'എടാ, സൂപ്പർ സ്റ്റാർ...;' നസ്‍ലിന്റെ പോസ്റ്റിൽ ദുൽഖറിന്റെ കമന്റ്; ഒപ്പം കല്യാണിയും ടൊവിനോയും

മലയാള സിനിമയിലൊരു പുതിയ സിനിമാറ്റിക്ക് യൂണിവേഴ്സിലേക്കുള്ള വാതിലുകൾ തുറന്നിടുകയാണ് കല്യാണി പ്രിയദർശൻ പ്രധാനവേഷത്തിലെത്തുന്ന 'ലോക- പാർട്ട് 1: ചന്ദ്ര'. മികച്ച പ്രതികരണം നേടുന്ന ചിത്രം ബ്ലോക്ബസ്റ്റർ വിജയം ഉറപ്പിച്ചതായാണ് പ്രേക്ഷകർ പറയുന്നത്. നടൻ ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ചിത്രത്തിൽ നസ്‌ലിനും പ്രധാന വേഷത്തിലെത്തുന്നു. 

സിനിമയുടെ വിജയത്തിനു പിന്നാലെ, നസ്‌ലിൻ സോഷ്യൽ മീഡിയയിൽ പങ്കുവച്ച ടൊവിനോയ്ക്കും ദുൽഖറിനുമൊപ്പമുള്ള ചിത്രമാണ് ശ്രദ്ധനേടുന്നത്. ദുൽഖറും കല്യാണിയും അടക്കമുള്ള താരങ്ങൾ ചിത്രത്തിൽ കമന്റുമായെത്തിയിട്ടുണ്ട്. 'സൂപ്പർസ്റ്റാറുകളുടെ ഇടയിൽ' എന്ന ക്യാപ്ഷനോട് പങ്കുവച്ച പോസ്റ്റിൽ. 'എടാ സൂപ്പർസ്റ്റാറെ' എന്നാണ് ദുൽഖർ കുറിച്ചത്. 'ഓഹോ' എന്നായിരുന്നു കല്യാണിയുടെ കമന്റ്.

Also Read: വിവാദ ചൂടിൽ ബോക്സ് ഓഫീസ് കത്തിച്ച് 'ലോക;' ഏഴാംനാൾ 100 കോടി

View this post on Instagram

A post shared by Naslen (@naslenofficial)

ടൊവിനോ തോമസ്, അരുൺ കുര്യൻ, ചന്ദു സലിംകുമാർ തുടങ്ങി മറ്റു നിരവധി സെലിബ്രിറ്റികളും പോസ്റ്റിൽ കമന്റു ചെയ്തിട്ടുണ്ട്. അബുദാബിയിൽ നടന്ന ചിത്രത്തിന്റെ സ്പെഷൽ സ്ക്രീനിങ്ങിനിടെ പകർത്തിയ ചിത്രമാണിതെന്നാണ് സൂചന.

Also Read:ലോകയിലും ഓടും കുതിരയിലും കല്യാണിയ്ക്ക് ഡബ്ബ് ചെയ്തത് ആ ഗായിക; ആരെന്ന് ഊഹിക്കാമോ?

അതേസമയം, ഡൊമിനിക് അരുൺ രചനയും സംവിധാനവും നിർവ്വഹിച്ച ചിത്രമാണ് ലോക. സൂപ്പര്‍ഹീറോ കഥാപാത്രം ആയാണ് കല്യാണി പ്രിയദര്‍ശന്‍ ചിത്രത്തില്‍ എത്തുന്നത്. നസ്‌ലിൻ, ചന്ദു സലിം കുമാര്‍, അരുണ്‍ കുര്യന്‍, നിഷാന്ത് സാഗർ തുടങ്ങിയവരും ചിത്രത്തിൽ സുപ്രധാന വേഷങ്ങളിൽ എത്തുന്നുണ്ട്. നിമിഷ് രവി ആണ് ചിത്രത്തിനായി ഛായാഗ്രഹണം നിർവ്വഹിക്കുന്നത്. സംഗീതം ജേക്‌സ് ബിജോയ്, എഡിറ്റിങ് ചമൻ ചാക്കോ എന്നിവർ കൈകാര്യം ചെയ്യുന്നു. 

Read More:  മലയാളത്തിനുമുണ്ട് ഒരു കലക്കൻ സൂപ്പർഹീറോ യൂണിവേഴ്സ്! ലോക റിവ്യൂ