വിവാദ ചൂടിൽ ബോക്സ് ഓഫീസ് കത്തിച്ച് 'ലോക;' ഏഴാംനാൾ 100 കോടി

Lokah Chapter 1 Box Office Collection: ബോക്സ് ഓഫീസിൽ കളക്ഷൻ കുതിപ്പ് തുടരുകയാണ് കല്യാണി പ്രിയദർശൻ പ്രധാന വേഷത്തിലെത്തുന്ന 'ലോക - ചാപ്റ്റർ വൺ: ചന്ദ്ര.' മികച്ച പ്രതികരണവുമായി മുന്നേറുന്ന ചിത്രം, നടൻ ദുൽഖർ സൽമാൻ്റെ വേഫെറർ ഫിലിംസാണ് നിർമ്മിച്ചിരിക്കുന്നത്. കേരളത്തിനു പുറത്തും വലിയ സ്വീകാര്യതയാണ് ചിത്രത്തിനു ലഭിച്ചത്.

Also Read: ലോകയിലും ഓടും കുതിരയിലും കല്യാണിയ്ക്ക് ഡബ്ബ് ചെയ്തത് ആ ഗായിക; ആരെന്ന് ഊഹിക്കാമോ?

റിലീസിനെത്തി ഒരാഴ്ച പിന്നിടുമ്പോൾ, 100 കോടി കളക്ഷൻ എന്ന സുപ്രധാന നേട്ടം സ്വന്തമാക്കുകയാണ് ചിത്രം. മലയാളത്തിൽ ഏറ്റവും വേഗത്തിൽ നൂറു കോടി നേടുന്ന മൂന്നാമത്തെ ചിത്രമാണ് ലോക. 

Also Read:  മലയാളത്തിനുമുണ്ട് ഒരു കലക്കൻ സൂപ്പർഹീറോ യൂണിവേഴ്സ്! ലോക റിവ്യൂ

വേഫെറർ ഫിലിംസിന്റെ ഏഴാമത് ചിത്രമായ ലോക ഡൊമിനിക് അരുൺ ആണ് സംവിധാനം ചെയ്തിരിക്കുന്നത്. ചിത്രവുമായി ബന്ധപ്പെട്ട് ചില വിവാദങ്ങളും ഉയർന്നിരുന്നു. വിവാദങ്ങൾ ഇന്ധനമാക്കിക്കൊണ്ടുള്ള കുതിപ്പാണ് ചിത്രം ബോക്സ് ഓഫീസിൽ കാഴ്ചവയ്ക്കുന്നത്. വരും ദിവസങ്ങളിൽ കളക്ഷൻ ഇനിയും ഉയരുമെന്നാണ് പ്രതീക്ഷ.

Also Read: 'ചന്ദ്രക്ക് ഒരു പുതിയ തുണ'; വൈറലായി ബാറ്റ്മാന്റെ എൻട്രി

കല്യാണി പ്രിയദർശൻ, നസ്‌ലൻ, ചന്ദു സലിംകുമാര്‍, അരുണ്‍ കുര്യന്‍, നിഷാന്ത് സാഗർ തുടങ്ങി നിരവധി പ്രമുഖ താരങ്ങൾ ചിത്രത്തിൽ സുപ്രധാന വേഷങ്ങളിൽ എത്തുന്നുണ്ട്. നിമിഷ് രവി ആണ് ചിത്രത്തിനായി ഛായാഗ്രഹണം നിർവ്വഹിക്കുന്നത്. സംഗീതം ജേക്‌സ് ബിജോയ്, എഡിറ്റിങ് ചമൻ ചാക്കോ എന്നിവർ കൈകാര്യം ചെയ്യുന്നു. 

Read More: എന്താ ഇപ്പോ സംഭവിച്ചേ? ലോകയുടെ വിജയത്തിൽ സന്തോഷം അടക്കാനാവാതെ ദുൽഖർ, ചിത്രങ്ങൾ