മഞ്ജുവിന് പിഷാരടി വക രണ്ട് പെട്ടി പിറന്നാളാശംസകൾ, ശ്രദ്ധ നേടി കുറിപ്പ്

മലയാള സിനിമയിലെ ലേഡി സൂപ്പർ സ്റ്റാർ മഞ്ജു വാര്യരുടെ 47-ാം പിറന്നാൾ ആണിന്ന്. താരത്തിന്റെ അടുത്ത സുഹൃത്തുക്കളായ കുഞ്ചാക്കോ ബോബൻ, രമേഷ് പിഷാരടി എന്നിവരെല്ലാം മഞ്ജുവിന് സമൂഹമാധ്യമങ്ങളിലൂടെ ആശംസകൾ നേർന്നിട്ടുണ്ട്.

Also Read: ആരാ ചാക്കോച്ചാ കൂടെയൊരു കിമോണ സുന്ദരി?

മഞ്ജുവിനൊപ്പം എയർപോർട്ടിൽ നിൽക്കുന്ന ഒരു ചിത്രമാണ് രമേഷ് പിഷാരടി ഷെയർ ചെയ്തിരിക്കുന്നത്. "രണ്ട് പെട്ടി പിറന്നാളാശംസകൾ," എന്ന അടിക്കുറിപ്പോടെയാണ് രമേഷ് പിഷാരടി ചിത്രം പങ്കുവച്ചിരിക്കുന്നത്.

View this post on Instagram

A post shared by Ramesh Pisharody (@rameshpisharody)

അതേസമയം, മഞ്ജുവിനൊപ്പം ജാപ്പാനീസ് അറ്റയറിലുള്ള ചിത്രങ്ങളാണ് ചാക്കോച്ചൻ ഷെയർ ചെയ്തത്. ഏതോ യാത്രയ്ക്കിടയിൽ പകർത്തിയ ചിത്രമാണിത്. ജപ്പാനുകാരുടെ പരമ്പരാഗത വസ്ത്രമായ കിമോണയിൽ അതിസുന്ദരിയായ മഞ്ജുവിനെയാണ് ചിത്രങ്ങളിൽ കാണാനാവുക. മുഖം മറച്ചുകൊണ്ട് ചിത്രങ്ങൾക്ക് പോസ് ചെയ്യുന്ന കുഞ്ഞ് ഇസഹാഖിനെയും ചിത്രത്തിൽ കാണാം.  

Also Read: കെട്ടിച്ചുവിട്ടില്ലെങ്കിൽ ഇവളെന്റെ തലയിലാവുമോ എന്ന് ലക്ഷ്മിയോട് പറഞ്ഞു: സെറീനയെ ട്രോളി അഖിൽ മാരാർ

1995ൽ 'സാക്ഷ്യം' എന്ന സിനിമയിലൂടെ ആണ് മഞ്ജു വാര്യർ വെള്ളിത്തിരയിൽ അരങ്ങേറ്റം കുറിക്കുന്നത്. തന്റെ പതിനെട്ടാമത്തെ വയസിൽ 'സല്ലാപ'ത്തിലൂടെ നായികയായി. ഈ ചിത്രം ആയിരുന്നു മലയാള സിനിമയിൽ മഞ്ജുവിന് ഒരു സ്ഥാനം നേടി കൊടുത്തത്. 'ഈ പുഴയും കടന്ന്' എന്ന ചിത്രത്തിലെ അഭിനയത്തിനു മികച്ച നടിക്കുള്ള സംസ്ഥാന ചലച്ചിത്ര അവാര്‍ഡും കരസ്ഥമാക്കി. കണ്ണെഴുതി പൊട്ടും തൊട്ട് എന്ന സിനിമയിലെ അഭിനയത്തിനു ദേശീയ ജൂറിയുടെ പ്രത്യേക പരാമര്‍ശവും ലഭിച്ചിട്ടുണ്ട്.

സമ്മർ ഇൻ ബത്ലഹേം, ആറാം തമ്പുരാൻ, പത്രം, ദില്ലിവാല രാജകുമാരന്‍, കളിവീട്, കളിയാട്ടം, കുടമാറ്റം, കൃഷ്ണഗുഡിയില്‍ ഒരു പ്രണയകാലത്ത്, ഇരട്ടക്കുട്ടികളുടെ അച്ഛന്‍, പ്രണയവര്‍ണ്ണങ്ങള്‍, കന്മദം, എന്നിങ്ങനെ പോകുന്നു മഞ്ജുവിന്റെ അഭിനയ മികവ്. വിവാഹ ശേഷം സിനിമയില്‍ നിന്ന് മഞ്ജു വാര്യർ ദീര്‍ഘകാലം ഇടവേളയെടുത്തിരുന്നു.

Also Read: New malayalam OTT Release: മനോരമ മാക്സിൽ കാണാം 10 പുതിയ മലയാളചിത്രങ്ങൾ

ഒടുവിൽ 2014ല്‍ പുറത്തിറങ്ങിയ 'ഹൗ ഓൾഡ് ആർയു' എന്ന ചിത്രത്തിലൂടെ ​ഗംഭീര തിരിച്ചുവരവ് നടത്തി. ചാക്കോച്ചനായിരുന്നു ചിത്രത്തിലെ നായകൻ. റാണി പത്മിനി, വേട്ട, ഉദാഹരണം സുജാത, വില്ലന്‍, ആമി, ഒടിയന്‍, ലൂസിഫര്‍, പ്രതി പൂവന്‍കോഴി, ദി പ്രീസ്റ്റ്, ചതുർമുഖം, എമ്പുരാൻ തുടങ്ങിയ സിനിമകളാണ് രണ്ടാം വരവിൽ മഞ്ജു പ്രേക്ഷകർക്ക് സമ്മാനിച്ചത്. 

അസുരൻ എന്ന ധനുഷ് ചിത്രത്തിലൂടെ തമിഴിലും മഞ്ജു ചുവടുറപ്പിച്ചു. മഞ്ജു അവതരിപ്പിച്ച പച്ചയമ്മാള്‍ എന്ന കഥാപാത്രം ഏറെ പ്രശംസകള്‍ നേടി. അജിത്ത് ചിത്രം തുനിവ്, വേട്ടയ്യൻ, വിടുതലൈ പാർട്ട് 2 എന്നിവയും മഞ്ജു അഭിനയിച്ച തമിഴ് ചിത്രങ്ങളാണ്. 

Also Read: മലയൂര് നാട്ടാമ; മലേഷ്യൻ തെരുവിൽ തകർപ്പൻ ഡാൻസുമായി മിയയും ശിൽപ്പ ബാലയും, വീഡിയോ