാൽ ചിത്രത്തിന്റെ പ്രീ പ്രൊഡക്ഷൻ ജോലികൾ തുടങ്ങാനിരിക്കുന്ന സാഹചര്യത്തിൽ, ഷാരൂഖ്​ ഖാന്റെ നായക വേഷത്തെ കുറിച്ചുള്ള വിവരങ്ങളാണ് പുറത്തു വരുന്നത്. ഇന്ത്യൻഎക്സ്പ്രസ്ഡോട്ട്കൊമിന് ലഭിച്ച വിവരങ്ങൾ അനുസരിച്ച്, ഷാരൂഖ് ഖാൻ ധൂം 4 ൽ അഭിനയിക്കുന്നു എന്ന വാർത്തകൾ അടിസ്ഥാനരഹിതമാണ്.

ധൂം 4 ൽ ഷാരൂഖ് ഖാനും, രാം ചരണും അണിനിരക്കുന്നു എന്ന വാർത്തകളും ഇന്റർനെറ്റിൽ ഉയർന്നു വന്നിരുന്നു. എന്നാൽ ചിത്രത്തിലെ അഭിനേതാക്കളെക്കുറിച്ചുള്ള കാര്യമായ വിശദാംശങ്ങൾ ലഭിക്കുന്നതിന് വളരെക്കാലം കാത്തിരിക്കേണ്ടിവരും എന്നാണ് ചിത്രവുമായി ബന്ധപ്പെട്ട ഉറവിടങ്ങൾ സൂചിപ്പിക്കുന്നത്. 

2004- ൽ ആണ് ധൂം പുറത്തിറങ്ങുന്നത്, ശേഷം 2006- ൽ ഹൃത്വിക് റോഷനും ഐശ്വര്യ റായ് ബച്ചനും അഭിഷേക് ബച്ചനും പ്രധാന കഥാപാത്രങ്ങളായി ധൂം- 2 തീയറ്ററിലെത്തി. വലിയ ബോക്സ് ഓഫീസ് വിജയമാണ് ചിത്രം നേടിയത്. തുടർന്ന് ആമിർ ഖാൻ നായകനായ ധൂം - 3 2013 - ൽ പുറത്തിറങ്ങി. ആമിർ ഖാൻ ഡബിൾ റോളിൽ എത്തിയ ചിത്രത്തിൽ കത്രീന കൈഫാണ് നായിക വേഷത്തിലെത്തിയത്.

Read More Entertainment Stories Here

• എയർപോർട്ടിനകത്തു നിന്ന് ഇങ്ങനെയും പുറത്തുകടക്കാം; ഇത് ശിൽപ്പ ഷെട്ടി സ്റ്റൈൽ
• 60 നേപ്പോളിയന്മാരെ സ്വര്‍ണനൂലില്‍ നെയ്തെടുത്ത് ഭാര്യ ജയസുധ
• വരന് 20, വധുവിന് 32; തന്റെ വിവാഹം അമ്മയെ വിഷമിപ്പിച്ചു എന്ന് സെയ്ഫ്
• സെറ്റിൽ ലൈറ്റ് ബോയ്സിനു വരെ നായകന്റെ അതേ ഫുഡ് എന്ന പോളിസി നടപ്പാക്കിയ നായകൻ
• കപൂര്‍ കണ്ണുകളുള്ള കുട്ടി, ഇവള്‍ ബോളിവുഡ് വാഴുമെന്ന് ആരാധകര്‍