ഇതു ഞങ്ങളുടെ 56-ാമത്തെ ചിത്രം; മോഹൻലാലിന്റെ നായികയായി ശോഭന വീണ്ടുമെത്തുന്നു

മലയാളത്തിന്റെ എക്കാലത്തെയും ഹിറ്റ് ജോഡികളാണ് മോഹൻലാലും ശോഭനയും. ഈ താരജോഡികൾക്ക് ഏറെ ആരാധകരുണ്ട്. വർഷങ്ങൾക്കു ശേഷം ഇരുവരും ഒന്നിച്ചെത്തുകയാണ്. ശോഭന തന്നെയാണ് തന്റെ പുതിയ ചിത്രത്തിന്റെ വിശേഷം സമൂഹമാധ്യമങ്ങളിലൂടെ അനൗൺസ് ചെയ്തത്.

തരുൺ മൂർത്തി സംവിധാനംചെയ്യുന്ന ചിത്രത്തിലാണ് ശോഭനയും മോഹൻലാലും  നായികാനായകന്മാരായി എത്തുന്നത്. "കുറേ വർഷത്തിനു ശേഷം ഞാനൊരു മലയാളചിത്രം ചെയ്യുന്നു. ലാൽജിയുടെ 360മത്തെ ചിത്രമാണിത്. ഞങ്ങൾ ഒന്നിച്ചുള്ള 56മത്തെ ചിത്രം. ഞാൻ ഒരുപാട് എക്സൈറ്റഡാണ്," വീഡിയോയിൽ ശോഭന പറഞ്ഞു.

View this post on Instagram

A post shared by Shobana Chandrakumar (@shobana_danseuse)

നാലു വർഷങ്ങൾക്കു ശേഷമാണ് ശോഭന ഒരു മലയാള സിനിമയിൽ അഭിനയിക്കുന്നത് എന്ന പ്രത്യേകതയുമുണ്ട്. വരനെ ആവശ്യമുണ്ട് എന്ന ചിത്രത്തിൽ കല്യാണി പ്രിയദർശന്റെ അമ്മയായാണ് ഒടുവിൽ ശോഭന മലയാളത്തിൽ അഭിനയിച്ചത്. 

മാമ്പഴക്കാലം (2004) എന്ന ചിത്രത്തിലാണ് ഏറ്റവുമൊടുവിൽ ഇരുവരും ജോഡികളായി അഭിനയിച്ചത്. സാഗർ ഏലിയാസ് ജാക്കിയിൽ (2009) ഇരുവരും ഒന്നിച്ച് അഭിനയിച്ചിരുന്നുവെങ്കിലും ഇരുവരും ജോഡികളായിരുന്നില്ല. 

സൗദി വെള്ളക്കയ്ക്ക് ശേഷം തരുൺ മൂർത്തി സംവിധാനംചെയ്യുന്ന ചിത്രമാണിത്. ചിത്രത്തിന് പേരു നൽകിയിട്ടില്ല, എൽ360 എന്നാണ് നിലവിൽ ഈ പ്രൊജക്റ്റിന്റേ പേര്.  കെ.ആർ സുനിലും തരുൺ മൂർത്തിയും ചേർന്നാണ് തിരക്കഥ ഒരുക്കുന്നത്. രജപുത്ര വിഷ്വൽസ് മീഡിയ അവതരിപ്പിക്കുന്ന ചിത്രം നിർമിക്കുന്നത് എം രഞ്ജിത്ത് ആണ്.

Read More Entertainment Stories Here

• തോൽവിയിൽ കണ്ണീരണിഞ്ഞ് ഷാരൂഖ് ഖാൻ; പക്ഷെ സഞ്ചുവിന്റെ ടീമിനെ കണ്ടപ്പോൾ...
• എന്റെ കുട്ടികൾക്ക് കാണിച്ചു കൊടുക്കാൻ പൃഥ്വിയേക്കാൾ മികച്ച എക്സാമ്പിളില്ല: പൂർണ്ണിമ ഇന്ദ്രജിത്ത്
• പ്രണവിന്റെ അമ്മ സുചിത്രയും ഞാനും കസിൻസാണ്, പക്ഷെ അവന് അറിയില്ലായിരുന്നു: വൈ.ജി. മഹേന്ദ്രൻ
• പൃഥ്വിരാജും എആർ റഹ്മാനും സാമ്പത്തികമായി സഹായിച്ചു: വെളിപ്പെടുത്തി നജീബ്