'നൂറു കൊല്ലത്തിൽ ഒരിക്കലെങ്കിലും വിളിച്ചൂടേടോ തനിക്ക്;' ദുൽഖറിനോട് ടൊവിനോ

ബോക്സ് ഓഫീസ് കളക്ഷൻ റെക്കോർഡുകൾ തകർത്ത് പ്രദർശനം തുടരുകയാണ് കല്യാണി പ്രിയദർശൻ പ്രധാന വേഷത്തിലെത്തുന്ന 'ലോക - ചാപ്റ്റർ വൺ: ചന്ദ്ര.' മികച്ച പ്രതികരണവുമായി മുന്നേറുന്ന ചിത്രം, ദുൽഖർ സൽമാൻ്റെ വേഫെറർ ഫിലിംസാണ് നിർമ്മിച്ചിരിക്കുന്നത്. 

ഇപ്പോഴിതാ, ലോകയുടെ രണ്ടാം ഭാഗം പ്രഖ്യാപിച്ചുകൊണ്ടുള്ള വീഡിയോയും പോസ്റ്ററുകളും പുറത്തു വന്നു കഴിഞ്ഞു. ദുൽഖറിനെയും ടൊവിനോ തോമസിനെയും കാണിക്കുന്ന വീഡിയോയാണ് പുറത്തിറക്കിയിരിക്കുന്നത്. 'വെന്‍ ലജന്‍ഡ്‌സ് ചില്‍' എന്ന പേരില്‍ പുറത്തുവന്ന വീഡിയോയിൽ ചാത്തനായ ടൊവിനോയും ചാര്‍ളി എന്ന ഒടിയനായെത്തിയ ദുല്‍ഖറും തമ്മില്‍ കള്ളുകുടിച്ചിരിക്കുന്ന ദൃശ്യങ്ങൾ കാണാം.'എന്നെ ഇടയ്‌ക്കൊക്കെ വിളിക്കടോ' എന്ന് ചാത്തന്‍ ഒടിയനോട് പറയുമ്പോൾ കള്ളുകുടിച്ചാല്‍ അറുബോറന്‍ ആയതുകൊണ്ട് വിളിക്കാന്‍ താത്പര്യമില്ലാത്തത് എന്നാണ് ഒടിയന്റെ മറുപടി. അതേസമയം, താനാണ് ബോറൻ, കള്ളുകുടിച്ചാല്‍ ഞാന്‍ ഫണ്ണാണെന്നാണ് ചാത്തൻ തിരുത്തുന്നത്.

Also Read: ഇത്തവണ സ്കോറു ചെയ്ത് ചാത്തനും ഒടിയനും

അഞ്ച് ഭാഗങ്ങളുള്ള സൂപ്പർ ഹീറോ സിനിമാറ്റിക് യൂണിവേഴ്സിലെ ആദ്യ ചിത്രമാണ് ലോക. അഞ്ചു ഭാഗങ്ങൾ ഉണ്ടാവും ചിത്രത്തിനെന്ന് അണിയറപ്രവർത്തകർ വ്യക്തമാക്കിയിരുന്നു. മലയാളികൾക്കെല്ലാം സുപരിചിതമായ കള്ളിയങ്കാട്ട് നീലിയുടെ കഥയിൽ നിന്ന് പ്രചോദനം ഉൾക്കൊണ്ടാണ് ലോക ചാപ്റ്റർ 1 ഒരുക്കിയത്. ചന്തു സലിംകുമാർ, അരുൺ കുര്യൻ, ശരത് സഭ, നിഷാന്ത് സാഗർ, വിജയരാഘവൻ, ടൊവിനോ തോമസ്, ദുൽഖർ സൽമാൻ എന്നിവരാണ് ലോകയിലെ ശ്രദ്ധേയമായ മുഖങ്ങൾ.

Also Read: അമാനുഷികതയുടെ ലോകത്തേക്ക് ഓടിയനും ചാത്തന്മാരും

അതേസമയം, ഏറ്റവും കൂടുതൽ കളക്ഷൻ നേടുന്ന മലയാള ചിത്രമെന്ന ചരിത്ര നേട്ടം ലോക സ്വന്തമാക്കിക്കഴിഞ്ഞു. നിറഞ്ഞ സദസിലാണ് പലയിടത്തും ചിത്രം ഇപ്പോഴും പ്രദർശനം തുടരുന്നത്. ലോക ഉടൻ ഒടിടിയിലേക്കില്ലെന്ന് ദുൽഖർ സൽമാൻ അടുത്തിടെ പ്രേക്ഷകരെ അറിയിച്ചിരുന്നു. 

Read More: വിസ്മയ ലോകം തുറന്ന് ജെയിംസ് കാമറൂൺ; 'അവതാർ ഫയർ ആൻഡ് ആഷ്' ട്രെയിലർ