ആദ്യ കണ്‍മണിയെ വരവേറ്റ് കിയാരയും സിദ്ധാര്‍ഥും

ബോളിവുഡിന്റെ പ്രിയ താരദമ്പതികളാണ് നടൻ സിദ്ധാര്‍ഥ് മല്‍ഹോത്രയും നടി കിയാര അദ്വാനിയും. 2023ലാണ് ഇരുവരും വിവാഹിതരായത്. ഇപ്പോഴിതാ ജീവിതത്തിലേക്ക് ഒരു പുതിയ അതിഥിയെക്കൂടി സ്വാഗതം ചെയ്തിരിക്കുകയാണ് ഇരുവരും.

കിയാരയ്ക്കും സിദ്ധാര്‍ഥിനും പെൺ കുഞ്ഞ് ജനിച്ചു. അമ്മയും കുഞ്ഞും സുഖമായിരിക്കുന്നുവെന്നാണ് വിവരം. ഗിർഗാവിലെ സർ എച്ച്എൻ റിലയൻസ് ഫൗണ്ടേഷൻ ഹോസ്പിറ്റലിലായിരുന്നു കിയാരയെ പ്രവേശിപ്പിച്ചത്. 

Also Read: നിറവയറുമായി മെറ്റ് ഗാല വേദിയിൽ ചുവടുവച്ച് കിയാര അദ്വാനി; ചിത്രങ്ങൾ

View this post on Instagram

A post shared by KIARA (@kiaraaliaadvani)

ഈ വർഷം ഫെബ്രുവരിയിലായിരുന്നു കുഞ്ഞിനായി കാത്തിരിക്കുന്നുവെന്ന വിവരം സിദ്ധാർത്ഥും കിയാരയും ആരാധകരെ അറിയിച്ചത്. 'ഞങ്ങളുടെ ജീവിതത്തിലെ ഏറ്റവും വലിയ സമ്മാനം, കമിങ് സൂൺ' എന്ന കുറിപ്പോടെ സോഷ്യൽ മീഡിയയിലൂടെയായിരുന്നു സന്തോഷ വാർത്ത പങ്കുവച്ചത്.

Also Read: 'ജീവിതത്തിലെ ഏറ്റവും വലിയ സമ്മാനം,' സന്തോഷ വാർത്ത പങ്കുവച്ച് കിയാരയും സിദ്ധാര്‍ഥും

2023 ഫെബ്രുവരി 7ന് ജയ്‌സാൽമീറിലെ സൂര്യാഗഡ് ഹോട്ടലിൽ വെച്ചായിരുന്നു കിയാരയുടെയും സിദ്ധാർത്ഥിന്റെയും വിവാഹം.  കിയാര ലസ്റ്റ് സ്റ്റോറീസിന്റെ ഷൂട്ടിങ് പൂർത്തിയാക്കിയതിന് ശേഷം ഒരു പാർട്ടിയിലാണ് ഇരുവരും ആദ്യമായി കണ്ടുമുട്ടിയത്. 2020ൽ റിലീസിനെത്തിയ ‘ഷെർഷാ’ എന്ന ചിത്രത്തിൽ കിയാരയും സിദ്ധാർത്ഥും ഒരുമിച്ചു പ്രവർത്തിച്ചിരുന്നു. റോമിലെ ഒരു റസ്റ്റോറന്റിൽ വെച്ചാണ് സിദ്ധാർത്ഥ് തന്നോട് പ്രണയാഭ്യർത്ഥന നടത്തിയതെന്ന് കോഫി വിത്ത് കരൺ എന്ന പരിപാടിയിൽ കിയാര പറഞ്ഞിരുന്നു.

Read More: ഇന്ത്യ കണ്ട ഏറ്റവും പണച്ചെലവുള്ള ചിത്രം; രാമായണയുടെ ബജറ്റ് എത്രയെന്നറിയാമോ?