നിന്നോടുള്ള സ്നേഹം പറഞ്ഞറിയിക്കാനാകില്ല; വിഘ്നേഷിന് ആശംസയുമായി നയൻതാര

തെന്നിന്ത്യക്ക് പ്രിയപ്പെട്ട താരജോഡികളാണ് നയൻതാരയും വിഘ്നേഷ് ശിവനും. വിഘ്നേഷിന്റെ ജന്മദിനത്തിൽ നയൻതാര സോഷ്യൽ മീഡിയയിൽ പങ്കുവച്ച പോസ്റ്റാണ് ഇപ്പോൾ ശ്രദ്ധ നേടുന്നത്. ഇരുവരുടെയും ചിത്രങ്ങളും, ഒപ്പം മനോഹരമായ കുറിപ്പും നയൻതാര തന്റെ ഇൻസ്റ്റഗ്രാം അക്കൗണ്ടിലൂടെ പങ്കുവച്ചു.

"എന്റെ എല്ലാമെല്ലാമയവന് പിറന്നാളാശംസകൾ. പറഞ്ഞറിയിക്കാനാകാത്തവിതം ഞാൻ നിന്നെ സ്നേഹിക്കുന്നു. ജീവിതത്തിൽ ആഗ്രഹിക്കുന്നതെല്ലാം നൽകി ദൈവം അനുഗ്രഹിക്കട്ടെ, എൻ്റെ ഉയിർ ലോകം," നയൻതാരയുടെ കുറിപ്പ് ഇങ്ങനെ. നിരവധി ആരാധകരാണ് കമന്റിലൂടെ വിഘ്നേഷിന് ജന്മദിനാശസ നേരുന്നത്.

View this post on Instagram

A post shared by N A Y A N T H A R A (@nayanthara)

ഏഴു വര്‍ഷത്തെ പ്രണയത്തിനു ശേഷം 2022 ജൂണ്‍ 9 നാണ് വിഘ്‌നേഷ് നയന്‍താരയുടെ കഴുത്തില്‍ താലി ചാര്‍ത്തിയത്. അതേ വർഷം ഒക്ടോബറിലാണ് ഇരുവർക്കും ഇരട്ട കുട്ടികൾ ജനിച്ചത്. ഉയിർ- രുദ്രോനീൽ എൻ ശിവൻ, ഉലക് – ദൈവിക് എൻ ശിവൻ എന്നിങ്ങനെയാണ് കുഞ്ഞുങ്ങളുടെ പേരുകൾ. 

View this post on Instagram

A post shared by N A Y A N T H A R A (@nayanthara)

സൈമ അവാർഡ്സിൽ പങ്കെടുക്കാൻ വിഘ്നേഷിനൊപ്പമെത്തിയ നയൻതാരയുടെ ചിത്രങ്ങൾ അടുത്തിടെ ശ്രദ്ധനേടിയിരുന്നു. അവാർഡ് ദാന ചടങ്ങിൽ അന്നപൂരണിയിലെ അഭിനയത്തിന് മികച്ച നടിയ്ക്കുള്ള പുരസ്കാരം നയൻതാര നേടി. വിഘ്നേഷ് ശിവൻ നയൻതാരയുടെ നെറ്റിയിൽ ചുംബിക്കുന്നത് ചിത്രങ്ങളിൽ കാണാം. 

നയൻതാരയ്ക്കും വിഘ്‌നേഷ് ശിവനും വർഷങ്ങൾക്ക് മുമ്പ് തങ്ങളുടെ ബന്ധം ഔദ്യോഗികമായി പ്രഖ്യാപിക്കുന്നത് ഒരു സൈമ അവാർഡിനിടെയാണ്. അതിനാൽ ഇരുവരുടെയും പ്രണയയാത്രയിൽ സൈമയ്ക്ക് പ്രത്യേക സ്ഥാനം തന്നെയുണ്ട്. മതവികാരം വ്രണപ്പെടുത്തിയെന്ന പേരിൽ വിവാദങ്ങൾ സൃഷ്ടിച്ച അന്നപൂരണിയിലാണ് നയൻതാര അവസാനമായി അഭിനയിച്ചത്. കടുത്ത എതിർപ്പിനെ തുടർന്ന് പിന്നീട് നെറ്റ്ഫ്ലിക്സ് ചിത്രം നീക്കം ചെയ്യുകയായിരുന്നു. ടെസ്റ്റ്, 1960 മുതൽ മണ്ണങ്ങാട്ടി, തനി ഒരുവൻ 2  എന്നിവയാണ് നയൻതാരയുടെ അണിയറയിലൊരുങ്ങുന്ന തമിഴ് ചിത്രങ്ങൾ. നിവിൻ പോളിയ്‌ക്കൊപ്പം അഭിനയിക്കുന്ന ഡിയർ സ്റ്റുഡൻസും അണിയറയിൽ ഒരുങ്ങുന്നുണ്ട്.

• പുതിയ സിനിമ സംഘടനയുടെ ഭാഗമല്ല: ലിജോ ജോസ് പെല്ലിശ്ശേരി
• പുലർച്ചെ നാലരയ്ക്ക് അക്ഷയ് തെങ്ങിൽ കയറാൻ പറഞ്ഞു: വിവേക് ഒബ്റോയ്
• ഓണം വൈബിൽ മാമ്മാട്ടിയും ചേച്ചി മീനാക്ഷിയും; ചിത്രങ്ങൾ
• ഇന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന താരം ഇനി ഷാരൂഖ് അല്ല, കിങ് ഖാനെ പിന്നിലാക്കി വിജയ്
• സത്യമാണോ എന്നറിയാൻ നുള്ളി നോക്കിയ നിമിഷം; നയൻതാരയെ ആദ്യം കണ്ട സന്തോഷം പങ്കിട്ട് പേളി മാണി
• എന്താണ് പ്രോഗ്രസീവ് ഫിലിം മേക്കേഴ്‌സ്? നേതൃസ്ഥാനത്ത് ആരൊക്കെ?