ഞാനിപ്പോൾ ഡേറ്റിംഗിൽ ആണ്, ഈ ബന്ധത്തിൽ ഹാപ്പിയാണ്: മംമ്ത

മലയാളികൾക്ക് ഏറെയിഷ്ടമാണ് മംമ്തയെ. മയൂഖം മുതലിങ്ങോട്ട് ജനഗണമന വരെയുള്ള ചിത്രങ്ങളിൽ ഒരുപിടി നല്ല കഥാപാത്രങ്ങളിലൂടെ പ്രേക്ഷക ശ്രദ്ധ നേടിയ അഭിനേത്രി. 

2012ൽ വിവാഹമോചിതയായ മംമ്ത തന്റെ ജീവിതത്തിലെ പ്രണയത്തെ കുറിച്ച് വെളിപ്പെടുത്തിയിരിക്കുകയാണ് ഇപ്പോൾ. താൻ ഒരാളുമായി ഡേറ്റിംഗിൽ ആണെന്നാണ് മംമ്ത വെളിപ്പെടുത്തുന്നത്. 

“ഞാൻ ലോസ് ഏഞ്ചൽസിൽ ആയിരിക്കുമ്പോൾ ഒരാളുമായി പ്രണയത്തിലായിരുന്നു. പക്ഷേ അത് ലോങ്ങ് ഡിസ്റ്റൻസ് ബന്ധമായിരുന്നു, അത് വർക്കായില്ല.  എന്നെ സംബന്ധിച്ചിടത്തോളം, റിലേഷൻ എന്നത് വളരെ പ്രധാനമാണ്, പക്ഷേ അത് എളുപ്പമുള്ളതായിരിക്കണം. എൻ്റെ ജീവിതത്തിൻ്റെ മറ്റ് വശങ്ങൾ കണക്കിലെടുക്കുമ്പോൾ ഇനിയൊരു ബന്ധത്തിൽ നിന്നും അധിക സമ്മർദ്ദം ഞാൻ ആഗ്രഹിക്കുന്നില്ല. നിങ്ങൾക്ക് ഒന്നോ രണ്ടോ മൂന്നോ അവസരങ്ങൾ നൽകാം, എന്നാൽ അതിനപ്പുറം സമ്മർദ്ദം അതു തരുന്നെങ്കിൽ എനിക്ക് ശരിക്കും അത്  ആവശ്യമുണ്ടെന്ന് ഞാൻ കരുതുന്നില്ല, ”ഹിന്ദുസ്ഥാൻ ടൈംസിന് നൽകിയ അഭിമുഖത്തിൽ മംമ്ത പറഞ്ഞു. 

ഇപ്പോൾ താനൊരാളുമായി പ്രണയത്തിലാണെന്നും മംമ്ത വെളിപ്പെടുത്തി.  “ഞാൻ ഇപ്പോഴുള്ള അവസ്ഥിൽ സന്തോഷവതിയാണ്, ജീവിതം എവിടേക്കാണ് കൊണ്ടുപോകുന്നതെന്ന് നോക്കാം. ” മംമ്ത കൂട്ടിച്ചേർത്തു. 

View this post on Instagram

A post shared by Mamta Mohandas (@mamtamohan)

ഫൊറൻസിക് , ലാൽ ബാഗ്, മ്യാവൂ, ജനഗണമന, മഹേഷും മാരുതിയും  തുടങ്ങിയവയാണ് ഏറ്റവുമൊടുവിൽ മംമ്ത നായികയായി എത്തിയ ചിത്രങ്ങൾ. തമിഴ്, തെലുങ്ക് ഭാഷകളിലും മംമ്തയുടെ സിനിമകൾ ഒരുങ്ങുന്നുണ്ട്. തമിഴിൽ വിജയ് സേതുപതി നായകനാകുന്ന മഹാരാജ ആണ് മംമ്തയുടെ റിലീസിനൊരുങ്ങുന്ന ഏറ്റവും പുതിയ ചിത്രം.

Read More Entertainment Stories Here

• വെള്ളക്കാരന്റെ നാട്ടിലായാലും തമിഴ് സ്റ്റൈലിൽ കാര്യങ്ങൾ ചെയ്യുന്നതിന്റെ സന്തോഷം വേറെ തന്നെ: മാളവിക ജയറാം
• അന്നും ഇന്നും അവർ; നികത്താനാവാത്തൊരു നഷ്ടത്തെ ഓർമ്മിപ്പിക്കുന്നു ഈ ചിത്രമെന്ന് ആരാധകർ
• New OTT Release: നടികർ മുതൽ പവി കെയർ ടേക്കർ വരെ: ഒടിടിയിൽ കാണാം ഏറ്റവും പുതിയ 9 മലയാള ചിത്രങ്ങൾ
• മണിരത്നത്തിന്റെ ചിത്രമാണോ? ഈ 5 കാര്യങ്ങൾ ഉറപ്പായും കാണും!
• അന്ന് ആരണ്യകത്തിലെ അമ്മിണി, ഇന്ന് ഡിഎൻഎയിലെ പാട്ടി; സലീമ തിരിച്ചെത്തുമ്പോൾ