Pravinkoodu Shappu OTT: പ്രാവിൻകൂട് ഷാപ്പ് ഒടിടിയിലെത്തി; എവിടെ കാണാം?

Pravinkoodu Shappu Ott Release: സൗബിന്‍ ഷാഹിര്‍, ബേസില്‍ ജോസഫ്, ചെമ്പൻ വിനോദ് ജോസ് എന്നിവർ പ്രധാന കഥാപാത്രമായ 'പ്രാവിന്‍കൂട് ഷാപ്പ്' ജനുവരി 16-നാണ് തിയേറ്ററുകളിലെത്തിയത്. ഡാർക്ക് ഹ്യൂമർ ജോണറിലുള്ള ചിത്രം സമ്മിശ്ര പ്രതികരണമായിരുന്നു നേടിയത്. ചിത്രം ഇപ്പോൾ ഒടിടിയിൽ സ്ട്രീമിങ് ആരംഭിച്ചിരിക്കുകയാണ്.

ഒരു ഷാപ്പില്‍ നടന്ന മരണവും ആ മരണത്തെ ചുറ്റിപറ്റി നടക്കുന്ന സംഭവങ്ങളും കേസന്വേഷണവും ഒക്കെയാണ് ചിത്രം പറയുന്നത്. ഷാപ്പുടമ ബാബുവായി ശിവജിത്തും ഷാപ്പിലെ ജീവനക്കാരനായ കണ്ണൻ എന്ന കഥാപാത്രമായി സൗബിനും കണ്ണന്‍റെ ഭാര്യ മെറിൻഡയായി ചാന്ദ്‍നിയും കേസന്വേഷണത്തിനെത്തുന്ന പൊലീസ് ഉദ്യോഗസ്ഥനായി ബേസിലും ഷാപ്പിലെ പതിവുകാരൻ സുനിലായി ചെമ്പൻ വിനോദ് ജോസുമാണ് എത്തുന്നത്.

 
അൻവർ റഷീദ് എന്റർടെയ്ൻമെൻ്റ്സിൻ്റെ ബാനറിൽ അൻവർ റഷീദ് നിർമ്മിച്ച ചിത്രത്തിന്റെ സംവിധായകൻ നവാഗതനായ ശ്രീരാജ് ശ്രീനിവാസൻ ആണ്. ‘മഞ്ഞുമ്മൽ ബോയ്സ്’ എന്ന ഹിറ്റ് ചിത്രത്തിന് ശേഷം ഷൈജു ഖാലിദ് ഛായാഗ്രഹണം നിർവഹിച്ച ചിത്രമാണിത്. തല്ലുമാല, ഫാലിമി എന്നീ ചിത്രങ്ങൾക്ക് ശേഷം വിഷ്ണു വിജയ് സംഗീതം ഒരുക്കിയ ചിത്രം കൂടിയാണിത്. 

Pravinkoodu Shappu Ott Release: പ്രാവിൻകൂട് ഷാപ്പ് ഒടിടി റിലീസ്

 സോണി ലിവിലൂടെയാണ് പ്രാവിന്‍കൂട് ഷാപ്പ് സ്ട്രീമിങ് ആരംഭിച്ചിരിക്കുന്നത്. 

Read More:

• Chhaava OTT: ബോക്സ് ഓഫീസിൽ 800 കോടിയുമായി ഛാവ ഒടിടിയിലേക്ക്; നാളെ മുതൽ സ്ട്രീമിങ്
• മലയാളത്തിൽ ഏറ്റവും കൂടുതൽ കളക്ഷൻ നേടിയ സിനിമ എന്ന നേട്ടവുമായി 'എമ്പുരാൻ'
• ഇന്നാ പിടിച്ചോ 100 കോടി തിയേറ്റർ ഷെയർ; കൂട്ടുകാരന്റെ വെല്ലുവിളിക്ക് മോഹൻലാലിന്റെ ചെക്ക്‌മേറ്റ്
• മലയാളത്തിലെ ആദ്യ 100 കോടി; സുവർണ നേട്ടവുമായി എമ്പുരാൻ
• വൻ താരനിരയും ഗംഭീര മേക്കിംഗും, പക്ഷേ അതുമാത്രം മതിയോ? ഹൈപ്പിനൊപ്പം പിടിച്ചു നിൽക്കാനാവാതെ 'എമ്പുരാൻ', റിവ്യൂ