തകർത്തത് കെജിഎഫിനെ; ബോക്സ് ഓഫീസിൽ വേട്ടയാടി പ്രഭാസിന്റെ 'കൽക്കി 2898 എ.ഡി': Kalki 2898 AD box office collection

Kalki 2898 AD box office collection: ബോക്സ് ഓഫീസിൽ റെക്കോർഡ് നേട്ടവുമായി പ്രഭാസ് നായകനായ 'കൽക്കി 2898 എ.ഡി.' ഇന്ത്യൻ ബോക്സ് ഓഫീസിന്റെ ശാപം നീക്കി, ഈ വർഷത്തെ ഏറ്റവും വലിയ ഓപ്പണിങ് കളക്ഷനാണ് ചിത്രം നേടിയിരിക്കുന്നത്. ഇൻഡസ്ട്രി ട്രാക്കർ 'സാക്നിൽകി'ന്റെ റിപ്പോർട്ട് അനുസരിച്ച് കൽക്കി 2898 എഡി ഇന്ത്യയിൽ നിന്ന് മാത്രമായി ആദ്യ ദിനം നേടിയത് 95 കോടി രൂപയാണ്.

പ്രേക്ഷകർ ഏറെ പ്രതീക്ഷയോടെ കാത്തിരുന്ന ചിത്രം ബോക്സ് ഓഫീസ് റെക്കോർഡുകൾ തകർക്കുമെന്ന് ആരാധകർ ഉറപ്പിച്ചിരുന്നു. ഇപ്പോഴിതാ പ്രതീക്ഷകളോട് നീതി പുലർത്തുന്ന പ്രകടനമാണ് ചിത്രം കാഴ്ചവയ്ക്കുന്നത്. മികച്ച പ്രതികരണമാണ് ലോകമെമ്പാടുമുള്ള റിലീസ് കേന്ദ്രങ്ങളിൽ ചിത്രം നേടുന്നത്. 

നാഗ് അശ്വിന്റെ സംവിധാനത്തിലൊരുങ്ങിയ ചിത്രത്തിൽ, പ്രഭാസിനെ കൂടാതെ, അമിതാഭ് ബച്ചൻ , ദീപിക പദുക്കോൺ, കമൽഹാസൻ, ശോഭന തുടങ്ങിയ വൻ താരനിരയാണ് അണിനിരക്കുന്നത്. ദുൽഖർ സൽമാൻ, വിജയ് ദേവരകൊണ്ട, എസ്എസ് രാജമൗലി എന്നിവർ അതിഥി വേഷങ്ങളിലും ചിത്രത്തിലെത്തുന്നുണ്ട്. 

കൽക്കിയുടെ ഇന്ത്യയിലെ ഗ്രോസ് കളക്ഷൻ, 115 കോടി രൂപയാണ്. വിദേശ കളക്ഷനായി 65 കോടി രൂപയും ചിത്രം നേടി. 180 കോടി രൂപയാണ് ആദ്യ ദിനം ആകെ കളക്ഷനായി ചിത്രം നേടിയത്. തെലുങ്ക്, തമിഴ്, ഹിന്ദി, കന്നഡ, മലയാളം എന്നീ ഭാഷകളിൽ റിലീസ് ചെയ്ത ചിത്രം ഇന്ത്യയിൽ ഏറ്റവും കൂടുതൽ പണം നേടിയത് തെലുങ്ക് പതിപ്പിലൂടെയാണ്.

95 കോടി നെറ്റ് കളക്ഷനിൽ 64.5 കോടിയും തെലുങ്കിൽ നിന്നാണ് നേടിയത്. ഹിന്ദിയിൽ 24 കോടിയും, തമിഴിൽ 4 കോടിയും, മലയാളത്തിൽ 2.2 കോടിയും, കന്നഡയിൽ 30 ലക്ഷവും ചിത്രം സ്വന്തമാക്കി. ഷാരൂഖ് ഖാന്റെ ബ്ലോക് ബസ്റ്റർ ചിത്രമായ 'ജവാനേ'ക്കാൾ 20 കോടി രൂപ അധികമാണ് കൽക്കി 2898 എഡിയുടെ നെറ്റ് കളക്ഷൻ.

ഇന്ത്യയിൽ ആദ്യ ദിനം ഏറ്റവും കൂടുതൽ കളക്ഷൻ നേടുന്ന മൂന്നാമത്തെ ചിത്രമാണ് കൽക്കി 2898 എഡി. കെജിഎഫ് ചാപ്റ്റർ 2-ൻ്റെ ആദ്യ ദിന കളക്ഷനായ 159 കോടി മറികടന്നാണ് കൽക്കിയുടെ നേട്ടം. എസ്എസ് രാജമൗലി സംവിധാനം ചെയ്ത 'ആർആർആർ' (223), 'ബാഹുബലി 2' (217), എന്നീ ചിത്രങ്ങളാണ് ആദ്യ രണ്ട് സ്ഥാനങ്ങളിൽ.

റിലീസായ ഭാഷകളിലെല്ലാം മികച്ച പ്രതികരണം നേടുന്ന കൽക്കി, വരും ദിവസങ്ങളിൽ കാര്യമായ നേട്ടമുണ്ടാക്കുമെന്നാണ് പ്രതീക്ഷിക്കുന്നത്. ആദ്യ വാരം ചിത്രം 500 കോടി കളക്ഷൻ നേടുമെന്നാണ് ആരാധകരുടെ പ്രതീക്ഷ.

Read Here

• കൊടും ചൂടത്ത് വാനിൽ നിന്നും ഇറങ്ങി പോകാൻ പറഞ്ഞു; അമലാ പോളിനെതിരെ ആരോപണവുമായി ഹെയർ സ്റ്റൈലിസ്റ്റ്
• എവിടെ പോയാലും ഇതാണല്ലോ എന്റെ ഗതി; തായ്ലാൻഡിൽ എത്തി പേളിയും കുടുംബവും, രസകരമായ വീഡിയോ
• മെഹന്ദിക്കു പിന്നാലെ ഹൽദി ആഘോഷ ചിത്രങ്ങളുമായി മീര നന്ദൻ
• സൽമാന്റെ ഒക്കത്തിരിക്കുന്ന ഈ കുട്ടിയാണ് സോനാക്ഷിയുടെ വരൻ; കൗതുകമുണർത്തി ത്രോബാക്ക് ചിത്രം
• വീടിന്റെ പേര് രാമായണം, രാമനും ശത്രുഘ്നനും മുതൽ ലവ കുശന്മാർ വരെ വീട്ടിലുണ്ട്: സൊനാക്ഷി സിൻഹ