നിറഞ്ഞാടി രജനീകാന്ത്, ഫഹദിന്റേത് ഗംഭീര പ്രകടനം; വേട്ടയ്യൻ ആദ്യ പ്രതികരണങ്ങൾ

ആരാധകർ കാത്തിരുന്ന രജനീകാന്ത് ചിത്രം വേട്ടയ്യൻ റിലീസ് ചെയ്തു. അമിതാഭ് ബച്ചൻ, റാണ ദഗുബാട്ടി, ഫഹദ് ഫാസിൽ, മഞ്ജു വാര്യർ, റിതിക സിങ്, ദുഷാര വിജയൻ തുടങ്ങി വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്. വേട്ടയ്യനിൽ രജനീകാന്ത് തകർത്ത് അഭിനയിച്ചുവെന്നാണ് ആദ്യ പ്രതികരണങ്ങൾ. ഫഹദും ചിത്രത്തിൽ മികച്ച അഭിനയം കാഴ്ചവച്ചിട്ടുണ്ടെന്ന് സിനിമ കണ്ടവർ പറയുന്നു.

സോഷ്യൽ മീഡിയയിലും ചിത്രത്തിന് പോസിറ്റീവ് റിവ്യൂ ആണ് ലഭിക്കുന്നത്. ചിത്രം മുഴുവൻ ട്വിസ്റ്റ് എന്നാണ് ഒരാൾ എക്സിൽ കുറിച്ചിരിക്കുന്നത്. രജനീകാന്തും ഫഹദും വേട്ടയ്യനിൽ തകർത്ത് അഭിനയിച്ചുവെന്നും ഈ വർഷത്തെ ഏറ്റവും മികച്ച ചിത്രം എന്നുമാണ് മറ്റൊരാളുടെ കമന്റ്. മഞ്ജു വാര്യർക്ക് സ്ക്രീൻ ടൈം കുറവാണെങ്കിലും മികച്ച പ്രകടനം നടത്തിയുണ്ടെന്നാണ് കമന്റുകൾ. അനിരുദ്ധിന്റെ പശ്ചാത്തല സംഗീതവും ഗാനങ്ങളും വേട്ടയ്യൻ സിനിമയെ കൂടുതൽ ഗംഭീരമാക്കിയതായും ആരാധകർ കമന്റ് ചെയ്തിട്ടുണ്ട്. 

തമിഴ്, തെലുങ്ക്, ഹിന്ദി, കന്നഡ ഭാഷകളിലാണ് വേട്ടയ്യൻ റിലീസ് ചെയ്തത്. അനിരുദ്ധ് രവിചന്ദറാണ് ചിത്രത്തിന് സംഗീതം പകര്‍ന്നിരിക്കുന്നത്. അനിരുദ്ധ് രവിചന്ദർ സംഗീതം നൽകിയ ചിത്രത്തിലെ 'മനസിലായോ?' എന്ന ഗാനം സമൂഹമാധ്യമങ്ങളിൽ ട്രെൻഡായി മാറിയിരുന്നു. ഗാനരംഗത്തിൽ രജനികാന്തിനൊപ്പമുള്ള മഞ്ജുവിന്റെ ഡാൻസ് ചുവടുകളും വലിയ രീതിയിൽ ശ്രദ്ധ നേടിയിരുന്നു. ലൈക്ക പ്രൊഡക്ഷൻസ് ആണ് ചിത്രം നിർമ്മിച്ചിരിക്കുന്നത്. 

Read More

• New OTT Release: ഈ മാസം ഒടിടിയിലെത്തുന്ന മലയാളം വെബ് സീരീസുകൾ
• കാത്തിരിപ്പിനൊടുവിൽ നയൻതാര വിഘ്നേശ് വിവാഹം ഒടിടിയിലേക്ക്: Nayanthara Vignesh Shivan Wedding Documentary OTT Release On Netflix
• ''അവൻ പോയതു മുതൽ എൻ്റെ ഹൃദയം തകർന്നിരിക്കുകയാണ്''; കല്യാണി പ്രിയദർശൻ
• കപ്പിൾസ് ഇൻ ബ്ലാക്ക്: പൂർണ്ണിമയെ ചേർത്തു പിടിച്ച് ഇന്ദ്രജിത്ത്
• ഫഹദ് ഫാസിലിനെ പോലെയൊരു അസാധ്യ നടനെ എവിടെയും കണ്ടിട്ടില്ല: രജനീകാന്ത്