2018നേക്കാളും കാതലിനേക്കാളും മികച്ച ഓപ്പണിംഗ്: ഭ്രമയുഗം ആദ്യദിന ബോക്സ് ഓഫീസ് കണക്കുകളിങ്ങനെ

Bramayugam box office collection: ആദ്യദിനം തന്നെ തിയേറ്ററുകളിൽ നിന്നും മികച്ച പ്രതികരണം നേടിയിരിക്കുകയാണ് മമ്മൂട്ടി ചിത്രം ഭ്രമയുഗം. വ്യാഴാഴ്ച തിയേറ്ററുകളിലെത്തിയ ചിത്രം നിരൂപക പ്രശംസ നേടുന്നതിനൊപ്പം വാണിജ്യപരമായും മികച്ച തുടക്കം കുറിച്ചിരിക്കുകയാണ്. ഇൻഡസ്ട്രി ട്രാക്കർ സാക്നിൽക് പറയുന്നതനുസരിച്ച്, ആദ്യ ദിവസം തന്നെ ചിത്രം 3 കോടി രൂപ നേടിയെന്നാണ് കണക്ക്. വ്യാഴാഴ്ച കൊച്ചിയിൽ മാത്രം 128 ഷോകളാണ് ഭ്രമയുഗത്തിന് ലഭിച്ചത്, ആ ഷോകളാവട്ടെ  69% ഒക്യുപെൻസിക്ക് സാക്ഷ്യം വഹിക്കുകയും ചെയ്തു. ബെംഗളൂരുവിൽ, ചിത്രത്തിന് 158 ഷോകൾ ഉണ്ടായിരുന്നു, എന്നാൽ  27.25% മാത്രമായിരുന്നു ഒക്യുപ്പൻസി നിരക്ക്. ഭ്രമയുഗത്തിന് റിലീസിന് ശേഷം ലഭിച്ചുകൊണ്ടിരിക്കുന്ന നിരൂപക പ്രശംസ  ചിത്രത്തിൻ്റെ വാരാന്ത്യകളക്ഷൻ വർധിപ്പിക്കുമെന്ന പ്രതീക്ഷയിലാണ് തിയേറ്ററുകൾ. 

നിരൂപക പ്രശംസ നേടിയ കാതൽ-ദി കോർ എന്ന ചിത്രത്തിലാണ് മമ്മൂട്ടി അവസാനമായി അഭിനയിച്ചത്,  2023ലെ ഏറ്റവും മികച്ച ഇന്ത്യൻ ചിത്രങ്ങളിലൊന്നായി കണക്കാക്കപ്പെടുന്ന ചിത്രമാണിത്. കാതൽ-ദി കോർ ആദ്യ ദിനം 1.05 കോടി രൂപയാണ് നേടിയത്. അതേസമയം, 2023ൽ റിലീസിനെതതിയ മമ്മൂട്ടി ചിത്രം കണ്ണൂർ സ്ക്വാഡിന്റെ ആദ്യദിന കളക്ഷൻ 2.2 കോടി രൂപയായിരുന്നു. ഭ്രമയുഗത്തിൻ്റെ ആദ്യദിന ബോക്സ് ഓഫീസ് കളക്ഷൻ ബ്ലോക്ക്ബസ്റ്റർ ചിത്രമായ 2018ന്റെ ആദ്യദിന കളക്ഷനിലും കൂടുതലാണ്. ഒരു കോടിയിലധികം രൂപയാണ് 2018 ആദ്യദിനം ബോക്സ് ഓഫീസിൽ നിന്നും കളക്റ്റ് ചെയ്തത്.

രാഹുൽ സദാശിവൻ ആണ് ഭ്രമയുഗത്തിന്റെ സംവിധായകൻ. അർജുൻ അശോകൻ, സിദ്ധാർത്ഥ് ഭരതൻ, അമൽഡ ലിസ്, മണികണ്ഠൻ ആചാരി എന്നിവരും ചിത്രത്തിലുണ്ട്. മമ്മൂട്ടിയ്ക്ക് ഒപ്പം തന്നെ മികച്ച നിരൂപക പ്രശംസ നേടുന്നുണ്ട് അർജുൻ അശോകന്റെയും സിദ്ധാർത്ഥ് ഭരതന്റെയും പ്രകടനങ്ങളും.

Read More Entertainment Stories Here

• എന്തെല്ലാം തരത്തിലുള്ള ചിരികളാ, ഇതൊക്കെ എങ്ങനെ സാധിക്കുന്നു; വൈറലായി വീഡിയോ
• താണ്ഡവമാടി പോറ്റി, ധീരമായ പരീക്ഷണം: 'ഭ്രമയുഗം' റിവ്യൂ: Bhramayugam Movie Review
• അറിയാൻ പാടില്ലാഞ്ഞിട്ടു ചോദിക്കുവാ എന്താ വാപ്പച്ചിയുടെ ഉദ്ദേശം; ട്രോളുകളിൽ നിറയുന്ന ദുൽഖറും മമ്മൂട്ടിയും
• 'ഭ്രമയുഗ'ത്തിൽ മമ്മൂട്ടി കുഞ്ചമൺ പോറ്റിയോ?