ഇതുവരെ നേടിയത് മുടക്കുമുതലിന്റെ 5 ഇരട്ടി ലാഭം; ബോക്സ് ഓഫീസിൽ താരമായി രേഖാചിത്രം

Rekhachithram Box Office Collection Day 6: ആസിഫ് അലി, അനശ്വര രാജൻ എന്നിവരെ പ്രധാന കഥാപാത്രങ്ങളാക്കി ജോഫിന്‍ ടി ചാക്കോ സംവിധാനം ചെയ്ത  'രേഖാചിത്രം' 2025ലെ ആദ്യ ഹിറ്റായി മാറിയിരിക്കുകയാണ്.  മലയാളത്തില്‍ അപൂര്‍വ്വമായ ആള്‍ട്ടര്‍നേറ്റ് ഹിസ്റ്ററി എന്ന സബ് ജോണറില്‍ വന്ന ഈ ചിത്രം ഇതിനകം തന്നെ മുടക്കുമുതലിന്റെ അഞ്ചിരട്ടി നേടി കഴിഞ്ഞു. 

റിലീസിന്റെ ആദ്യദിനം തന്നെ ബോക്സ് ഓഫീസിൽ കരുത്തു തെളിയിച്ച ചിത്രം, ഏഴുദിവസം പിന്നിടുമ്പോൾ 34.3 കോടിയോളമാണ് ബോക്സ് ഓഫീസിൽ നിന്നും കളക്റ്റ് ചെയ്തത്. 

ആറു കോടി ബജറ്റിലാണ് ചിത്രം ഒരുക്കിയത്. ബജറ്റിന്റെ അഞ്ചിരട്ടി ഇതിനകം തന്നെ നേടി കഴിഞ്ഞ ചിത്രത്തിനു മുന്നിലെ അടുത്ത മൈൽസ്റ്റോൺ 50 കോടി ക്ലബ്ബാണ്. അധികം വൈകാതെ ആ മൈൽസ്റ്റോണും ചിത്രം സ്വന്തമാക്കുമെന്നാണ് അനലിസ്റ്റുകളുടെ വിലയിരുത്തൽ. 

View this post on Instagram

A post shared by KAVYA FILM COMPANY (@kavyafilmcompany)

മനോജ് കെ ജയൻ, ഇന്ദ്രൻസ്, ഹരിശ്രീ അശോകൻ, ഭാമ അരുൺ, സിദ്ദിഖ്, ജഗദീഷ്, സായികുമാർ, ശ്രീകാന്ത് മുരളി, ഉണ്ണി ലാലു, നിഷാന്ത് സാഗർ, പ്രേംപ്രകാശ്, സുധി കോപ്പ, മേഘ തോമസ്, സെറിൻ ശിഹാബ് തുടങ്ങി വലിയൊരു താരനിര തന്നെ ചിത്രത്തിലുണ്ട്. അപ്പു പ്രഭാകർ ഛായാഗ്രഹണവും മുജീബ് മജീദിന്റെ സംഗീതവും നിർവഹിച്ച ചിത്രം വേണു കുന്നപ്പിള്ളിയാണ് രേഖാചിത്രത്തിന്റെ നിർമ്മാണം നിർമ്മിച്ചിരിക്കുന്നത് കാവ്യ ഫിലിം കമ്പനി, ആൻ മെഗാ മീഡിയ എന്നീ ബാനറുകളിലാണ്.

Read More

• • Pani OTT: പണി ഒടിടിയിലെത്തി; എവിടെ കാണാം?
  • വിരസകാഴ്ചകൾ, ഏൽക്കാതെ പോയ കോമഡികൾ; പ്രാവിൻകൂട് ഷാപ്പ് റിവ്യൂ; Pravinkoodu Shappu Review
  • നടൻ സെയ്ഫ് അലി ഖാന് ഗുരുതര പരുക്ക്; ആശുപത്രിയിൽ പ്രവേശിപ്പിച്ചു
  • മാലാഖമാർ സാക്ഷി, ബട്ടർഫ്ളൈ ഗേളായി നിതാര; പിറന്നാൾ വർണാഭമാക്കി പേളി, ചിത്രങ്ങൾ
  • ഒരു പക്കാ നായികാ പ്രോഡക്റ്റ്; അനശ്വരയെക്കുറിച്ച് മനോജ് കെ ജയൻ