Kesari 2 OTT: മലയാളിയുടെ കഥപറഞ്ഞ അക്ഷയ് കുമാർ ചിത്രം; കേസരി 2 ഒടിടിയിലേക്ക്; എവിടെ കാണാം?

Kesari Chapter 2 OTT Release Date and Platform: ബോളിവുഡ് താരം അക്ഷയ് കുമാറിനെ നായകനാക്കി കരൺസിങ് ത്യാഗി സംവിധാനം ചെയ്ത് അടുത്തിടെ തിയേറ്ററുകളിലെത്തിയ ചിത്രമാണ് ‘കേസരി 2: ദി അൺടോൾഡ് സ്റ്റോറി ഓഫ് ജാലിയൻ വാലാബാഗ്.’ഇന്ത്യന്‍ നാഷണല്‍ കോണ്‍ഗ്രസിന്റെ അധ്യക്ഷസ്ഥാനത്തെത്തിയ ഏക മലയാളിയും വൈസ്രോയി കൗണ്‍സിലിലെ ഏക ഇന്ത്യക്കാരനുമായിരുന്ന സർ ചേറ്റൂർ ശങ്കരൻ നായരുടെ ജീവിതമാണ് ചിത്രത്തിന്റെ പ്രമേയം. 

അക്ഷയ് കുമാർ ശങ്കരൻ നായരുടെ വേഷത്തിലാണ് ചിത്രത്തിലെത്തുന്നത്. സി. ശങ്കരൻ നായരുടെ കൊച്ചുമകനായ രഘു പാലാട്ടും പുഷ്‍പ പാലാട്ടും ചേർന്ന് എഴുതിയ ‘ദ് ഷേക്ക് ദാറ്റ് ഷൂക്ക് ദ് എംപയർ’ എന്ന പുസ്‍തകത്തെ ആസ്‍പദമാക്കിയാണ് സിനിമ. ജാലിയൻ വാലാബാഗ് കൂട്ടക്കൊലയുടെ കാരണക്കാരനായ ജനറൽ മൈക്കിൾ ഡയറിനെതിരെയും ക്രൂരമായ മാർഷൽ നിയമത്തിനെതിരെയുമുള്ള സി. ശങ്കരൻ നായരുടെ കോടതിപോരാട്ടങ്ങളുടെ കഥയാണ് സിനിമ പറയുന്നത്.

Also Read: പ്രിൻസ് ആൻഡ് ഫാമിലി ഒടിടിയിലേക്ക്, റിലീസ് തീയതി പ്രഖ്യാപിച്ചു

മാധവൻ, അനന്യ പാണ്ഡെ എന്നിവരാണ് മറ്റ് പ്രധാന അഭിനേതാക്കൾ. കരൺ ജോഹറിന്റെ ധർമ പ്രൊഡക്‌ഷൻസ്, കേപ് ഓഫ് ഗുഡ് ഫിലിംസ്, ലിയോ മീഡിയ കലക്ടീവ് പ്രസന്റ് എന്നീ ബാനറുകൾ ചേർന്നാണ് നിർമാണം. ഏപ്രിൽ 18നാണ് ചിത്രം തിയേറ്ററുകളിലെത്തിയത്. മികച്ച പ്രേക്ഷക പ്രതികരണമാണ് ചിത്രത്തിനു ലഭിച്ചത്.

Also Read:ബെന്നിയ്ക്ക് ഷൺമുഖത്തിനോട് എന്താണിത്ര ദേഷ്യം:  31 വർഷത്തെ പകയുടെ കഥ കണ്ടെത്തി ട്രോളന്മാർ

Kesari Chapter 2 OTT: കേസരി ചാപ്റ്റർ 2 ഒടിടി

View this post on Instagram

A post shared by JioHotstar (@jiohotstar)

ജിയോഹോട്ട്സ്റ്റാറിലൂടെയാണ് കേസരി 2 ഒടിടിയിലെത്തുന്നത്. ജൂൺ 13 മുതൽ ചിത്രം സ്ട്രീമിങ് ആരംഭിക്കും. ഹിന്ദി, തെലുങ്ക്, തമിഴ് ഭാഷകളിൽ ചിത്രം ലഭ്യമാകുമെന്നാണ് വിവരം.

Read More: ബുർജ് ഖലീഫയിലെ മോഹൻലാലിന്റെ സ്കൈ-ഹൈ ലക്ഷ്വറി ഫ്ളാറ്റിന്റെ വില എത്രയെന്നറിയാമോ?